ကွန်ဒုံးဆိုတဲ့ အဓိပ္ပာယ်ဟာ ပြွန်ပုံစံ၊ အတားအဆီးအဖြစ် လုပ်ဆောင်ပေးတဲ့ ပစ္စည်း ဖြစ်ပါတယ်။ ကွန်ဒုံးတွေကို လိင်ဆက်ဆံတဲ့ အချိန်မှာ ကိုယ်ဝန်ရနိုင်ခြေ၊ လိင်မှတဆင့် ကူးစက်တဲ့ ရောဂါတွေ (STD – sexually transmitted infection ) ရနိုင်ခြေ နည်းပါးအောင် လျှော့ချပေးနိုင်ရန်အတွက် အသုံးပြုကြတာပါ။ ကွန်ဒုံးမှာ အမျိုးသမီးသုံးရော၊ အမျိုးသားသုံးရော ကွန်ဒုံး ၂ မျိုးရှိပါတယ်။ အမျိုးသားသုံးကွန်ဒုံးနဲ့ အမျိုးသမီးသုံး ကွန်ဒုံးတွေဟာ ပုံစံကွဲပြားပေမဲ့ အလုပ်လုပ်တဲ့ ပုံစံကတော့ သုက်ရည်နဲ့ တခြားသော အရည်ကြည်တွေကို တားဆီးပေးတဲ့ ပုံစံအနေနဲ့ လုပ်ဆောင်ကြတာ ချည်းပါပဲ။ အမျိုးသမီး ကွန်ဒုံးတွေကိုကျတော့ အမျိုးသမီး သားအိမ်လမ်းကြောင်းပေါက်ထဲ အံ့ကျအောင်ထည့်ပြီး သန္ဓေနဲ့ လိင်မှ ကူးစက်တဲ့ ရောဂါတွေကို တားဆီးဖို့အတွက် ဝတ်ဆင်ကြတာ ဖြစ်ပါတယ်။ ဒါပေမဲ့ အမျိုးသမီး ကွန်ဒုံးကို အဖော်အမျိုးသားက ကွန်ဒုံးသုံးနေတဲ့ အချိန်မှာ သွားမသုံးမိဖို့တော့လိုပါတယ်။ ဘာကြောင့်လဲဆိုတော့ အဲ့လိုအချိန်ကြရင် ကွန်ဒုံး ၂ ခုက ကပ်နေပြီး ပေါက်သွားတာမျိုး၊ ကျွတ်ထွက်သွားတာမျိုး ဖြစ်တတ်ပါတယ်။
အမျိုးသမီးသုံး ကွန်ဒုံးဆိုတာဘာလဲ။
အမျိုးသမီးသုံးကွန်ဒုံးတွေဟာ ရှည်လျားတဲ့ အိတ်ပုံစံမျိုးဖြစ်ကြပြီး များသောအားဖြင့် ပလတ်စတစ်တစ်မျိုးဖြစ်တဲ့ polyurethane ( ပေါ်လီယူရသိန်း)နဲ့ ပြုလုပ်ထားတာ ဖြစ်ပါတယ်။ အမျိုးသားကွန်ဒုံးတွေနဲ့ မတူတာတစ်ခုကတော့ အမျိုးသမီးသုံး ကွန်ဒုံးတွေရဲ့ ထိပ်မှာ ပျော့ပြောင်းတဲ့ ကွင်း ၂ ကွင်းပါဝင်ပါတယ်။ အမျိုးသမီးသုံးကွန်ဒုံးဟာ သုက်ရည်များနဲ့ တခြားအရည်ကြည်များကို စုသိမ်းပေးခြင်းဖြင့် သန္ဓေနဲ့ STD ရောဂါတွေကို ကာကွယ်ပေးတာ ဖြစ်ပါတယ်။
ဘာကြောင့် အမျိုးသားကွန်ဒုံးကို မသုံးကြတာလဲ။
