မြန်မာနိုင်ငံမှာ ဖြစ်တတ်တဲ့ ဆီးမထိန်းနိုင်ခြင်း အကြောင်းရင်းခံများ

ကလေးမဟုတ်တော့တဲ့သူတွေအတွက် ဆီးမထိန်းနိုင်တဲ့ပြဿနာဟာ အတော်အခက်တွေ့ရတဲ့ကိစ္စပါ။ အပြင်သွားလာတဲ့အချိန် ဒါမှမဟုတ် အရေးကြီးကိစ္စရှိနေတဲ့အချိန် ရုတ်တရက်ဆီးသွားချင်တာ၊ အမြန်မဖြေရှင်းရင် ချက်ချင်းထွက်ကုန်တာမျိုး၊ချောင်းဆိုးလိုက်လို့၊ နှာချေလိုက်လို့ ဆီးထွက်ကုန်တာ အတော်ဆိုးပါတယ်။ အဆိုးဆုံးက အားရပါးရမရယ်ရဲတာပါပဲ။

လူကြီးမိဘတွေမှာ ဖြစ်တတ်တယ်လို့ပြောလေ့ရှိကြပေမယ့် အသက်ကြီးလာတိုင်း ဖြစ်ကိုဖြစ်ရမယ့်၊ရှောင်လွှဲလို့မရတဲ့ကိစ္စတော့မဟုတ်ပါဘူး။ လူတိုင်းမဖြစ်ပေမယ့် အသက်ကြီးသူတွေမှာတင်မကဘဲ ဆီးအိမ်ပြဿနာရှိတဲ့ လူငယ်တွေမှာပါဖြစ်ကြတာရှိနေပါတယ်။ ဆီးမထိန်းနိုင်တာက သီးခြားရောဂါတစ်ခုမဟုတ်ပေမယ့် ခံစားရခက်တဲ့ လက္ခဏာတစ်ခုဖြစ်နေတော့ နေ့စဉ်ဘဝမှာ အနှောင့်အယှက်ဖြစ်စေနိုင်ပါတယ်။ တချို့ဆို လမ်းမှာတင် ကားရပ်ပြီးအိမ်သာရှာရတာ၊ယောကျာ်းလေးတွေဆို အိမ်သာရှာချိန်မရဘဲ လမ်းဘေးပြေးဆင်းရတာ မကြာခဏ။ မိန်းကလေးတွေကျ ပိုဆိုးပြီပေါ့၊ ယောကျာ်းလေးတွေလိုလည်း အမြန်ဖြေရှင်းလို့မရ၊ ဆီးနည်းနည်းလေးထွက်ရုံနဲ့တင် အဝတ်အစားမှာကွက်တာပေတာဖြစ်ခဲ့ရင် ပိုအခက်တွေ့ရတာပါ။

ဒါတွေဘာကြောင့်ဖြစ်ရတာလဲ

အဖြစ်များတဲ့ အကြောင်းရင်းတွေက အများကြီးရှိပါတယ်။နေ့စဉ်လုပ်နေကျအမူအကျင့်တွေကြာင့်ဖြစ်နိုင်သလို တခြားအကြောင်းရင်းတွေလည်းရှိပါတယ်။ ဥပမာ -အစားအသောက်နဲ့ ဆေးဝါးတွေကြောင့် ဆီးမထိန်းနိုင်တဲ့ လက္ခဏာ ယာယီဖြစ်တတ်ပါတယ်။ ဆီးဆေးေသာက်ရင် ဆီးအရမ်းသွားမယ်၊ မကြာခဏသွားမယ်၊ အောင့်ထားရင် မထိန်းနိုင်ဘဲထွက်မယ်။ အရက်ဘီယာ၊ ကဖင်း၊ ဂက်စ်ပါတဲ့အချိုရည်၊ သကြားအတု၊ချောကလက်၊ အချဉ်အစပ်တွေ၊ နှလုံးသွေးတိုးနဲ့ဆိုင်တဲ့ဆေးဝါးတွေ၊ ကြွက်သားပြေလျော့စေတဲ့ဆေးဝါးတွေကြောင့် ဆီးမထိန်းနိုင်ခြင်းကိုဖြစ်စေနိုင်ပါတယ်။

နောက်တစ်ချက်က ဆီးလမ်းကြောင်းပိုးဝင်ခြင်း နဲ့ ဝမ်းချုပ်ခြင်းတို့လို ကုသရလွယ်တဲ့ရောဂါတစ်မျိုးမျိုးကြောင့်လည်းဖြစ်စေနိုင်ပါတယ်။

