retinitis pingmentosa ဆိုသည်မှာ မျက်လုံး၏ မြင်လွှာ ကို ထိခိုက်စေတဲ့ ရောဂါအုပ်စုဖြစ်ပါတယ်။ မြင်လွှာ ဆိုတာ မျက်လုံးအတွင်းအလွှာမှာရှိပြီး ဦးနှောက်ကို ပုံရိပ်တွေ ပို့ပေးတဲ့ အထူးဆဲလ်နှစ်မျိုးပါရှိပါတယ်။
ဒီအလင်းတုံ့ပြန်ဆဲလ်တွေကို rods နှင့် cones လို့ခေါ်ပါတယ်။ retinitis pigmentosa က မျက်ကြည်လွှာအတွင်းရှိ rods တွေကို ထိခိုက်စေခြင်းဖြင့် တဖြည်းဖြည်း အမြင်အာရုံပျောက်ကွယ်စေပြီး နောက်ဆုံးမှာ လုံးဝကန်းသွားသည်ထိ ဖြစ်နိုင်ပါတယ်။
စာရင်းပြုစုထားခြင်းများအရ လူ ၄၀၀၀ မှာ ၁ ယောက်ဟာ ဒီရောဂါဖြစ်နေပါတယ်။ ဖြစ်ပွားနိုင်ချေတွေကို လျှော့ချခြင်းဖြင့် ဒီရောဂါမဖြစ်အောင် ကာကွယ်နိုင်ပါတယ်။ သိရှိလိုသည်များကို ဆရာဝန်နဲ့ ဆက်လက်တိုင်ပင်ဆွေးနွေးပါ။
ရောဂါလက္ခဏာတွေက ကလေးဘဝမှာ စပြပါတယ်။ သို့သော် ဆိုးရွားတဲ့ အမြင်အာရုံပိုင်းလက္ခဏာတွေကတော့ ပျိုဖောဝင်ချိန် အစောပိုင်းလောက်ထိ မပေါ်သေးပါဘူး။
အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင် သင့်ပါတယ်။
သင့်ဆီမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။
ဖြစ်ပွားစေတဲ့ အကြောင်းကို သေချာမသိရသေးပါ။ သို့သော် ဆရာဝန်တွေကတော့ rod cells တွေကို ထိန်းချုပ်ထားတဲ့ မျိုးရိုးဗီဇဆဲလ် မှာ သန္ဓေပြောင်းလဲခြင်းကြောင့် ဖြစ်နိုင်သည်ဟုထင်ကြေး ပေးကြပါတယ်။
Retinitis pigmentation ကို ဖြစ်စေတဲ့ အရာတွေကို ရှင်ရှင်းလင်းလင်းမသိရတဲ့ အတွက်ကြောင့် ဖြစ်ပွားနိုင်ချေများစေတဲ့ အရာတွေကိုလည်း မတွေ့နိုင်သေးပါ။ သို့သော် မျိုးရိုးဗီဇဟာ အဓိကဖြစ်စေနိုင်တယ်ဆိုတာတော့ ယုံကြည်ထားကြပါတယ်။ ထို့ကြောင့် သင့်ဆွေမျိုးသားချင်းထဲမှာ ဒီရောဂါဖြစ်ဖူးလျှင် သင်လည်း ဖြစ်နိုင်ပါတယ်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
ဆရာဝန်က သင့်ကို ကျန်းမာရေးဆိုင်ရာ မေးခွန်းများမေးခြင်းနှင့် လက်တွေ့စမ်းသပ်ခြင်းများဖြင့် ရောဂါကို အဖြေရှာနိုင်ပါတယ်။ မျက်စိရဲ့ အနောက်ဘက်ကို ophthalmoscope ဆိုတဲ့ မျက်စိကြည့် ကိရိယာနဲ့ ကြည့်ခြင်းဖြင့် မျက်ကြည်လွှာရဲ့နောက်ဘက်မှာ အမဲရောင် အစက်လေးတွေ တွေ့နိုင်ပါတယ်။
တခြားအတည်ပြုလို့ရတဲ့ နည်းတွေကတော့
Retinitis pigmentosa ကို ကုသရန် တိတိကျကျ ဖော်ထုတ်ပေးထားတဲ့ ကုထုံးရယ်လို့ မရှိသေးပါ။ တချို့လေ့လာမှုတွေ အရ ဓါတ်တိုးဆန့်ကျင် (ဗီတာမင်အေ များများပေးခြင်းဖြင့်) ရောဂါကိုနှောင့် နှေးစေနိုင်ပါတယ်။
သို့သော်လည်း ဗီတာမင်အေ ပမာဏ များများပေးလျှင် အသည်းကို ဆိုးရွားစွာ ထိခိုက်နိုင်ပါသည်။ ကုသမှုရဲ့ ကောင်းကျိုးနဲ့ အသည်းအတွက် ဆိုးကျိုးကို ချိန်ဆလျှင် ကောင်းကျိုးက ပိုအလေးသာနေဖို့လိုပါတယ်။
မှန်ဘီလူးပါတဲ့ သို့မဟုတ် အနီအောက်ရောင်ခြည် ညကြည့်မှန်ပြောင်းပါတဲ့ အမြင်အာရုံထောက်ပံ့ကိရိယာတွေနဲ့ ညမမြင်ခြင်း တို့ကိုသက်သာစေပါတယ်။ နေကာမျက်မှန်တက်ခြင်းဖြင့် မျက်ကြည်လွှာကို ခရမ်းလွန်ရောင်ခြည်မှ ကာကွယ်ပေးပြီးအမြင်တချို့ပြန်ရနိုင်ပါတယ်။
အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများက သင့်အနေဖြင့် retinitis pigmentosa ကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာ အကူအညီပေးနိုင်ပါတယ်။
• မျက်လုံး ၏ မြင်လွှာကို ထိခိုက်စေသော ရောဂါစု ( Retinitis pigmentosa) ဆိုတာ မျိုးရိုးလိုက်တယ်ဆိုတာ မှတ်သားထားပါ။ သင့်မိသားစုကျန်းမာရေးကို သိရှိနားလည်ထားတယ်ဆိုလျှင် သင့်အတွက် တန်ဖိုးရှိတဲ့ သတင်းအချက်အလက်တွေရနိုင်ပါတယ်။ မျိုးရိုးဗီဇဆိုင် ရာ ဆွေးနွေးမှု နှင့် စမ်းသပ်မှုတွေ လုပ်ခြင်းဖြင့် သင့်ကလေးအတွက် ရောဂါဖြစ်ပွားနိုင်ချေရှိမရှိ သိနိုင်ပါတယ်။
• သင့်မှာ အမြင်အာရုံပိုင်းဆိုင်ရာပြသနာများ ဥပမာ ညမမြင်ခြင်း သို့ ဘေးဘက်ခြမ်းအမြင်အာရုံပျောက်ဆုံးခြင်းတို့ရှိ လျှင် ဆရာဝန်နဲ့ ပြပါ။
အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။