Anal Sex (စအိုသို့ လိင်ဆက်ဆံခြင်း) အကြောင်းသိကောင်းစရာ တွေကို ဗဟုသုတအနေနဲ့ သိရှိလေ့လာနိုင်စေဖို့ ဖော်ပြလိုက်ပါတယ်။
မှ အချက်အလက် စစ်ဆေးထားပါသည်။ Dr. Thurein Hlaing Win
Anal Sex (စအိုသို့ လိင်ဆက်ဆံခြင်း) အကြောင်းသိကောင်းစရာ တွေကို ဗဟုသုတအနေနဲ့ သိရှိလေ့လာနိုင်စေဖို့ ဖော်ပြလိုက်ပါတယ်။
Anal Sex ဟာ လိင်မတူဘဲ ကာမဆက်ဆံသူများ အသုံးပြုကြတဲ့ နည်းလမ်းဖြစ်တာကြောင့် ဘာသာရေး၊ ယဉ်ကျေးမှုတို့အရ ခွင့်မပြုတဲ့ ရှောင်ရန်အချက်အဖြစ် လူတော်တော်များများက ခံယူထားကြပါတယ်။ အမျိုးသမီးငယ်လေးများကလည်း ရောဂါကုထုံးလာရောက်ပြသတဲ့ အချိန်ကျရင် သူတို့ အဖော်ဖြစ်သူရဲ့ စအိုသို့လိင်ဆက်ဆံရန် အတင်းအကြပ်တောင်းဆိုခြင်း ခံရကြောင်း ဆိုခဲ့ကြပါတယ်။ သိပ်ပြီး အံ့ဩဖို့မကောင်းတာကတော့ အိမ်ထောင်ရှင်အမျိုးသမီးတွေလည်း Anal Sexလုပ်ဆောင်ရန် တောင်းဆိုခြင်း ခံကြရကြောင်း ဆိုကြပါတယ်။
ဒီလို တောင်းဆိုမှုများဟာ လိင်မတူဘဲ ကာမဆက်ဆံပြတဲ့ အပြာရုပ်ရှင်များမှာ Anal Sexအကြောင်း ရိုက်ကူးပြခဲ့ရာမှ များပြားလာတာဖြစ်ပြီး အမျိုးသားအများကတော့ Anal Sex ကနေ ပိုပြီး ခံစားမှုကောင်းတဲ့ လိင်ခံစားမှု အထွတ်အထိပ်ရောက်ခြင်းဖြစ်စဉ် (orgasm) ကို အမျိုးသမီး တွေရရှိနိုင်ကြောင်း ယုံကြည်ကြပါတယ်။ ဒါ့အပြင် အမျိုးသားများက Anal Sexကို သူတို့ရဲ့ အဖော်အမျိုးသမီးတွေ ငြင်းဆန်ရခြင်းအကြောင်းရင်းဟာ သူတို့တွေ တစ်ခါမှ မစမ်းဖူးလို့၊ ဒါမှမဟုတ် ခံစားချက်ကောင်းမှန်း မသိလို့ ငြင်းဆန်ကြတာ ဖြစ်ကြောင်း ယုံကြည်ကြပါတယ်။
ပါးစပ်ပြောတွေကို ခဏထားပြီး အခြေခံ အချက်တွေကို တစ်ချက်ကြည့်ရရင်တော့-
