သင့်ခန္ဓါကိုယ်ကသွေးတွေ ပုံမှန်အတိုင်း ခဲမသွားနိုင်တဲ့ အခြေအနေမျိုးကို သွေးမတိတ်ရောဂါလို့ ခေါ်ပြီး သွေးခဲခြင်းဆိုတာကတော့ သွေးရည်ဘဝကနေ သွေးခဲအဖြစ်ပြောင်းလဲသွားတဲ့ ဖြစ်စဉ်ကိုဆိုလိုပါတယ်။ သင်ထိခိုက်ဒါဏ်ရာရတဲ့အခါ ခန္ဓါကိုယ်ထဲကနေ သွေးပမာ အမြောက်အများ ဆုံးရှုံးခြင်းကို ကာကွယ်ဖို့အတွက် သင့်သွေးတွေဟာ စတင်ပြီး ခဲပေးရပါတယ်။ ဒါပေမယ့် အကြောင်းတစုံတရာကြောင့် ပုံမှန်အတိုင်း သွေးမခဲနိုင်တဲ့အခါ ပမာဏများပြားစွာ သွေးထွက်လွန်ခြင်း၊ကြာရှည်စွာ သွေးထွက်ခြင်းတို့ ဖြစ်ပေါ်လာပါတော့တယ်။ သွေးမတိတ်နိုင်ခြင်းဟာ ခန္ဓါကိုယ်ရဲ့ အပြင်ဖက်မှာရော၊အတွင်းဖက်မှာပါ ဖြစ်ပေါ်လာနိုင်ပါတယ်။ အချို့သော သွေးမတိတ်ရောဂါတွေကြောင့် သင့်ခန္ဓါကိုယ်ထဲက သွေးအများအပြား ဆုံးရှုံးရနိုင်ပါတယ်။ သွေးမတိတ်ခြင်းဟာ အရေပြားအောက်မှာ ဖြစ်ပေါ်တတ်သလို ဦးနှောက်ကဲ့သို့သော အဓိကအင်္ဂါအစိတ်အပိုင်းတွေမှာလည်း ဖြစ်ပေါ်တတ်ပါသေးတယ်။
အဖြစ်အများဆုံး သွေးမတိတ်ရောဂါတွေကတော့ အောက်ပါအတိုင်း ဖြစ်ကြပါတယ်။
Von Willebrand’s ရောဂါကတော့ အဖြစ်အများဆုံး မွေးရာပါ သွေးမတိတ်ရောဂါ ဖြစ်ပါတယ်။ သွေးခဲခြင်းကို ကူညီပေးတဲ့ Von Willebrand factor လို့ခေါ်တဲ့ ပစ္စည်းလေးတမျိုး မရှိခြင်းကြောင့် ဒီရောဂါဖြစ်ပေါ်လာရပါတယ်။
အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။
သွေးမတိတ်ရောဂါရဲ့ ရောဂါလက္ခဏာတွေက ဘာတွေလဲ။
သွေးမတိတ်ရောဂါရဲ့ အဖြစ်အများဆုံးရောဂါလက္ခဏာတွေဟာ ရောဂါအမျိုးအစားပေါ်မူတည်ပြီး အမျိုးမျိုး ကွဲပြားနိုင်ပါတယ်။
အဖြစ်အများဆုံး လက္ခဏာတွေကတော့ အောက်ပါအတိုင်း ဖြစ်ပါတယ်။
အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။
သင့်ဆီမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။
ဘာတွေက သွေးမတိတ်ရောဂါ ဖြစ်ပွားစေသလဲ။
