ကလိုရင်းပမာဏ လုံလုံလောက်လောက် မခတ်ထားတဲ့ ရေကူးကန်တွေ၊ ကလေးများသီးသန့် ရေကူးကန်တွေ၊ မြစ်ချောင်းအင်းအိုင်တွေမှာဆိုရင် ရေက သန့်ရှင်းမှုမရှိဘဲ အနည်အနှစ်၊ ဖုန်၊ အညစ်အကြေးများ ပြည့်နှက်နေပါတယ်။
လူ့အရေပြားသည် နူးညံ့လွန်းတဲ့အတွက် သဘာဝမဟုတ်တဲ့ အညစ်အကြေးတွေနဲ့ ကြာရှည်စွာ ထိတွေ့မိတဲ့အခါလည်း ယားယံတာမျိုးတွေ ဖြစ်နိုင်ခြေရှိပါတယ်။ အထူးသဖြင့် အရေပြားပါးတဲ့သူတွေ၊ ထိခိုက်လွယ် အသားအရေပိုင်ရှင်တွေ ပိုအဖြစ်များပါတယ်။
၃။ ကပ်ပါးပိုးမွှားများ ကူးစက်ခံရခြင်း
တိရစ္ဆာန်တွေဟာ ရေနဲ့ အနီးအနားမှာ နေထိုင်ကျက်စားတဲ့အခါ ကိုယ်ခန္ဓာပေါ်က ကပ်ပါးပိုးမွှားတွေကို ရေထဲ စွန့်ထုတ်မိလိုက်နိုင်ပါတယ်။ အထူးသဖြင့် မြစ်ချောင်းအင်းအိုင်မျိုး၊ ရေကူးကန်အနားမှာ ငှက်များ နားခိုနေတဲ့အခါ အဖြစ်များပါတယ်။
ပုံမှန်အားဖြင့် ရေထဲကို ကလိုရင်းပုံမှန်ခတ်ပေးရင် ဒီကပ်ပါးပိုးမွှားတွေကို သေစေနိုင်ပါတယ်။ သန့်ရှင်းရေး သေချာမလုပ်နိုင်တဲ့အခါ ရေကူးမိသူရဲ့ အရေပြားထဲ ထိုးဖောက်ဝင်ရောက်ပြီး အဖုအပိမ့်များ၊ အင်ပျဉ်များ ထွက်လာနိုင်ပါတယ်။ ယားယံခြင်းဝေဒနာဟာ ရက်သတ္တပတ်လောက်ထိ ကြာသွားတတ်ပါတယ်။
၄။ ထိခိုက်လွယ် အသားအရေ ဖြစ်နေခြင်း
ထိခိုက်လွယ်အသားအရေ (Sensitive Skin) ရှိသူတွေဟာ ဓာတုဗေဒပစ္စည်းတွေနဲ့ ထိတွေ့၊ ရှူရှိုက်၊ စားသုံး၊ ကိုယ်ခန္ဓာထဲ ဝင်ရောက်မိတဲ့အခါ ပြင်းထန်တဲ့ ဓာတ်မတည့်ခြင်း ဖြစ်တတ်ပါတယ်။ ဒီလိုလူမျိုးတွေအနေနဲ့ တခြားသူတွေထက် ကိုယ့်အသားအရေကို ပိုဂရုစိုက်ပေးဖို့ လိုအပ်သလို တော်ရုံ မသန့်ရှင်းတဲ့ နေရာတွေမှာ ရေကူးတာမျိုး မလုပ်သင့်ပါဘူး။
အထူးသဖြင့် အမျိုးသမီးတွေမှာဆိုရင် မိန်းမကိုယ် ယားယံတာမျိုးတွေ ပိုဖြစ်တတ်ပြီး အမျိုးသားတွေမှာတော့ ဝှေးစေ့နဲ့ ပေါင်ခြံတစ်ဝိုက်မှာ ယားယံခြင်းတွေ ဖြစ်နိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။