တာရှည်ခံစားရတဲ့ ဆီးမထိန်းနိုင်ခြင်း

ဒီလူတွေမှာ ဆီးမထိန်းနိုင်ခြင်းကို ကာလတာရှည် ခံစားရနိုင်ပါတယ် –

• ကိုယ်ဝန်ဆောင်အမျိုးသမီးတွေ –ဟော်မုန်းအပြောင်းအလဲနဲ့ သန္ဓေသားကြောင့်ကိုယ်အလေးချိန်တိုးလာတဲ့အတွက် ဆီးအိမ်ကိုဖိစီးမှုဖြစ်စေတယ်၊ ဆီးမထိန်းနိုင်ဖြစ်စေတယ်။
• မီးဖွားပြီးစအမျိုးသမီးတွေ –သဘာဝအတိုင်းကလေးမွေးထားသူတွေမှာ ဆီးအိမ်ထိန်းချုပ်ဖို့လိုအပ်တဲ့ကြွက်သားတွေကိုအားနည်းစေပါတယ်။ ဆီးအိမ်ရဲ့အာရုံကြောတွေကိုလည်းထိခိုက်နိုင်တော့ တင်ပါးဆုံအောက်ပိုင်းကြွက်သားတွေကျွံကျစေနိုင်တယ်။ ဆီးအိမ်၊သားအိမ်၊ အူသိမ်ပိုင်း တို့လို ဆီးခုံတဝိုက်က အတွင်းအစိတ်အပိုင်းတွေ မူလအနေအထားမှာမရှိတော့ဘဲ မိန်းမကိုယ်ဆီကို ကျွံကျလာတဲ့အခါ ဆီးမထိန်းနိုင်တာတွေဖြစ်လာနိုင်ပါတယ်။
• အသက်ကြီးရင့်သူတွေ –ဆီးအိမ်ကြွက်သားတွေအိုမင်းလာတဲ့အခါ ဆီးကိုထိန်းထားနိုင်စွမ်းလျော့နည်းလာပါတယ်။ အသက်ကြီးလာတာနဲ့အမျှ ဆီးအိမ်က အလိုအလျောက်ကျုံ့တာ မကြာခဏဖြစ်လာတယ်။
• သွေးဆုံးပြီးတဲ့ အမျိုးသမီးတွေ –သွေးဆုံးပြီးတဲ့အမျိုးသမီးတွေမှာ ဆီးအိမ်နဲ့ ဆီးလမ်းကြောင်းနံရံသားကျန်းမာအောင် ထိန်းပေးတဲ့ အက်စထရိုဂျင်ဟော်မုန်းထုတ်လုပ်မှုနည်းလာပါတယ်။ ဒီတစ်ရှူးတွေယိုယွင်းလာတဲ့အခါ ဆီးမထိန်းနိုင်တော့ပါဘူး။
• သားအိမ်ထုတ်ခွဲစိတ်ထားတဲ့သူတွေ–သားအိမ်ထုတ်တဲ့ခွဲစိတ်မှုကြောင့် ဆီးအိမ်ကိုထောက်ပံ့ပေးတဲ့ တင်ပါးဆုံအောက်ပိုင်းကြွက်သားတွေကိုထိခိုက်စေပြီး ဆီးမထိန်းနိုင်ခြင်းကိုဖြစ်စေနိုင်ပါတယ်။
• ဆီးကျိတ်ကြီးနေတဲ့သူတွေ –အထူးသဖြင့် အသက်ကြီးတဲ့အမျိုးသားတွေမှာ ဆီးကျိတ်ဂလင်းကြီးခြင်းကြောင့် ဆီးမထိန်းနိုင်တာဖြစ်လာနိုင်ပါတယ်။
• ဆီးကျိတ်ကင်ဆာရှိသူတွေ– အမျိုးသားတွေမှာဖြစ်တတ်တဲ့ ဆီးကျိတ်ကင်ဆာြေကာင့် ဆီးမထိန်းနိုင်ဖြစ်စေတတ်ပေမယ့် ပိုအဖြစ်များတာက ကင်ဆာကုသမှုရဲ့ဘေးထွက်ဆိုးကျိုးတစ်ခုဖြစ်နေတာပါပဲ။
• ဆီးလမ်းကြောင်းပိတ်ဆို့ခြင်းခံစားနေရသူတွေ – ဆီးလမ်းကြောင်းတလျှောက် ဘယ်နေရာမှာမဆို အကျိတ်ရှိနေရင် ဆီးပုံမှန်စွန့်ထုတ်မှုကို ပိတ်ဆို့နေရင် ဆီးကနည်းနည်းချင်းထွက်နေမှာဖြစ်ပါတယ်။ ဆီးကျောက်တည်ခြင်းကြောင့်လည်း ဆီးတစက်စက်ထွက်နေစေနိုင်ပါတယ်။
• အာရုံကြောရောဂါရှိသူတွေ–ဦးနှောက်အာရုံကြောရောဂါ(Multiple sclerosis) ၊ ပါကင်ဆန်ရောဂါ၊လေဖြတ်ခြင်း၊ ဦးနှောက်အကျိတ်နဲ့ကျောရိုးမကြီးထိခိုက်ခြင်းတို့ကြောင့် ဆီးအိမ်ထိန်းချုပ်မှုနဲ့ပတ်သက်တဲ့အာရုံကြောသတင်းပို့ချက်တွေကို အနှောင့်အယှက်ဖြစ်စေနိုင်ပါတယ်။
• ကိုယ်အလေးချိန်များတဲ့သူတွေ –ဝတဲ့သူဟာ ဆီးအိမ်နဲ့ပတ်ပတ်လည်ကြွက်သားတွေကို ဖိအားပိုများစေပြီး အားနည်းစေတဲ့အတွက်ချောင်းဆိုး၊နှာချေ၊ ရယ်မောတာလောက်နဲ့ ဆီးထွက်စေတတ်ပါတယ်။
• ဆေးလိပ်သောက်တဲ့သူတွေ –ဆေးလိပ်သောက်ခြင်းက ဆိးမထိန်းနိုင်ခြင်းကိုဖြစ်နိုင်ခြေပိုများစေနိုင်ပါတယ်။
• တခြားနာတာရှည်ရောဂါတွေ –သွေးကြောဆိုင်ရာရောဂါတွေ၊ကျောက်ကပ်ရောဂါ၊ ဆီးချိုရောဂါ၊ အယ်လ်ဇိုင်းမားတို့လိုရောဂါတွေကြောင့်လည်း ဆီးမထိန်းနိုင်ခြင်းကိုဖြစ်စေနိုင်ပါတယ်။

