backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်
မာတိကာ

Propecia

မှ အချက်အလက် စစ်ဆေးထားပါသည်။ Dr. Kaung Thar


Dr. K Zin Thwe မှ ရေးသားသည်။ · 19/12/2019 တွင် အသစ်ဖြည့်စွက်ခဲ့သည်။

အသုံးပြုပုံများ

Propecia ကို ဘာအတွက်အသုံးပြုကြသလဲ

Propeciaဟာခန္ဓါကိုယ်ထဲမှာရှိတဲ့testosteroneဟော်မုန်းကနေdihydrotestosteroneဟော်မုန်းအဖြစ်ပြောင်းသွားခြင်းကိုတားမြစ်ပေးပါတယ်။

Propeciaကိုအမျိုးသားတွေမှာငယ်ထိပ်နဲ့ဦးရေပြားအလယ်ပိုင်းတွင်ဆံပင်များကျွတ်ခြင်းကိုကုသဖို့အတွက်သုံးပါတယ်။ အမျိုးသားတွေပုံစံဆံပင်ကျွတ်ခြင်းဆိုတာအမျိုးသားတွေမှာဦးရေပြားကဆံပင်တွေပါးလာတာကိုခေါ်တာဖြစ်ပါတယ်။ အဲအတွက်ကြောင့်နောက်ပိုင်းမှာငယ်ထိပ်ပြောင်ခြင်းအခြေအနေကိုရနိုင်ပါတယ်။

Propeciaကိုအမျိုးသားတွေအတွက်ပဲသုံးပါတယ်။ အမျုးသမီးတွေနဲ့ကလေးတွေအတွက်မသုံးသင့်ပါ။

Propecia ဘယ်လိုသောက်သုံးသင့်သလဲ

Propeciaကိုဆရာဝန်ညွှန်ကြားတဲ့အတိုင်းတိတိကျကျသောက်ပါ။ ညွှန်ကြားထားသည်ထက်ပိုသောက်ခြင်း၊လျှော့သောက်ခြင်းတွေမပြုလုပ်ပါနဲ့။ ဆေးညွှန်းမှာပါတဲ့ညွှန်ကြားချက်များကိုလိုက်နာပါ။

ယခုဆေးကိုရေတစ်ဖန်ခွက်အပြည့်နဲ့သောက်ပါ။

Propeciaကိုအစာနဲ့သို့မဟုတ်အစာမရှိချိန်မှာပါသောက်လို့ရပါတယ်။ ဆေးကိုနေ့တိုင်းတူညီတဲ့အချိန်တစ်ခုမှာသောက်ပါ။

ဆေးရဲ့အကောင်းဆုံးအာနိသင်ကိုရရှိရန်ဆေးကိုပုံမှန်သောက်ဖို့အရေးကြီးပါတယ်။ သင့်အနေနဲ့ဆေးရဲ့အာနိသင်ကိုမရခင်ဆေးကိုသုံးလနဲ့အထက်နေ့တိုင်းသောက်ဖို့လိုပါတယ်။Propeciaဆေးကိုဆက်သောက်ပါကဆေးဟာကြာရှည်အလုပ်လုပ်နိုင်ပါတယ်။ ယခုဆေးဟာသင့်အတွက်၁၂လကြာတဲ့အထိအာနိသင်မပြပါကအခြားဆေးတွေကလည်းသင့်အတွက်အကျိုးရှိမှာမဟုတ်ပါဘူး။ သင်Propeciaဆေးကိုသုံးတာရပ်လိုက်ပါကဆေးရပ်လိုက်ပြီး၁၂လအတွင်းမှာသင့်ဆံပင်တွေပြန်ကျွတ်လာမှာဖြစ်ပါတယ်။ သင့်အနေနဲ့သင့်ဆရာဝန်နဲ့တိုင်ပင်သင့်ပါတယ်။

ယခုဆေးဟာသင့်အတွက်အကျိုးရှိပြီးဘေးထွက်ဆိုးကျိုးတွေမဖြစ်စေဘူးဆိုတာသေချာစေဖို့အတွက်သင့်သွေးကိုမကြာခဏစစ်ဖို့လိုအပ်ပါတယ်။ ဆရာဝန်အနေနဲ့ဆီးကျိတ်ကင်ဆာရှိမရှိကိုစစ်ဆေးဖို့အတွက်prostate specific antigen(PSA) ကိုစမ်းသပ်ပါလိမ့်မယ်။ သင့်ဆရာဝန်ဆီကိုပုံမှန်သွားပါ။

