သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

null

အလှအပရေးရာအတွက် ဗီတာမင် ကေ ရဲ့ ကောင်းကျိုးများ

    အလှအပရေးရာအတွက် ဗီတာမင် ကေ ရဲ့ ကောင်းကျိုးများ

    သင့်အလှအပကို ထိန်းသိမ်းဖို့နဲ့ ကျန်းမာကောင်းမွန်တဲ့ အသားအရေကို ပိုင်ဆိုင်ဖို့အတွက် သင်နေ့စဉ်စားတဲ့ အစားအသောက်တွေထဲမှာ ဗီတာမင် K ပါဝင်ဖို့လည်း အရေးတကြီးလိုအပ်ပါတယ်။

    ဟင်းနုနွယ်၊ဂေါ်ဖီစိမ်းတမျိုး၊ပင်စိမ်းနဲ့ တရုတ်နံနံ အစရှိတဲ့ ဟင်းသီးဟင်းရွက်အမျိုးမျိုးမှာ ဗီတာမင် K ကို တွေ့ရပြီး သူတို့တတွေရဲ့ အလှအပရေးရာနဲ့ ကျန်းမာရေးအပေါ် အကျိုးသက်ရောက်မှုက အံ့မခန်းပဲ ဖြစ်ပါတယ်။

    ဒီဆောင်းပါးလေးကို ဖတ်ကြည့်ပြီး ဗီတာမင် K အကြောင်း ဆက်လက်လေ့လာလိုက်ရအောင်။

    မျက်ကွင်းညိုတာကို ပျောက်စေတဲ့ ဗီတာမင် K

    ဒီခေတ်ကြီးမှာ လှုပ်ရှားသွားလာ လုပ်ကိုင်ရတာ ဖိအားတွေလည်း များသမို့ အမျိုးသမီးအတော်များများဟာ စိတ်ဖိစီးမှုတွေကို ခံစားရပြီး အိပ်ချိန်မမှန်တာမျိုးတွေ၊အိပ်မပျော်တာမျိုးတွေ ဖြစ်လာတတ်ပါတယ်။ နောက်ဆက်တွဲအနေနဲ့ မျက်ကွင်းတွေညိုလာတတ်တဲ့အတွက် အလှအပကိုပါ ထိခိုက်စေပါတယ်။

    ဒီလိုဖြစ်လာရင် သင့်အနေနဲ့ ဗီတာမင် K ပါဝင်တဲ့ အစားအစာတွေ ဒါမှမဟုတ် အလှကုန်ပစ္စည်းတွေကို သုံးစွဲမယ်ဆိုရင် မျက်ကွင်းညိုတာတွေ ပျောက်ကွယ်သွားမှာဖြစ်ပြီး မူလအသားအရေကို ပြန်လည်ရရှိစေမှာဖြစ်ပါတယ်။

    ဗီတာမင် K ကြွယ်ဝတဲ့ အစားအစာတွေကို နေ့စဉ်စားသုံးပေးမယ်ဆိုရင် မျက်ကွင်းညိုခြင်းဟာ အလျင်အမြန် သက်သာပျောက်ကင်းသွားမှာဖြစ်ပြီး တောက်ပရွှန်းစိုလှပကျန်းမာတဲ့ မျက်ဝန်းအစုံကို ပြန်လည်ပိုင်ဆိုင်နိုင်မှာပဲ ဖြစ်ပါတယ်။

    အသားအရေကို တင်းရင်းစေတဲ့ ဗီတာမင် K

    အသက်ကြီးလာတာဟာ အမျိုးသမီးတွေအတွက် အိပ်မက်ဆိုးဖြစ်ပြီး အသားအရေ တင်းတင်းရင်းရင်း မရှိတော့တာဟာ အိုမင်းရင့်ရော်လာခြင်းရဲ့ သင်္ကေတ တခု ဖြစ်ပါတယ်။ အရေးအကြောင်းတွေ ပေါ်လာခြင်းဟာလည်း ပရိုတင်းဓါတ်တွေ နည်းပါးလာခြင်းကြောင့် သင့်အသားအရေ လျော့တွဲနေပြီဆိုတာကို ပြတဲ့ ကနဦး အရိပ်အရောင်တွေ ဖြစ်ကြပါတယ်။

    ဒီလို အခြေအနေတွေကို ရှောင်ရှားနိုင်ဖို့အတွက် သင့်အနေနဲ့ ဗီတာမင် K ပါဝင်တဲ့ အစားအစာတွေ (အထူးသဖြင့် အစိမ်းရောင် ဟင်းသီးဟင်းရွက်တွေ)ကို စားပေးနိုင်ပါတယ်။