သင့်ခန္ဓါကိုယ်ထဲက သွေးတွေခဲသွားဖို့အတွက် သွေးမွှားဥတွေနဲ့ သွေးခဲစေတဲ့ ပရိုတင်းတွေ လိုအပ်ပါတယ်။ တကယ်လို့ သင့်မှာ သွေးမတိတ်ရောဂါရှိနေတယ်ဆိုရင် သွေးမွှားဥ ဒါမှမဟုတ် သွေးခဲစေတဲ့ ပရိုတင်းတွေ လုံလုံလောက်လောက် မရှိဘူး ဒါမှမဟုတ် ပုံမှန်ပမာဏရှိသော်ငြား ကောင်းစွာ အလုပ်မလုပ်ဘူးဆိုတဲ့ သဘောပဲ ဖြစ်ပါတယ်။ သွေးမတိတ်ရောဂါအများစုဟာ မျိုးရိုးလိုက်ပြီး မိဘကနေ သားသမီးဆီကို လက်ဆင့်ကမ်းပါတယ်။ ဒါပေမယ့် အသည်းရောဂါကဲ့သို့သော အခြေအနေတွေကြောင့်လည်း အချို့သော သွေးမတိတ်ရောဂါအမျိုးအစားတွေ ဖြစ်ပေါ်လာနိုင်ပါတယ်။
အောက်ပါအချက်တွေကြောင့် သွေးမတိတ်ရောဂါ ဖြစ်လာနိုင်ပါတယ်။
သွေးခဲတဲ့ဖြစ်စဉ်ကို အနှောင့်အယှက်ပေးတဲ့ ဆေးဝါးတွေကိုတော့ သွေးကျဲဆေးလို့ခေါ်ပါတယ်။
အသေးစိတ်အချက်အလက်တွေသိနိုင်ဖို့ ဆရာဝန်နဲ့ ဆက်လက်ဆွေးနွေးပါ။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
သွေးမတိတ်ရောဂါ ဟုတ်မဟုတ်ကို အဖြေရှာအတည်ပြုနိုင်ဖို့အတွက် ဆရာဝန်အနေနဲ့ သင့်ရောဂါလက္ခဏာတွေရယ်၊ရောဂါရာဇဝင်တွေရယ်ကို မေးမြန်းပါလိမ့်မယ်။ လိုအပ်တဲ့ စမ်းသပ်မှုတွေကိုလည်း ပြုလုပ်မှာပါ။ ဆရာဝန်နဲ့ ပြသတဲ့အချိန်မှာ အောက်ပါအချက်တွေကို မမေ့မလျော့ပြောပြပါ။
သွေးမထွက်ခင် ဘာတွေလုပ်နေလဲ စသဖြင့်ပေါ့။
အချက်အလက်တွေ စုဆောင်းပြီးတဲ့အခါ ရောဂါကို ပိုမိုတိကျစွာ အဖြေထုတ်နိုင်ဖို့အတွက် သွေးစစ်ဆေးမှုတွေကို ပြုလုပ်ဖို့ သင့်ဆရာဝန်က ညွှန်ကြားပါလိမ့်မယ်။ အဆိုပါ သွေးစစ်ဆေးမှုတွေကတော့ အောက်ပါအတိုင်း ဖြစ်ကြပါတယ်။
သွေးထွက်နေတာကို တိတ်ဖို့အချိန်ဘယ်လောက်ကြာသလဲဆိုတာကို တိုင်းတာခြင်း။
သွးမတိတ်ရောဂါအမျိုးအစားနဲ့ ပြင်းထန်မှုတို့အပေါ်မူတည်ပြီးတော့ ကုသမှုပုံစံတွေ ကွဲပြားပါလိမ့်မယ်။ ကုသလိုက်လို့ ရောဂါအရှင်းမပျောက်သွားနိုင်ဘူးဆိုပေမယ့် ဆက်စပ်ရောဂါလက္ခဏာတွေကိုတော့ သက်သာသွားစေမှာပါ။
ံဓါတ်အားဖြည့်ဆေးဝါးများ သုံးစွဲခြင်း
