ထွက်မှာ သေချာပြီလား။
အနာစက်ဆိုသည်မှာ အလွန်ကူးစက်လွယ်သော အရေပြားကူးစက်ရောဂါတစ်ခုဖြစ်ပြီး အရေပြားတွင် နာကျင်သောအနာများကို ဖြစ်စေပါသည်။ အနာများသည့် အနီရောင်ရှိပြီး နေရာအနှံ့ပေါက်နိုင်၏။ တစ်ချို့ဖြစ်ရပ်များတွင် နှာခေါင်း၊ ပါးစပ်၊ လက်နှင့် ခြေတွင် အဖြစ်များ၏။ အနာကွဲသည့်အခါတွင် အရည်များစိမ့်ထွက်တတ်ပြီး အဝါရောင်ချပ်ပြားများ ဖြစ်လာနိုင်ပါသည်။
အနာစက်ရောဂါသည် ကလေးများတွင် အဖြစ်များသော အရေပြားကူးစက်ရောဂါဖြစ်ပြီး အထူးသဖြင့် ၂-၅ နှစ်အတွက်းကလေးများတွင် အဖြစ်များ၏။ လူကြီးများတွင်ဖြစ်ခဲသည်။ များသောအားဖြင့် တခြားသော အရေပြားလက္ခဏာ သို့မဟုတ် ကူးစက်ရောဂါတို့နှင့် တွဲလာတတ်ပြီး အမျိုးသားများတွင် အဖြစ်များသည်။ အချက်အလက်များထပ်မံသိရှိဖို့အတွက် ဆရာဝန်နှင့် တိုင်ပင်ဆွေးနွေးသင့်ပါသည်။
အနာစက် ၏ အဖြစ်အများဆုံးရောဂါလက္ခဏာများမှာ
အထက်တွင်ဖော်ပြထားသည့်အထဲမှာမပါဝင်သေးသော အခြားလက္ခဏာများလည်း ရှိနိုင်ပါသေးသည်။ အကယ်၍ကိုယ့်ဆီ၌ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုပါက ဆရာဝန်နှင့်ဆွေးနွေးတိုင်ပင်သင့်ပါသည်။
သင့်ဆီမှာ အထက်ဖော်ပြပါ ရောဂါလက္ခဏာတွေထဲမှ တစ်ခုခုများရှိနေမယ်ဆိုလျှင် သို့မဟုတ် မေးခွန်းတစ်ခုခုရှိနေမယ်ဆိုလျှင် ဆရာဝန်နှင့်တိုင်ပင်ဆွေးနွေးပါ။ လူတိုင်း၏ခန္ဓါကိုယ်တုံ့ပြန်မှုသည် မတူညီနိုင်ပါ။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နှင့် တိုင်ပင်တာက အကောင်းဆုံးပါပဲ။
ဘက်တီးရီးယားသည် အနာစက်ဖြစ်ရသည့် အကြောင်းရင်းတစ်ခုဖြစ်၏။ ကူးစက်ခံထားရသောလူမှ ပေါက်နေသောအရည်ကြည်ဖုများ အနာများနှင့် ထိတွေမိလျှင် ဘက်တီးရီးယားပိုး အလွယ်တကူ ကူးစက်နိုင်သည်။
အနာစက်ကိုဖြစ်စေသည့် အဓိက ဘက်တီးရီးယားပိုး နှစ်မျိုးမှာ bacteria-strep (streptococcus) နှင့် staph (staphylococcus) တို့ဖြစ်သည်။ သင့်အရေပြား ပေါက်ပြဲဒဏ်ရာရသည့်အခါ၊ ညှင်းခူ၊ အဆိပ်ဆူး၊ အင်းဆက်ကိုက်ရာ၊ အပူလောင်၊ ပြတ်ရှခြင်းတို့မှဖြစ်သော မျက်စေ့နှင့် မမြင်ရလောက်အောင်သာသေးငယ်သည့် အရေပြားပွန်းပဲ့ရာဖြစ်ပါစေ ဘက်တီးရီးယားပိုး ဝင်နိုင်ပါသည်။
အအေးမိ၊ ဓါတ်မတည့်မှု တစ်ခုခုကြောင့် နှားစေးသည့်အခါ နှာခေါင်းအောက်အရေပြား နှာပူလောင်ရာမှ အနာစက်များ ကလေးများတွင် ဖြစ်လာနိုင်၏။ တစ်ချို့ဖြစ်ရပ်များတွင် ဒီတိုင်းကျန်းမာနေသည့် အရေပြားတွင်တောင် အနာစက်ပေါက်လာနိုင်ပါသည်။
အနာစက် ဖြစ်ပွားနိုင်ချေကိုမြင့်စေသော အကြောင်းရင်းများစွာရှိပါသည်။ ဥပမာအားဖြင့်
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
သိသာထင်ရှားသည့် အနာပုံစံကိုကြည့်ခြင်းဖြင့် ဆရာဝန်မှ ရောဂါအတည်ပြုမည်ဖြစ်သည်။ သက်သာမလာသည့်အခြေအနေတွင်တော့ အနာများမှထွက်သော အရည်နမူနာကိုယူကာ ဘယ်လိုပဋိဇီဝဆေးက အာနိသင်ရှိကြောင်း စမ်းသပ်နိုင်ပါသည်။ အနာစက်ကိုဖြစ်စေသော တစ်ချို့ဘက်တီးရီးယားများသည် တစ်ချို့သော ပဋိဇီဝဆေးများအား ခုခံနိုင်၏။ ထို့ကြောင့် ထိုကဲ့သို့မဖြစ်စေရန်အတွက် အရည်နမူနာယူရန် လိုအပ်ပါသည်။
တခြားဖျားနာမှုလက္ခဏာများပါ သင့်ကလေးတွင်ရှိနေပါက သွေးစစ် ဆီးစစ်လုပ်ရန် လိုအပ်ပါလိမ့်မည်။
အနာစက်အား ပဋိဇီဝလိမ်းဆေး သို့မဟုတ် ခရင်မ် များ ဖြစ်သည့်နေရာကိုလိမ်းခြင်းဖြင့် ကုသနိုင်ပါသည်။ တစ်ချို့ဖြစ်ရပ်များ၌ ချပ်ပြားများအား ရေနွေးနွေးဖြင့် နူးခွာခြင်းမျိုးလုပ်ရန် လိုအပ်တတ်ပါသည်။ ချပ်ပြားများကို ဖယ်ပြီးပါက ပဋိဇီဝဆေးများသည် အရေပြားမှ ကောင်းကောင်းစိမ့်ဝင်နိုင်ပါလိမ့်မည်။
လိမ်းဆေး၊ ခရင်မ်များ သုံးလို့မရလောက်အောင် အနာစက်များ များလွန်းနေသည်ဆိုပါက သောက်ဆေးများသုံးနိုင်ပါသည်။ အနာများ ပျောက်သွားသည့်တိုင်အောင် ဆေးကို ရက်အပြည့်ဆက်သောက်ရန် အရေးကြီးပါသည်။ ကောင်းပြီးထင်၍ရပ်လိုက်ပါက ပြန်ဖြစ်လာနိုင်သလို ဆေးလဲတိုးတော့မည်မဟုတ်ပါ။
လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက အနာစက် ကို ကုသရာမှာ ဘယ်လိုအထောက်အကူပြုနိုင်မလဲ။
အောက်ဖော်ပြပါ လူနေမှုပုံစံများနှင့်အိမ်သုံးကုထုံးများက သင့်အနေဖြင့် အနာစက် ကိုကုသတဲ့နေရာနှင့် လိုက်လျောညီထွေဖြစ်အောင်နေသောနေရာများတွင် အကူအညီပေးနိုင်ပါသည်။
အရေပြားကိုသန့်ရှင်းနေပါစေ။ ပြတ်ရှရာများ၊ ကုတ်ခြစ်ရာများ၊ အင်းဆက်ကိုက်ရာများနှင့် တခြားအရာများကို ချက်ချင်းဆေးခြင်းဖြင့် သန့်ရှင်းစေနိုင်ပါသည်။
ကူးစက်ခံရသူ၏ အဝတ်အစားများ အိပ်ယာခင်းများ တဘက်များကို နေ့တိုင်းလျှော်ပါ။ တခြားသူများနှင့် မျှဝေမသုံးစေရပါ။
ကုတ်ဖဲ့ခြင်းမှကာကွယ်ရန်အတွက် ကလေးလက်သည်းကို ညှပ်ပေးပါ။
အကယ်၍သင့်မှာ မေးခွန်းတွေရှိမယ်ဆိုလျှင် သင့်အတွက်သင့်တော်သော အဖြေရှာဖွေနိုင်ဖို့ ဆရာဝန်နှင့်ဆွေးနွေးတိုင်ပင်သင့်ပါသည်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
Impetigo – Topic Overview. http://www.webmd.com/skin-problems-and-treatments/tc/impetigo-overview. Accessed June 13, 2016.
Impetigo. http://www.mayoclinic.org/diseases-conditions/impetigo/home/ovc-20202557. Accessed June 13, 2016.
Impetigo. https://www.nlm.nih.gov/medlineplus/ency/article/000860.htm. Accessed July 12, 2016.