Propecia ဘယ်လိုသိမ်းဆည်းရမလဲ

Propeciaကိုအခန်းအပူချိန်မှာထားတာအကောင်းဆုံးပါ။ တိုက်ရိုက်နေရောင်ထိတွေ့နိုင်သောနေရာနှင့်စိုစွတ်နေတဲ့နေရာတွေကနေဝေးဝေးထားပါ။ ဆေးအာနိသင်မပျက်အောင်ဆေးကိုရေချိုးခန်းနဲ့ရေခဲသေတ္တာထဲကိုမထည့်ထားသင့်ပါ။Propeciaဆေးအမျိုးအစားပေါ်မူတည်ပြီးဆေးထိန်းသိမ်းဖို့လိုအပ်ချက်များလည်းကွာခြားနိုင်ပါတယ်။ ဆေးကိုသိမ်းဆည်းဖို့အတွက်ဆေးထုပ်ပေါ်မှာရှိတဲ့ညွှန်ကြားချက်များကိုဖတ်ဖို့အရေးကြီးပါတယ်။ ဒါမှမဟုတ်သင့်ရဲ့ဆေးဝါးကျွမ်းကျင်ပညာရှင်ကိုလည်းမေးမြန်းနိုင်ပါတယ်။ ကလေးတွေနဲ့အိမ်မွေးတိရစ္ဆာန်တွေဘေးကင်းဖို့အတွက်ဆေးကိုသူတို့နဲ့ဝေးရာမှာထားသင့်ပါတယ်။

Propeciaကိုအိမ်သာထဲကိုပစ်ချတာနဲ့ရေထွက်ပေါက်တွေထဲကနေဆေးချတာမျိုးကိုမလုပ်သင့်ပါဘူး။ ဆေးဝါးတွေကိုမလိုအပ်တော့တဲ့အခါဒါမှမဟုတ်သက်တမ်းကုန်ဆုံးသွားတဲ့အခါတွေမှာစနစ်တကျစွန့်ပစ်ဖို့အရေးကြီးပါတယ်။ ဆေးဝါးများကိုစနစ်တကျဘယ်လိုစွန့်ပစ်ရမယ်ဆိုတာနဲ့ပတ်သက်လို့သင့်ရဲ့ဆေးဝါးကျွမ်းကျင်ပညာရှင်နဲ့တိုင်ပင်ပါ။

ကြိုတင်သတိပြုရန်များနှင့် အသိပေးချက်များ

Propecia အသုံးမပြုခင် ဘာတွေသိသင့်သလဲ

အကယ်၍သင့်မှာအောက်ဖော်ပြပါအခြေအနေတစ်ခုခုရှိနေခဲ့မယ်ဆိုရင်ဆေးအသုံးမပြုခင်သင့်ဆရာဝန်သို့မဟုတ်ဆေးဝါးကျွမ်းကျင်ပညာရှင်ကိုပြောပြတိုင်ပင်သင့်ပါတယ်။

ကိုယ်ဝန်ဆောင်နေချိန်သို့မဟုတ်ကလေးနို့တိုက်နေချိန်-အကယ်၍သင်ဟာကိုယ်ဝန်ဆောင်မိခင်သို့မဟုတ်ကလေးနို့တိုက်နေတဲ့မိခင်တစ်ဦးဖြစ်နေမယ်ဆိုရင်ဘယ်ဆေးကိုမဆိုဆရာဝန်မညွှန်ကြားဘဲမသောက်သုံးသင့်ပါဘူး။

အခြားဆေးဝါးများသောက်သုံးနေချိန်-တိုင်းရင်းဆေး၊အားဖြည့်ဆေးများအပါအဝင်သင်လက်ရှိသောက်သုံးနေတဲ့ဆေးအားလုံးကိုသင့်ဆရာဝန်သိအောင်ပြောပြရမှာဖြစ်ပါတယ်။

Propeciaသို့မဟုတ်အခြားဆေးဝါးများတွင်ပါဝင်သည့်ပစ္စည်းတစ်မျိုးမျိုးနှင့်ဓါတ်မတည့်ခြင်း

ရောဂါဝေဒနာတစ်ခုခုခံစားနေရခြင်း

Propeciaကိုအမျိုးသမီးတွေနဲ့ကလေးတွေဘယ်တော့မှမသောက်သင့်ပါဘူး။Finasterideဆေးဟာအရေပြားကတစ်ဆင့်ခန္ဓါကိုယ်ထဲကိုစုပ်ယူခြင်းခံရနိုင်သောကြောင့်အမျိုးသမီးတွေနဲ့ကလေးတွေအနေနဲ့ဆေးကိုကိုင်တွယ်ဖို့ခွင့်မပြုသင့်ပါဘူး။

