မှ အချက်အလက် စစ်ဆေးထားပါသည်။ Dr. Thurein Hlaing Win
Sciatica (စိုင်ရာတီကာ) ဆိုတာ အာရုံကြောတစ်ခုဟာ ထိခိုက်ခံရလျှင် (သို့) အဆွခံရလျှင် ဖြစ်တဲ့ နာကျင်ခြင်းကိုသာ ဆိုလိုတာပါ။ အာရုံကြောဆိုတာက ခန္ဓါကိုယ်ထဲမှာ အရှည်ဆုံးဖြစ်ပြီး ကျောရိုးမကြီးကနေစပြီး တင်ပါးဆုံ နှင့် ခြေထောက်အနောက်ထိ ဆက်ဆင်းသွားပါတယ်။
sciatica (စိုင်ရာတီကာ) ဆိုတာက အခြားရောဂါသက်သက်မဟုတ်ဘဲ အာရုံကြောရောဂါရဲ့ လက္ခဏာတစ်ခုသာဖြစ်ပြီး ၄ ပတ် မှ ၈ ပတ်လောက်ထိ ကုပြီးလျှင် သက်သာသွားတတ်ပါတယ်။
ဖြစ်တဲ့ လူနာတွေကတော့ အသက်ကြီးရွယ်အိုတွေ၊ နာတာရှည် ဆီးချိုသမားတွေ၊ နှင့် အဝလွန်တဲ့ သူတွေဖြစ်ကြပါတယ်။ ရောဂါဖြစ်ပွားနိုင်တဲ့အချက်အလက်တွေကို လျှော့ချခြင်းအားဖြင့် စီမံနိုင်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။
Sciatica (စိုင်ရာတီကာ) ရောဂါလက္ခဏာတွေက ဘာတွေလဲ။
အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။
သင့်မှာ အောက်ဖော်ပြပါအချက်အလက်တွေထဲက တစ်ခုခုရှိခဲ့ရင် သင့်ဆရာဝန်နဲ့ ဆက်သွယ်သင့်ပါတယ်။
သင့်မှာ အောက်ဖော်ပြပါအချက်အလက်တွေထဲက တစ်ခုခုရှိခဲ့ရင် ချက်ချင်း ဆေးရုံတက်သင့်ပါတယ်။
သင့်ဆီမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။
အဓိကဖြစ်စေတဲ့ အကြောင်းကတော့ ထိုးထွက်နေသော ကျောရိုးဆစ်တစ်ခုက အာရုံကြောကို တိုက်ရိုက် သွားဖိမိခြင်းကြောင့် ဖြစ်ပါတယ်။ ကျောရိုးဆစ်ဆိုတာ အပြင်က အမျှင်တစ်ရှူးလွှာ အုပ်ထားသော အထဲမှာ ဂျယ်လီလို ပစ္စည်များနဲ့ပြုလုပ်ထားတဲ့ အရာဖြစ်တယ်။ သူ့တာဝန်က ကျောရိုးကို ထိခိုက်မှု မရှိအောင် လုပ်ပေးတာဖြစ်သော်လည်း တစ်ခါတလေ သူ့ကြောင့် အဆစ်ကျွံခြင်းနှင့် အာရုံကြောဖိမိခြင်းတွေ ဖြစ်တတ်ပါတယ်။
တခြားဖြစ်စေတဲ့ အရာတွေကတော့။ ။ osteoarthritis (အဆစ်အမြစ်ရောင်ခြင်း) က အာရုံကြောတွေကို ရောင်စေခြင်း သို့ ထိခိုက်စေခြင်း ဖြစ်စေသော်လည်း အကျိတ်တွေ၊ ကြွက်သားတွေ၊ သွေးထွက်ခြင်း၊ ရောဂါပိုးနှင့် ထိခိုက်မှု အထူးသဖြင့် တင်ပါးဆုံရိုးကျိုးခြင်းမှ ရလာတဲ့ နောက်ဆက်တွဲတွေက တော့ အာရုံကြောကို ထိခိုက်စေတာ ရှားပါတယ်။
Spinal stenosis (ခါးဆစ်ရိုး အခေါင်းပေါက်ကျဉ်းခြင်း)က အာရုံကြောကို ဖိမိနိုင်တာကြောင့် sciatica (စိုင်ရာတီကာ) ကိုဖြစ်စေပါတယ်။
sciatica (စိုင်ရာတီကာ) ဖြစ်ပွားနိုင်ချေကို မြင့်စေတဲ့အကြောင်းရင်းတွေ အများကြီးရှိပါတယ်။ ဥပမာအားဖြင့်
