backup og meta

အစားမလျှော့ဘဲကိုယ်အလေးချိန်လျှော့ချရန်နည်းလမ်းများ

– အချို့လူများအတွက်ကိုယ်အလေးချိန်လျှော့ချရန်အစား လျှော့စားခြင်းသည်နားထောင်ရသလောက်မလွယ်ကူပါ။ ပီဇာနှင့် ဒိန်ခဲသွပ်ထားသောဘာဂါတို့ကိုမစားမိအောင်လုပ်ဖို့ အတော်ခက်သည်။

သို့သော်လည်းထိုသူတို့သည်သူတို့၏ခါးကိုခပ်ဝဝခပ်တုတ်တုတ် လည်းမဖြစ်လိုကြပါ။ သို့ဆိုလျှင်စားမကောင်းသော၊ခံတွင်း မလိုက်သောအစားအစာများကိုမစားရဘဲအခြားနည်းလမ်းများ ရှိပါသေးသလား။ အောက်ပါအချက်(၁၀) ချက်ကိုလေ့လာကြည့်ပါ။

(၁) နံနက်စာစားဖို့မမေ့ပါနှင့်

– လူအတော်များများသည်နံနက်စာမစားဘဲနေခြင်းက ကိုယ်အလေးချိန်လျော့ချဖို့အတွက်ကောင်းသည်ဟုထင်နေတတ် ကြသည်။ မနက်စောစောတွင်အလုပ်မီဖို့ပြေးလွှားသွားရတတ်ကြရာအရေးပါသောနံနက်စာကိုစားဖို့မေ့နေတတ်ကြသည်။ သို့သော်လည်းလေ့လာချက်များ၏အဆိုအရနံနက်စာကိုမစားဘဲနေလိုက်သည့်အတွက်နောက်ထပ်စားရမည့် ထမင်းအနပ်များကိုပမာဏများပြားစွာပိုမိုစားဖြစ်စေနိုင်သည်ဟု ဆိုပါသည်။ သို့ဆိုလျှင်သင်၏ဝဖိုင့်သောခါးကိုလျော့ရန်လွယ်ကူပါ တော့မည်လား။

(၂) အစာကိုဖြည်းဖြည်းစားပါ

– ကျွန်ုပ်တို့၏ဦးနှောက်ကအချက်အလက်များစုစည်းရန်အချိန်လိုအပ်သကဲ့သို့အစာချေခြင်းသည်လည်းထိုနည်းတူဖြစ်သည်။ ထို့ကြောင့်မြန်၂စားလေဗိုက်ပြည့်ဖို့ခက်လေ ဖြစ်သည်။ ထို့ကြောင့်ပိုမိုစားဖြစ်သွားသည်။ သုတေသီ ၂၃ဦးတို့၏မကြာသေးခင်ကသုံးသပ်ချက်အရ အစားစောစောစားပြီးတတ်သူများသည်ဖြည်းဖြည်းမှန်မှန်စားသူများထက်ကိုယ် အလေးချိန်ပိုများနေတတ်သည်ဟုဖြစ်သည်။ ထိုကြောင့်

ဖြည်းဖြည်းစားပါ။ သင့်ဦးနှောက်ကသင်ဗိုက်ဝပြီဖြစ်ကြောင်း သိရှိပြီးနောက်ထပ်မစားမိအောင်သတိပေးပါလိမ့်မည်။

(၃) ညဘက်တွင်မီးဖိုချောင်နှင့်ဝေးဝေးနေပါ

– လူအများစုကညဘက်အစားစားလျှင်ကိုယ်အလေးချိန်မြင့်တက် နိုင်သည်ဟုယုံကြည်ကြသည်။ သင်ယုံသည်ဖြစ်စေ၊မယုံသည်ဖြစ်စေ လေးနပ်မြောက်(သို့မဟုတ်)ငါးနပ်မြောက်ညဘက်အစားစားခြင်းကသင်လိုချင်နေသည့်ကိုယ်အလေးချိန်လျော့ချရေးကိုမကူညီနိုင်သည့်အပြင်ပိုမိုသာအလေးချိန်တိုးစေမည်ဖြစ်ပါသည်။

(၄) ကျန်းမာရေးနှင့်မညီညွတ်သောအရာများကိုအနည်းငယ်သာစားပါ

– ကျန်းမာရေးနှင့်မညီညွတ်သည်များကိုအနည်းငယ်သားစားသုံးသင့်သည်။ သို့သော်ထိုအစားအစာများသည်အရသာပိုမိုရှိ၍စွဲဆောင်မှုပိုကောင်းသည့်အတွက် သင်မည်သို့ပြုလုပ်မည်နည်း။ ပန်းကန်သေးသေးဖြင့်သာစားပါ။ ထိုအစားအစာများကိုပန်းကန်ထဲသို့အနည်းငယ်သာထည့်ပါ။ အကယ်၍သင်ကပန်းကန်ပြားကြီးကြီးနှင့်စားပါကသင့်ဦးနှောက်ကထိုအစားအစာများကိုနည်းနည်းသာစားရသေးသည်ဟုထင်မှတ်ပြီးအများကြီးစားမိ သွားတတ်သည်။

(၅) ရေများများသောက်ပါ

– ရေသောက်ခြင်းကဗိုက်ခဏပြည့်စေသဖြင့်အစာမစားမီ ရေသောက်ပါ။ ထိုအခါအဆာပြေသွားသဖြင့်နည်းနည်းသာစားမိတော့မည်။ ရေအစားဆိုဒါနှင့်အခြား ကယ်လိုရီဓါတ်ပေးသောအချိုရည်များလည်းသောက်ပေးနိုင်ပါသည်။