Propeciaဆေးဟာသင့်အတွက်ဘေးကင်းတယ်ဆိုတာသေချာစေရန်သင့်မှာအောက်ပါအခြေအနေတွေရလာပါပဆရာဝန်ကိုပြောပြပါ။

အသည်းရောဂါ၊အသည်းအင်ဇိုင်းစစ်ဆေးမှုများပုံမှန်မဟုတ်ခြင်း

ဆီးကျိတ်ကင်ဆာ

ဆီးအိတ်ကြွက်သားမူမမှန်ခြင်း

ဆီးပြွန်ကျဉ်းနေခြင်း

ဆီးမသွားနိုင်ခြင်း

ပုံစံတူတဲ့အခြားဆေးတစ်မျိုးဖြစ်တဲ့dutasteride(Avodart)နဲ့ဓါတ်မတည့်တဲ့အခြေအနေရှိဖူးခြင်း။

Propeciaဆေးကိုသုံးခြင်းဟာသင့်မှာဆီးကျိတ်ကင်ဆာရနိုင်ချေကိုမြင့်တက်စေနိုင်ပါတယ်။ သင့်ဆရာဝန်အနေနဲ့သင်finasterideဆေးကိုဘေးကင်းကင်းသုံးနိုင်ခြင်းအားတားဆီးမယ့်အခြားအခြေအနေတွေမရှိဘူးဆိုတာသေချာစေဖို့အတွက်စမ်းသပ်ချက်တွေပြုလုပ်ပါလိမ့်မယ်။

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Propecia ကိုသုံးစွဲဖို့ စိတ်ချရပါသလား

ယခုဆေးဝါးကိုကိုယ်ဝန်ဆောင်နေချိန်နှင့်ကလေးနို့တိုက်နေချိန်တွင်အသုံးပြုလျှင်ဆိုးကျိုးများရှိမရှိကိုဆုံးဖြတ်နိုင်ရန်အတွက်လုံလောက်သောလေ့လာစမ်းသပ်ချက်များမရှိပါ။ ဆေးမသောက်သုံးမီတွင်ဖြစ်နိုင်ချေကောင်းကျိုးများနှင့်ဆိုးကျိုးများအားလုံးကိုချိန်ဆနိုင်ရန်အတွက်သင့်ရဲ့ဆရာဝန်နဲ့တိုင်ပင်ဆွေးနွေးမှုပြုလုပ်ပါ။ အမေရိကန်နိုင်ငံအစားအသောက်နဲ့ဆေးဝါးစီမံကြီးကြပ်ရေးအဖွဲ့(FDA)ကPropeciaကိုကိုယ်ဝန်ဆောင်နေစဉ်ဆိုးကျိုးရနိုင်ခြေအဆင့်Xလို့သတ်မှတ်ထားပါတယ်။

FDAရဲ့ကိုယ်ဝန်ဆောင်နေစဉ်ဆိုးကျိုးရနိုင်ခြေအဆင့်တွေကတော့အောက်ပါအတိုင်းဖြစ်ပါတယ်။

  • A=ဆိုးကျိုးရနိုင်ခြေမရှိပါ
  • B=အချို့သောလေ့လာချက်တွေမှာဆိုးကျိုးရနိုင်ခြေမရှိပါ
  • C=ဆိုးကျိုးရနိုင်ခြေအနည်းငယ်ရှိသည်
  • D=ဆိုးကျိုးရရှိမည့်အထောက်အထားများရှိသည်
  • X=ဆေးကိုမသုံးသင့်ပါ
  • N=မသိပါ

ဘေးထွက်ဆိုးကျိုးများ

Propecia ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

ဆေးနဲ့ဓါတ်မတည့်တဲ့လက္ခဏာတွေဖြစ်တဲ့အောက်ပါလက္ခဏာတွေရရှိပါကအရေးပေါ်ဆေးကုသမှုခံယူပါ။ အရေပြားတွင်အနီကွက်များထွက်ခြင်း၊မျက်နှာ၊နှုတ်ခမ်း၊လျှာနဲ့လည်ချောင်းများရောင်ခြင်း။ ရင်သားမှာအလုံးစမ်းမိခြင်း၊နာကျင်ခြင်း၊နို့သီးခေါင်းမှအရည်များထွက်ခြင်းနဲ့အခြားရင်သားပြောင်းလဲမှုတွေရှိပါကဆရာဝန်ချက်ချင်းခေါ်ပါ။ အဲဒီအရာတွေကအမျိုးသားရင်သားကင်ဆာရဲ့လက္ခဏာတွေဖြစ်နိုင်ပါတယ်။