အထိုင်များခြင်း။ ။ အထိုင်များတာ ကလည်း ဒီရောဂါ ကို အဖြစ်များစေပါတယ်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
ဆရာဝန်တွေက သင့်အား ကျန်းမာရေးဆိုင်ရာ မေးခွန်းတွေ၊ လက်တွေ့စမ်းသပ်မှုတွေ လုပ်ပြီး ရောဂါအတည်ပြုနိုင်ပါတယ်။ တခြား စမ်းသပ်မှုတွေက သိပ်မလိုအပ်သော်လည်း ကုသသော်လည်း လက္ခဏာတွေ မသက်သာလျှင် သို့ ခွဲစိပ်ဖို့ စဉ်းစားထားလျှင် ကွန်ပျူတာ ဓါတ်မှန်၊ သံလိုက်ဓါတ်မှန် နှင့် တခြားစမ်းသပ်မှုတွေ လုပ်နိုင်ပါတယ်။
Sciatica (စိုင်ရာတီကာ) ကုထုံးက ဖြစ်စေတဲ့ အကြောင်းရင်း နှင့် နာကျင်ခြင်းအဆင့် ပေါ်မူတည်ပါတယ်။ တချို့အခြေအနေတွေမှာ ကုသဖို့တောင် မလိုအပ်ပါဘူး။
ရောင်နေ၊ နာနေတဲ့နေရာ ကို ရေနွေးအိတ် သို့ ရေခဲ ကပ်ပါ။ ဖြစ်ဖြစ်ချင်း ၄၈ နာရီ မှ ၇၂ နာရီအတွင်း ရေခဲကပ်သင့်ပြီး နောက်ပိုင်းတွင် ရေနွေးကပ်သင့်ပါတယ်။
အရောင်နဲ့အနာ သက်သာစေရန် စတီးရွိုက်မပါတဲ့ အရောင်ကျဆေးတွေကို သုံးလို့ ရပါတယ်။ ဆရာဝန်က သင့်ကို ကြွက်သားပျော့ဆေးများ၊ စတီးရွိုက်သောက်ဆေး နဲ့ခါးဆစ်ရိုးထဲ စတီးရွိုက်ထိုးခြင်း စသည်ဖြင့် ပြုလုပ်ပေးနိုင်ပါတယ်။
အပြင်းအထန် နာကျင်မှုမျိုးရှိနေလျှင် ဘိန်းပါတဲ့ အကိုက်အခဲပျောက်ဆေးအပြင်းစားတွေ လိုနိုင်ပါတယ်။ ဆရာဝန်က အနာသက်သာစေရန် သင့်ကို ရေနွေးနှင့် ရေခဲကို တစ်လှည့်စီ သုံးပြီး နှိပ်နယ်ခြင်းကိုလည်း လုပ်ခိုင်းပါလိမ့်မယ်။ သို့သော်လည်း အကိုက်အခဲ ပျောက်ဆေးတော်တော်များများက ဘေးထွက်ဆိုးကျိုးတွေ ရှိပါတယ်။ စတီးရွိုက် မပါတဲံ့ အရောင်ကျဆေးတွေက ဝမ်းဗိုက်အောင့်ခြင်း၊ ဝမ်းလျှောခြင်း၊ အစာအိမ်အနာပေါက်ခြင်း၊ ခေါင်းကိုက်ခြင်း၊ ခေါင်းမူးခြင်း၊ နှင့် အကြားအာရုံထိခိုက်ခြင်း သို့ အဖုအပိန့်တွေ ထွက်စေနိုင်ပါတယ်။
ဆရာဝန်က သင့်ကို အနာသက်သာစေရန် ကာယ ကုထုံး လေ့ကျင့်ခန်းတွေလည်း လုပ်ခိုင်းနိုင်ပါတယ်။
တကယ်လို့ အပေါ်က ကုသမှုတွေနဲ့ မသက်သာလျှင် သို့ ပိုဆိုးလာလျှင် စိုင်ရာတစ်အာရုံကြော (sciatic nerve) ကို သွားဆွနေတဲ့ကျောရိုးဆစ် အပိုင်းအစ အကိုင်းအခက်ကို ခွဲစိပ်ပြီး ဖယ်ထုတ်ဖို့ လိုပါလိမ့်မယ်။
လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက sciatica (စိုင်ရာတီကာ) ကို ကုသရာမှာ ဘယ်လိုအထောက်အကူပြုနိုင်မလဲ။
အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများက သင့်အနေဖြင့် sciatica (စိုင်ရာတီကာ) ကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာ အကူအညီပေးနိုင်ပါတယ်။
အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။