သားအိမ်နောက်လန်ခြင်း (RV uterus)က ၂၀ရာခိုင်နှုန်းသော အမျိုးသမီးတွေမှာ တွေ့ရတတ်ပြီး ပုံမှန်အခြေအနေပဲ ဖြစ်ပါတယ်၊၊ များသောအားဖြင့် ဒုက္ခမပေးတတ်သလို လက္ခဏာလည်း ပြလေ့မရှိပါဘူး၊၊
ဒါပေမယ့် တချို့တွေမှာ သားအိမ်လန်နေလို့ အတူနေရင် နာတာမျိုး ဖြစ်နိုင်ပါတယ်၊၊ ဒါကိုသက်သာဖို့ဆိုရင် လေ့ကျင့်ခန်းလုပ်လို့ရသလို ခွဲစိတ်ကုသမှုခံယူလို့ရတယ်ဆိုတယ်။ ခွဲစိတ်တာတော့ မလုပ်ချင်ဘူး။ လေ့ကျင့်ခန်းပဲလုပ်မယ်ဆိုတဲ့ လေဒီလေးတွေများရှိလား။ ဒါဆိုရင်တော့ ဒီဆောင်းပါးလေးထဲက လေ့ကျင့်ခန်းလေးတွေက အကောင်းဆုံးအထောက်အကူပြုပေးနိုင်မှာပါ။
သားအိမ်နောက်လန်ခြင်း (RV uterus) ဘာကြောင့်ဖြစ်ရတာလဲ……..
ဒီအခြေအနေက အမျိုးသမီး ၅ ဦးမှာ ၁ ဦးနှုန်းခံစားရလေ့ရှိတဲ့ အခြေအနေတစ်ရပ်ပါ။ အများစုအတွက် ဒါက ပုံမှန်ပါပဲ၊၊ တင်ပဆုံအရွတ်တွေ အားနည်းမှုကြောင့် ဖြစ်နိုင်သလို မွေးရာပါလည်း ဖြစ်နိုင်ပါတယ်၊၊ ရောဂါကြောင့်ဆိုရင်တော့
- Endometriosis (သားအိမ်အတွင်းမြှေးနံရံ ပြဿနာ) ခံစားနေရတာ
- သားအိမ်ထဲကို ပိုးဝင်ကူးစက်တာ
- ဆီးလမ်းကြောင်းပိုးဝင်ကူးစက်တာ
- တင်ပဆုံပိုင်း ခွဲစိတ်ကုသမှုခံယူထားသူတွေမှာ အဖြစ်များပါတယ်။
သားအိမ်နောက်လန်ခြင်း (RV uterus) ကိုခံစားနေရတဲ့ လေဒီလေးတွေအနေနဲ့ အခုလို လေ့ကျင့်ခန်းတွေလုပ်လို့ရပါတယ်။
သင့်ရဲ့ Pelvic Floor ကြွက်သားတွေနဲ့ အရွတ်တွေက သားအိမ်ကို နေရာတကျရှိအောင် ထိန်းပေးထားတာပါ။ ကိုယ်ဝန်ဆောင်တာနဲ့ အသက်ကြီးလာတာတွေက ကြွက်သားတွေနဲ့ အရွတ်တွေကို အားနည်းစေနိုင်ပါတယ်။ ဒီအနေအထားက သားအိမ်ကို နောက်ဘက်ကို လန်တာမျိုးဖြစ်စေနိုင်ပါတယ်။
Kegel လေ့ကျင့်ခန်းက ကြွက်သားနဲ့ အရွတ်တွေကိုသန်မာစေပြီး သားအိမ်ကို နေရာတကျဖြစ်စေနိုင်ပါတယ်။ မွေးလမ်းကြောင်းနံရံက ကြွက်သားတွေနဲ့ အနီးတဝိုက်က ကြွက်သားတွေကို ကျုံ့ဆန့်မှုလုပ်ရတာပါ။ ၁၀ စက္ကန့်ကြွက်သားကို ကျုံ့ထားပြီး တစ်ကြိမ်နဲ့ တစ်ကြိမ်ကြားမှာ ၁၀ စက္ကန့်စီခြားလို့ တစ်ခါလုပ်ရင် ၁၀ ကြိမ် နှုန်းနဲ့ တစ်နေ့ကို အကြိမ် ၃၀ လုပ်ပေးပါ။
- Knee to Chest လေ့ကျင့်ခန်း
ဒီလေ့ကျင့်ခန်းက နောက်လန်နေတဲ့ သားအိမ်ကို အနေအထားမှန်စေဖို့ အကောင်းဆုံး အထောက်အကူပြုနိုင်ပါတယ်။ အရင်ဆုံး သက်သောင့်သက်သာလှဲချလိုက်ပါ။ ပြီးရင်တော့ ဒူးနှစ်ဖက်ကို ကွေးလိုက်ပါ။ ပြီးရင် ဒူးတစ်ဖက်ဆီကို ရင်ဘတ်နားကို ဆွဲယူပါ။ ဒူးကို ရင်ဘတ်နားကို ဆွဲကပ်တဲ့အနေအထားကို ၁၅ စက္ကန့်ကနေ စက္ကန့် ၃၀ လောက်ထားပေးပါ။ ပြီးရင် နဂိုအနေအထားအတိုင်း ပြန်နေပေးပါ။ ခြေထောက်တစ်ဖက်ချင်းစီအတွက် ၁၀ ခေါက်စီနဲ့ ၃ ကြိမ်ပြုလုပ်ပေးပါ။
- Kangaroo Walk လေ့ကျင့်ခန်း
ခါးအောက်ပိုင်းကြွက်သားတွေကို သန်မာစေပြီး သားအိမ်ကို အနေအထားမှန်ရောက်အောင် လုပ်ဆောင်ပေးနိုင်ပါတယ်။
မတ်မတ်ရပ်ပါ။ ခြေထောက်နှစ်ချောင်းကို ပခုံးအကွာအဝေးအတိုင်းခွဲထားပါ။ လက်နှစ်ဖက်ကို ရှေ့ဘက်ကို ဆန့်ထုတ်ပြီး ခြေနှစ်ချောင်းကို စုံခုန်လို့ လှမ်းပါ။ ဒီလိုတစ်လှမ်းချင်းစီတိုင်းက သားအိမ်ကို နေရာတကျဖြစ်လာအောင် အကောင်းဆုံးထောက်ကူပေးနိုင်ပါတယ်။ တစ်နေ့ကို မိနစ်အနည်းငယ်လောက် ပုံမှန်လေ့ကျင့်ခန်းလုပ်ပေးပါ။
- Pelvic contraction လေ့ကျင့်ခန်း
Pelvic floor ကြွက်သားတွေကို သန်မာစေတဲ့ လေ့ကျင့်ခန်းတစ်မျိုးပါ။
သက်သောင့်သက်သာလှဲလိုက်ပါ။ ဘေးနှစ်ဖက်မှာ လက်မောင်းတွေကို အသာအယာချပြီး ဖြေလျော့ထားပါ။ လေကို ရှူသွင်းပါ။ ရှူသွင်းမှုနဲ့အတူ ဒူးနှစ်ဖက်ကိုကွေးပြီး လက်မောင်းတွေပေါ်မှာ အားပြုလို့ တင်ပါးကို ကြမ်းကနေကြွပါ။ တင်ပါးကို ကြမ်းကနေကြွထားတဲ့အနေအထားအတိုင်း လေကိုရှူထုတ်ပါ။ ၁၀ ကြိမ်က နေ ၁၅ ကြိမ်အထိလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။