သိပ်ပြီးမပြင်းထန်တဲ့ဘေးထွက်ဆိုးကျိုးတွေအနေနဲ့

ပန်းသေပန်းညှိုးဖြစ်ခြင်း၊လိင်မှုကိစ္စတွင်စိတ်မဝင်စားတော့ခြင်း၊လိင်မှုကိစ္စပြုလုပ်ရန်ခက်ခဲခြင်း

လိင်ကိစ္စပြီးမြောက်မှုပုံမမှန်ခြင်း

လက်များခြေထောက်များရောင်ခြင်း

ရင်သားများရောင်ခြင်း

မူးဝေခြင်း၊အားနည်းခြင်း

သေဆုံးတော့မည့်အတိုင်းခံစားရခြင်း

ခေါင်းကိုက်ခြင်း

နှာစေးခြင်း

အရေပြားတွင်အနီကွက်များထွက်ခြင်း

အထက်ပါဘေးထွက်ဆိုးကျိုးများကိုလူတိုင်းခံစားရတာတော့မဟုတ်ပါဘူး။ အထက်မှာမပါတဲ့အခြားဘေးထွက်ဆိုးကျိုးများလည်းရှိနိုင်ပါသေးတယ်။ သင့်ဆီမှာဘေးထွက်ဆိုးကျိုးတစ်ခုခုရှိတယ်ထင်ပြီးသံသယဝင်နေပါကသင့်ရဲ့ဆရာဝန်သို့မဟုတ်ဆေးဝါးကျွမ်းကျင်ပညာရှင်နဲ့တိုင်ပင်ပါ။

ဆေးဓါတ်ပြုမှုများ

ဘယ်ဆေးတွေက Propecia နဲ့ ဓါတ်ပြုနိုင်သလဲ

Propeciaကသင်လက်ရှိသောက်နေတဲ့အခြားဆေးတွေနဲ့ဓါတ်ပြုပြီးဆေးရဲ့ထိရောက်မှုနဲ့ဘေးထွက်ဆိုးကျိုးရနိုင်ခြေကိုပြောင်းလဲနိုင်ပါတယ်။ မလိုလားအပ်တဲ့ဆေးဝါးဓါတ်ပြုမှုတွေမဖြစ်လာအောင်လို့သင်လက်ရှိသောက်သုံးနေတဲ့ဆေးဝါးတွေအားလုံးရဲ့စာရင်းကိုလုပ်ထားပြီး(စာရင်းလုပ်တဲ့အခါမှာဆရာဝန်ညွှန်ကြားထားတာတွေ၊မညွှန်ကြားဘဲသောက်သုံးနေတာတွေ၊သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်)ဆရာဝန်ဒါမှမဟုတ်ဆေးဝါးကျွမ်းကျင်သူကိုအမြဲပြောပြပါ။ ဆေးဝါးတွေကိုဆရာဝန်ခွင့်ပြုချက်မပါဘဲသောက်သုံးခြင်း၊ရပ်ဆိုင်းခြင်း၊ပမာဏကိုပြောင်းလဲခြင်းတွေမပြုလုပ်ပါနဲ့။

ယခုဆေးနဲ့ဓါတ်ပြုနိုင်တဲ့ပစ္စည်းတွေကတော့အောက်ပါအတိုင်းဖြစ်ပါတယ်။

Adderall(amphetamine/dextroamphetamine)

Ambien(zolpidem)

AspirinLowStrength(aspirin)

Cialis(tadalafil)

Crestor(rosuvastatin)

Cymbalta(duloxetine)

FishOil(omega-3polyunsaturatedfattyacids)

Lexapro(escitalopram)

Lipitor(atorvastatin)

lisinopril

Nexium(esomeprazole)

omeprazole

Singulair(montelukast)

Synthroid(levothyroxine)

trazodone

Viagra(sildenafil)

VitaminD3(cholecalciferol)

Xanax(alprazolam)

Zoloft(sertraline)

Zyrtec(cetirizine)