သန္ဓေတားနည်းတွေကတော့ အမျိုးမျိုးရှိကြပါတယ်။ ဘယ်နည်းလမ်းကို သုံးမလဲဆိုတာကတော့ သင့်ရွေးချယ်မှုနဲ့ပဲဆိုင်ပါတယ်။ ဒါပေမဲ့ တချို့သော အမျိုးသမီးတွေနဲ့ စုံတွဲတွေကတော့ အမျိုးသားသုံး ကွန်ဒုံးထက် အမျိုးသမီးသုံးကွန်ဒုံးကို အောက်ပါအချက်တွေကြောင့် ပိုနှစ်ခြိုက်ကြပါတယ်။
တချို့လူတွေက ဘာကြောင့် အမျိုးသမီး ကွန်ဒုံး မသုံးကြတာလဲ။
ယောက်ျားလေး ကွန်ဒုံးတွေလိုပဲ အမျိုးသမီးကွန်ဒုံးတွေကို တချို့စုံတွဲတွေက မကြိုက်ကြပါဘူး။ ဒီထဲက အချက်တွေကို ပြောရမယ်ဆိုရင်
အမျိုးသမီးသုံး ကွန်ဒုံးတွေက စိတ်ချရရဲ့လား။
မှန်မှန်ကန်ကန် အသုံးပြုမယ်ဆိုရင်တော့ အမျိုးသမီးသုံး ကွန်ဒုံးတွေလည်း အမျိုးသားသုံး ကွန်ဒုံးတွေလောက် သန္ဓေနဲ့ STD ရောဂါတွေကို ကာကွယ်ပေးနိုင်ပါတယ်။ တစ်နှစ်အတွင်းမှာ အမျိုးသမီး ကွန်ဒုံးအသုံးပြုသူ အယောက် ၁၀၀ အနက် ၅ ယောက်ခန့်သာ ကိုယ်ဝန်ရကြပါတယ်။ အမျိုးသားသုံးကွန်ဒုံးသုံးတဲ့ စုံတွဲတွေမှာဆိုရင် အယောက် ၁၀၀ မှာ ၂ယောက်ခန့်သာ ကိုယ်ဝန်ရကြပါတယ်။ အမျိုးသမီးသုံး ကွန်ဒုံးကို မှန်မှန်ကန်ကန် မသုံးတတ်ဘူးဆိုရင်တော့ ၁၀၀ မှာ ၂၁ ယောက်က ကိုယ်ဝန်ရကြပါတယ်။ အမျိုးသားကွန်ဒုံးကို မှန်မှန်ကန်ကန် မသုံးစွဲဘူးဆိုရင် အယောက် ၁၀၀ မှာ ၁၈ ယောက်ခန့်က ကိုယ်ဝန်ရကြပါတယ်။ အမျိုးသမီးသုံးကွန်ဒုံးတွေက လိင်ဆက်ဆံခြင်းမှ ကူးစက်တဲ့ STD ရောဂါတွေကို အပြီးသတ် မကာကွယ်ပေးနိုင်ပေမဲ့ ရာခိုင်နှုန်း အများအပြားလျှော့ချပေးနိုင်ပါတယ်။
အမျိုးသမီးသုံးကွန်ဒုံးတွေကို ဘယ်လိုသုံးမလဲ။
အမျိုးသမီးသုံးကွန်ဒုံး အသုံးပြုနည်းဟာ မီးယပ်လာချိန်တွင် ရာသီသွေးထိန်းရန် ထည့်ရတဲ့ အတောင့် သုံးနည်းနဲ့ ဆင်ပါတယ်။ အစပိုင်းမှာတော့ နည်းနည်းခက်နိုင်ပေမဲ့ အသုံးပြုသားကျသွားရင် လွယ်ကူသွားမှာပါ။ ဘယ်လိုသုံးရမလဲဆိုတော့
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။