သွေးအလွန်အကျွံထွက်တာကြောင့် သင့်ခန္ဓါကိုယ်က ဆုံးရှုံးသွားတဲ့ သံဓါတ်ကို ပြန်လည်ဖြည့်ပေးဖို့အတွက် သံဓါတ်အားဖြည့်ဆေးဝါးတွေ သုံးစွဲဖို့ သင့်ဆရာဝန်က ညွှန်ကြားပါလိမ့်မယ်။ သံဓါတ်လျော့နည်းခြင်းကြောင့် သွေးအားနည်းရောဂါဖြစ်စေနိုင်တဲ့အတွက်ပါ။ သွေးအားနည်းရောဂါဖြစ်လာပြီဆိုရင် သင့်အနေနဲ့ အားနည်းခြင်း၊ပင်ပန်းနွမ်းနယ်ခြင်း၊မူးဝေထိုင်းမှိုင်းခြင်းတို့ကို ခံစားရမှာ ဖြစ်ပါတယ်။ သံဓါတ်အားဖြည့်ဆေးဝါးတွေ သုံးစွဲရုံနဲ့ ရောဂါလက္ခဏာတွေ မသက်သာလာဘူးဆိုရင်တော့ သွေးသွင်းကုသမှုခံယူရပါမယ်။
သွေးသွင်းကုသခြင်း
ဆုံးရှုံးသွားတဲ့ သွေးတွေကို သွေးလှူရှင်ဆီက သွေးအကူအညီနဲ့ ပြန်လည်ဖြည့်တင်းပေးနိုင်ပါတယ်။ ဒါပေမယ့် သွေးလက်ခံမယ့်လူနဲ့ သွေးလှူမယ့်လူတို့ရဲ့ သွေးအုပ်စုတွေ တူညီရပါမယ်။ ဒါမှသာ မလိုလားအပ်တဲ့ ပြဿနာတွေကနေ ရှောင်ရှားနိုင်မှာပါ။ သွေးသွင်းကုသခြင်းကို ဆေးရုံမှာပဲ ပြုလုပ်ရပါမယ်။
အခြားကုသမှုများ
အချို့သော သွေးမတိတ်ရောဂါတွေကို လိမ်းဆေး သို့မဟုတ် နှာခေါင်းတွင်းဖြန်းဆေးတွေကို အသုံးပြုပြီး ကုသပေးနိုင်ပါတယ်။ ဟေမိုဖီးလီးယား သွေးမတိတ်ရောဂါကိုတော့ သွေးခဲစေတဲ့ ပစ္စည်းလေးတွေကို အစားထိုးပေးခြင်းအားဖြင့် ကုသနိုင်ပါတယ်။ အဆိုပါ သွေးခဲစေတဲ့ ပစ္စည်းလေးတွေကို သွေးကြောထဲ ထိုးသွင်းရမှာပါ။ ဒီလိုထိုးသွင်းပေးခြင်းအားဖြင့် သွေးအလွန်အကျွံထွက်ခြင်းကို ကာကွယ်နိုင်၊ထိန်းချုပ်ပေးနိုင်ပါလိမ့်မယ်။ တကယ်လို့ သင်ဟာ သွေးခဲစေတဲ့ ပစ္စည်းလေးတွေ ချို့တဲ့နေမယ်ဆိုရင် လတ်ဆတ်တဲ့သွေးရည်ကြည်ကိုလည်း သွင်းပေးနိုင်ပါတယ်။ လတ်ဆတ်တဲ့ သွေးရည်ကြည်မှာ သွေးခဲဖို့အတွက် အရေးတကြီးလိုအပ်တဲ့ ပရိုတင်းနှစ်မျိုးဖြစ်တဲ့ factors V နဲ့VIII တို့ ပါဝင်ကြပါတယ်။ သွေးသွင်းကုသခြင်းကို ဆေးရုံမှာပဲ ပြုလုပ်ရမှာပါ။
လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက သွေးမတိတ်ရောဂါကို ကုသရာမှာ ဘယ်လိုအထောက်အကူပြုနိုင်မလဲ။
အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။