အစားအသောက်တွေနဲ့ အရက်က Propecia နဲ့ ဓါတ်ပြုနိုင်သလား

Propeciaဟာအစားအသောက်ဒါမှမဟုတ်အရက်သေစာနဲ့ဓါတ်ပြုမှုတွေဖြစ်ပြီးဆေးဝါးတွေအကျိုးသက်ရောက်မှုပုံစံနဲ့ဘေးထွက်ဆိုးကျိုးတွေဖြစ်လာနိုင်ချေပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ဓါတ်ပြုမှုတွေမဖြစ်လာအောင်လို့အစားအသောက်၊အရက်သေစာတွေနဲ့ဓါတ်ပြုနိုင်ချေရှိမရှိကိုသင့်ရဲ့ဆရာဝန်သို့မဟုတ်ဆေးဝါးကျွမ်းကျင်သူနှင့်မေးမြန်းတိုင်ပင်ပါ။

ဘယ်ရောဂါအခြေအနေတွေက Propecia နဲ့ ဓါတ်ပြုနိုင်သလဲ

Propeciaဟာသင့်ရဲ့နဂိုကျန်းမာရေးအခြေအနေများနဲ့သက်ရောက်ဓါတ်ပြုမှုတွေရှိနိုင်ပါတယ်။ သင့်ရဲ့ကျန်းမာရေးအခြေအနေကိုပိုဆိုးသွားစေတာဒါမှမဟုတ်ဆေးသက်ရောက်မှုပုံစံပြောင်းလဲသွားတာတွေဖြစ်နိုင်ပါတယ်။ ဒါ့ကြောင့်သင့်ရဲ့လက်ရှိကျန်းမာရေးအခြေအနေအကုန်လုံးကိုသင့်ရဲ့ဆရာဝန်ဒါမှမဟုတ်ဆေးဝါးကျွမ်းကျင်ပညာရှင်ကိုအသိပေးဖို့အရေးကြီးပါတယ်။

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Propecia ရဲ့ အသုံးပြုရမယ့်ပမာဏကဘယ်လောက်လဲ

ညွှန်ကြားထားတဲ့ဆေးပမာဏကတော့ဆေးပြားတစ်ပြား(တစ်မီလီဂရမ်)ကိုနေ့တိုင်းတစ်နေ့တစ်ကြိမ်သောက်ရန်ဖြစ်ပါတယ်။

ကလေးတွေအတွက် Propecia ရဲ့ အသုံးပြုရမယ့်ပမာဏကဘယ်လောက်လဲ

ကလေးလူနာတွေအတွက်ဆေးပမာဏသတ်မှတ်ထားခြင်းမရှိသေးပါ။ သင့်ကလေးအတွက်ဆေးဟာဘေးမကင်းနိုင်ပါဘူး။ ဆေးကိုမသုံးခင်ဆေးရဲ့ဘေးကင်းမှုကိုအပြည့်အဝနားလည်ထားဖို့အရေးကြီးပါတယ်။ အသေးစိတ်အတွက်သင့်ဆရာဝန်သို့မဟုတ်ဆေးဝါးကျွမ်းကျင်သူနဲ့တိုင်ပင်ပါ။

Propecia ကိုဘယ်လိုရရှိနိုင်သလဲ

Propeciaဆေးကိုအောက်ပါပုံစံပြင်းအားများနဲ့ရရှိနိုင်ပါတယ်။

  • တစ်မီလီဂရမ်သောက်ဆေးပြားပုံစံ

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

အရေးပေါ်အခြေအနေသို့မဟုတ်ဆေးပမာဏလွန်သွားတဲ့အခြေအနေတွေမှာအရေးပေါ်ဆေးရုံဆေးခန်းများသို့သွားရောက်ကုသမှုခံယူပါ။

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

Propeciaဆေးကိုသောက်ဖို့လွတ်သွားခဲ့ပါက(မေ့ခဲ့ပါက)သတိရတဲ့အချိန်မှာအမြန်ဆုံးသောက်ပါ။ သို့သော်လည်းနောက်တစ်ကြိမ်ဆေးသောက်ရမယ့်အချိန်နဲ့နီးကပ်နေပြီဆိုရင်တော့လွတ်သွားတဲ့အကြိမ်ကိုကျော်ပြီးပုံမှန်အချိန်မှာပဲသောက်လိုက်ပါ။ ဆေးပမာဏကိုနှစ်ဆတိုးသောက်တာမျိုးမလုပ်ပါနဲ့။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Dr. Kaung Thar


Dr. K Zin Thwe မှ ရေးသားသည်။ · 19/12/2019 တွင် အသစ်ဖြည့်စွက်ခဲ့သည်။

advertisement iconadvertisement

ဤဆောင်းပါးက အကူအညီဖြစ်ပါသလား။

advertisement iconadvertisement
advertisement iconadvertisement