အဝတ်အစားထဲ ဆီးထွက်တတ်တဲ့သူတွေမှာ ကုသမှုခံယူနေလည်းအချိန်တစ်ခုတော့စောင့်ရပါတယ်။ ဒီအတောအတွင်း သွားလာရ၊အလုပ်လုပ်ရအဆင်မပြေဖြစ်နိုင်တယ်၊ လူကြီးပိုင်းတွေဆိုလည်း ဆီးပြဿနာနဲ့အိမ်မှာနေရအဆင်မပြေဖြစ်နေရမှာပါ။ ဒီလိုဆီးမထိန်းနိုင်တဲ့ပြဿနာကို သက်တောင့်သက်သာနဲ့ကျော်လွှားနိုင်မယ့်အကောင်းဆုံးနည်းလမ်းက လူကြီးသုံးသေးခံ (Adult Diaper) သုံးဖို့ပါပဲ။

ခရီးသွားတာပဲဖြစ်ဖြစ်၊ အပေါ့အပါးသွားဖို့မလွယ်ကူတဲ့အချိန်အခါမျိုးမှာပဲဖြစ်ဖြစ် လူကြီးသုံးသေးခံကို အတွင်းခံလိုဝတ်ထားလိုက်ရုံပါ။ လူကြီးသုံးသေးခံတွေထဲမှာမှ ပါးလွှာပြီးခန္ဓါကိုယ်နဲ့တသားတည်းဖြစ်စေမယ့်ဘောင်းဘီပုံစံထုတ်လုပ်ထားတဲ့သေးခံတွေရှိပါတယ်။ ဒီသေးခံတွေက ဝတ်ထားမှန်းတောင်မသိသာဘဲပေါ့ပါးနေစေတဲ့အတွက် ဆီးမထိန်းနိုင်တဲ့သူတွေအတွက် ဝတ်ရချွတ်ရလည်းလွယ် သက်တောင့်သက်သာနဲ့ စိတ်ဖိစီးမှုတွေကင်းဝေးစေနိုင်ပါလိမ့်မယ်။ Antibateria အလွှာပါ ပါဝင်မယ်ဆိုရင်တော့ ဝတ်ဆင်ထားချိန် ဘက်တီးရီးယားပေါက်ဖွားမှာကိုလည်းကာကွယ်နိုင်မှာပါ။ အနံ့ဆိုးလည်းကင်းနေစေမှာပါ။ စိုစွတ်တာမျိုးမရှိဘဲ ခြောက်သွေ့နေမှာ အသေအချာပါ။ ဒီတော့အသက်အရွယ်ကြောင့်ဖြစ်တဲ့ ဆီးမထိန်းနိုင်ခြင်းပြဿနာတွေကို လူကြီးသေးခံသုံးပြီူ အကောင်းဆုံးကျေ်လွှားဖိုပဖေဖေမေမေတို့ကို ကူညီပေးလိုက်ပါ။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။