    ဒါဆိုရင် သင့်အသားအရေအတွက် လိုအပ်တဲ့ ပရိုတင်းပမာဏကို ထိန်းပေးထားနိုင်မှာဖြစ်တဲ့အတွက် အသားအရေ တင်းရင်းပြည့်ဖြိုးလာမှာဖြစ်ပြီး အိုမင်းရင့်ရော်ခြင်းရဲ့ လက္ခဏာတွေကို မောင်းထုတ်နိုင်မှာပဲ ဖြစ်ပါတယ်။

    သွေးခဲဖြစ်ပေါ်မှုကို ကူညီပေးတဲ့ ဗီတာမင် K

    သွေးကြောတွေ၊အရေပြားတွေ ထိခိုက်ပျက်စီးမှုကြောင့် သွေးခြေဥတာတွေ ဖြစ်ပေါ်လာရပြီး သင့်အသားအရေကို အချိန်အတိုင်းအတာတခုအထိ ညစ်ထပ်ထပ် ဖြစ်စေပါလိမ့်မယ်။ ဒီလိုအခြေအနေမျိုးမှာ ဗီတာမင် K ကို အသုံးပြုပေးခြင်းအားဖြင့် ပြဿနာတွေကို ဖြေရှင်းပြီးသား ဖြစ်သွားပါလိမ့်မယ်။

    သင့်အသားအရေရဲ့ အရောင်အဆင်းလှပစိုပြည်ဖို့အတွက် ဗီတာမင် K ကို အရေပြားပေါ် တိုက်ရိုက်လိမ်းပေးနိုင်သလို ဗီတာမင် K ပါဝင်တဲ့ အစားအစာတွေကိုလည်း စားပေးနိုင်ပါတယ်။

    အရေပြားဆိုင်ရာပြဿနာတွေကို ဖြည်းဖြည်းချင်း ဖြေရှင်းပေးမယ့် ဗီတာမင် K

    ဗီတာမင် K ရဲ့ အမြင်သာဆုံးသော ကောင်းကျိုးက ဖြစ်လေ့ဖြစ်ထရှိတဲ့ အရေပြားဆိုင်ရာ ပြဿနာတွေကို ပျောက်ကင်းသက်သာစေခြင်းပဲ ဖြစ်ပါတယ်။ဥပမာ သွေးခြေဥခြင်း၊အမာရွတ်ထင်ခြင်း၊အကြောပြတ်ခြင်း စသဖြင့်ပေါ့။

    အထူးသဖြင့် ဗီတာမင် K ဖြည့်စွက်အားဆေးတွေကို လုံလောက်စွာ သုံးစွဲမယ်ဆိုရင် အနာကျက်မြန်စေခြင်း၊အရေပြားရောင်ရမ်းမှုတွေကို သက်သာစေခြင်း နဲ့ သွေးကြောထုံးတွေကို ပျောက်ကင်းစေခြင်း အစရှိတဲ့ ကောင်းကျိုးတွေကို ရရှိစေမှာဖြစ်ပါတယ်။

    အထက်မှာဖော်ပြခဲ့တဲ့ ကောင်းကျိုးတွေကတော့ ဗီတာမင် Kရဲ့ အာနိသင်တွေပဲ ဖြစ်တဲ့အတွက် သင့်အသားအရေကို ထိန်းသိမ်းရာမှာ ဗီတာမင်Kရဲ့ အစွမ်းကို အကျိုးရှိရှိ အသုံးပြုလိုက်ပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Find a Vitamin or Supplement.
    http://www.webmd.com/vitamins-supplements/ingredientmono- 983-
    vitamin%20k.aspx?activeingredientid=983&activeingredientname=vitamin%20k. Accessed on
    April 15, 2017.
    Does vitamin K reduce the dark circles under eyes.
    http://www.livestrong.com/article/395110-does- vitamin-k- reduce-the- dark-circles- under
    eyes/. Accessed on April 15, 2017.
    Are vitamins effective in cosmetics. http://chemistscorner.com/are-vitamins- effective-in-
    cosmetics/. Accessed on April 15, 2017.

    စာရေးသူ ဓာတ်ပုံbadge
    Dr. Thiha Phyo Myint မှ ရေးသားသည်။ 12/05/2020 တွင် ပြန်လည်ပြင်ဆင်ခဲ့သည်။
    Dr. Kaung Thar မှ အချက်အလက် စစ်ဆေးထားပါသည်။