(၆) အစားစားစဉ်အာရုံစိုက်ပါ

– အစားစားစဉ်တီဗီကြည့်ခြင်းနှင့် ဂိမ်းဆော့ခြင်းဖြင့်သင့်ကိုယ်သင်များများစားမိလိုက်သည်ဟု မထင်လိုက်သည့်အတွက်အများကြီးစားမိတတ်သည်။ ဂိမ်းနှင့်ရုပ်ရှင်များသည်အဓိကဖျော်ဖြေရေးလုပ်ငန်းများဖြစ်ပြီးစိတ်လှုပ်ရှားရသည့်နေရာများစွာပါဝင်တတ်ရာသင်စားနေသောအစားအစာမှအခြားကိုအာရုံဆွဲဆောင်သွားရန်မခက်ခဲတတ်ပါ။

(၇) ကောင်းစွာအိပ်စက်ပါ

– သိပ္ပံနည်းကျအဆိုအရအအိပ်အနေနည်းခြင်းသည် အစားကိုပိုမိုစားစေသည်ဟုဖြစ်သည်။ အိပ်ရေးပျက်ပါကဗိုက်ဆာပြီးကျန်းမာရေးနှင့်မညီညွတ်သည်များကို ပိုမိုစားချင်စိတ်ဖြစ်စေတတ်သည်။

(၈) စိတ်ဖိစီးမှုကိုလျော့ချပါ

– စိတ်ဖိစီးမှုဖြစ်သောအခါအခြားအရေးမပါသောအရာများကို စိတ်ထဲဂရုမပြုမသိဘဲရှိတတ်သည်။ စိတ်ဖိစီးမှုကပုံမှန်အိပ်စက်ခြင်းကိုလည်းနှောင့်ယှက်တတ်ပါသည်။ ထိုအခါမလိုအပ်ဘဲနေ့ရှိသရွေ့အစားများများစားခြင်းမျိုးဖြစ်တတ်သည်။

(၉) ပရိုတိန်းဓါတ်ကိုရှောင်ရန်မလိုအပ်ပါ

– ပရိုတိန်း(ခေါ်)အသားဓါတ်သည်သင့်ကိုဗိုက်ပြည့်စေသည့်အတွက်ကယ်လိုရီအနည်းငယ်သာထပ်စားမိတော့သည်။ ကြက်ဥ၊ငါး၊ကြက်သားတို့သည် အရသာရှိပြီးသင့်အစားအစာထဲတွင်ထည့်သွင်းစားသုံးခြင်းဖြင့်ကိုယ်အလေးချိန်လျှော့ချခြင်းအပေါ် အကျိုးသက်ရောက်မှုရှိပါသည်။

(၁၀) အချိုရည်များကိုရှောင်ပါ

– သကြားဓါတ်နှင့်အချိုရည်သောက်သုံးခြင်းသည် ကယ်လိုရီကိုရရှိစေသည်။ သို့သော် သင့်ဦးနှောက်ကထိုအချိုရည်များမှရရှိသော ကယ်လိုရီကို အစားအစာကဲ့သို့ထည့်မတွက်သည့်အတွက်ဗိုက်ပြည့်သည်ဟုမခံစားရဘဲလိုအပ်သောကယ်လိုရီပမာဏထက်ပိုမိုစားမိတတ်ပြီး သင့်ခါးကိုပိုမိုဝစေပါသည်။ ထို့ပြင်သကြားဓါတ်အများအပြား စားသုံးခြင်းသည်သင့်ဦးနှောက်အတွက် မကောင်းပါ။

– အားလုံးကိုခြုံ၍ကြည့်လျှင်အသီးအရွက်ကိုသာစားရန်မလိုဘဲကိုယ်အလေးချိန်လျှော့ချရန်အခြားနည်းလမ်းများစွာရှိပါသေးသည်။ သင်ပုံမှန်စားနေကျအတိုင်း ပင်စားသုံးရန်လိုအပ်ပြီးသင်ကြိုက်နှစ်သက်သောအစားအစာများကိုရှောင်ရန်လည်းမလိုအပ်ဘဲဉာဏ်ရှိသလိုကျင့်သုံးရန်သာဖြစ်ပါသည်။

[embed-health-tool-bmi]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

“10 Ways to Lose Weight Without Dieting”

http://www.webmd.com/diet/features/10-ways- to-lose- weight-without- dieting

Accessed November 20 th,
2016

“8 Ways to Lose Weight Without Dieting”

http://www.arthritis.org/living-with- arthritis/arthritis-diet/losing- weight/8-ways- to-lose- weight-without-dieting-5.php

Accessed November 20 th, 2016

“11 Proven Ways to Lose Weight Without Diet or Exercise”

https://authoritynutrition.com/11-ways-“10 Ways to Lose Weight Without Dieting”

 

ယခုပုံစံ

21/06/2022

Dr. Ye Pyae Hein မှ ရေးသားသည်။

Aye Thi Mon မှ ပြင်ဆင်ခဲ့ပါသည်။


ဆက်စပ် အကြောင်းအရာများ

ညဘက်အချိန် ကိုယ်အလေးချိန်လျှော့ခြင်း နည်းလမ်းများ

ကိုယ်အလေးချိန် မြန်မြန်ကျအောင် ဘယ်လိုလုပ်ကြမလဲ


Hello Sayarwon Panel မှ အချက်အလက်များ စစ်ဆေးထားပါသည်။ Dr. Ye Pyae Hein မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 21/06/2022 ဖြစ်ပါသည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement