တစ်ခါက ကင်ညာနိုင်ငံမှာ လွှင့်သွားတဲ့ BBCက သတင်းတစ်ပုဒ်မှာ အရေးပေါ်တားဆေးတွေက ရေရှည်မှာ မြုံတတ်တယ်။ တခြားတားဆေးတွေလိုပဲ သွေးခဲတာ၊ ကင်ဆာတွေ ဖြစ်နေနိုင်တယ်ဆိုပြီး ပါလာပါတယ်။ ပိုဆိုးတာက ဒီသတင်းက တော်တော်ပြန့်သွားတာပါ။ နဂိုတည်းကမှ တားဆေးဆို လက်တွန့်နေတဲ့ နိုင်ငံမှာ ဒီသတင်းထွက်လာတာက သားဆက်ခြား ကျန်းမာရေးတို့၊ မလိုချင်တဲ့ ကိုယ်ဝန်တားဆီးရေးတို့ကို အများကြီး ထိခိုက်စေပါတယ်။
WHOကတော့ ဒါဟာ ခိုင်မာတဲ့ သတင်းမဟုတ်ဘူးလို့ ငြင်းဆိုခဲ့ပေမယ့် ခုထက်ထိ တချို့မှာ ဒီအစွဲတွေ ရှိနေပါသေးတယ်။ အရေးပေါ်တားဆေးတွေက ကိုယ်ဝန်မရအောင်ပဲ တားပေးတာပါ။ ကလေးမရစေတာမျိုး မဟုတ်ပါဘူး။ သူပြောသလို သွေးခဲတာတွေ၊ ကင်ဆာတွေလည်း မဖြစ်စေပါဘူး။ သားအိမ်ကိုလည်း မထိခိုက်ပါဘူး။
သွေးခဲတတ်ပါတယ်ဆိုတဲ့ သမားရိုးကျ တားဆေးကတ်တွေတောင် နှစ်နဲ့ချီပြီးသောက်မှ ဖြစ်တာပါ။ ပြီးတော့ ဆရာဝန်တွေကလည်း သွေးခဲနိုင်ခြေရှိတဲ့ အမျိုးသမီးတွေကို တခြားနည်းနဲ့ သားဆက်ခြားခိုင်းပါတယ်။
ဒါဆို ဆရာဝန်တွေက ဘာဖြစ်လို့ အရေးပေါ်တားဆေးကို ခဏခဏ မသုံးခိုင်းတာလဲလို့ မေးစရာရှိပါတယ်။ အရေးပေါ်တားဆေးက အရေးပေါ်အခြေအနေမှာပဲ သုံးလို့ကောင်းတာပါ။ သူ့ရဲ့ သန္ဓေတားနိုင်စွမ်းက တခြား တားဆေးတွေထက် နည်းပါတယ်။
ဒါကြောင့် ခဏခဏအရေးပေါ်နေရင် အဆင်မပြေပါဘူး။ ခဏခဏအရေးပေါ်နေမယ်ဆိုရင်တော့ နှစ်ရှည်ခံတဲ့ တားဆေးသုံးတာက ပိုကောင်းပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။