အမျိုးသမီးအများစုဟာ စအိုသို့ တိုက်ရိုက်လိင်ဆက်ဆံခြင်းကို မလိုချင်ကြရင်တောင် စအိုသို့ ရာဂနှိုးဆွပေးခြင်းကို ကြိုက်နှစ်သက်ကြပါတယ်။ ညှစ်ကြွက်သား (sphincter) တွေ ဆန့်ခြင်းကို အသားရနေပြီဖြစ်တဲ့ ရာခိုင်နှုန်း အနည်းငယ်သော အမျိုးသမီးတွေကတော့ Anal Sex ဟာ ပြည့်ဝတဲ့ ခံစားမှုကို ပေးစွမ်းနိုင်တာကြောင့် ကြိုက်နှစ်သက်ကြကြောင်းဆိုပါတယ်။ ဒီလို ကြိုက်နှစ်သက်ရခြင်း အကြောင်းရင်းဟာ သူ့ရဲ့ အဖော်တွေကလည်း လိင်ဆက်ဆံရာမှာ အသစ်အဆန်းများကို စမ်းသပ်ချင်တဲ့ စိတ်နဲ့လည်းဆိုင်ပါတယ်။
အမျိုးသမီးတွေ မစမ်းဖူးလို့ ငြင်းတာပဲ ဖြစ်ဖြစ်၊ ခံစားချက်ကို မကြိုက်လို့ ငြင်းတာပဲဖြစ်ဖြစ် အမျိုးသမီးတစ်ယောက်အနေနဲ့ Anal Sexမလုပ်ချင်ဘူးဆိုရင် သူမမှာ ငြင်းပိုင်ခွင့် အပြည့်အဝရှိပါတယ်။ အောက်မှာတော့ အမျိုးသမီးတွေ Anal Sexကို ဘာကြောင့် ငြင်းလေ့ရှိတာလဲဆိုတာကို ဖော်ပြပေးလိုက်ပါတယ်။
Anal Sex ဟာ နာကျင်စေနိုင်ပြီး တစ်ခါ စမ်းသပ်ကြည့်ပြီး နောက်တစ်ကြိမ် စမ်းသပ်မယ်ဆိုလည်း ပိုပြီးခံစားချက်ကောင်းလာမှာမဟုတ်ပါဘူး။ နာကျင်မှုက ရှိနေဦးမှာပါ။ စအိုတစ်ဝိုက်နားမှာ လိင်စိတ်ခံစားမှုကို ထိန်းချုပ်နိုင်တဲ့ နာဗ်ကြောဆုံးများ ရှိနေပေမဲ့ အမျိုးသမီး အနည်းငယ်ကသာ Anal Sexမှတစ်ဆင့် Orgasm ( လိင်ခံစားမှု အထွတ်အထိပ်ရောက်ခြင်းကာလ) ကိုရောက်ကြပါတယ်။
အပြာရုပ်ရှင်ကားတွေမှာ Anal Sexဟာ တကယ့်အပြင်မှာလောက် မညစ်ပတ်တဲ့ ပုံစံဖော်ပြထားပေမဲ့ anal Sexဟာ မသန့်ရှင်းပါဘူး။ စအိုကို ဖောက်ထွင်းဝင်ရောက်တဲ့ ဘယ်အရာပဲဖြစ်ဖြစ် Vagina (မွေးလမ်းကြောင်း) သို့ Vulva (အမျိုးသမီး အင်္ဂါဝ) နဲ့ ချက်ခြင်း ထပ်မံ မထိတွေ့သင့်ပါဘူး။ တကယ်လို့ အမျိုးသမီး အင်္ဂါတွေနဲ့ ထိတွေ့ချင်တယ်ဆိုရင်လည်း ဆပ်ပြာနဲ့ သေချာရေစင်အောင် ဆေးပြီးမှ ထိတွေ့သင့်ပါတယ်။ ဘာကြောင့်လဲဆိုတော့ ကျင်ကြီးထဲမှာ မွေးလမ်းကြောင်းနဲ့ ဆီးလမ်းကြောင်းကို ရောဂါဖြစ်စေနိုင်တဲ့ ဘက်တီးရီးယား ပိုးတွေ အများအပြားပါဝင်နေလို့ပါပဲ။
ငယ်စဉ်ကလေးဘဝကတည်းက ကျွန်တော်တို့တွေဟာ စအိုဆိုတာ ညစ်ပတ်တဲ့ အော့အော့ (ကျင်ကြီး) တွေ့ စွန့်ပစ်ရာနေရာ ဖြစ်ကြောင်း သင်ကြားခံခဲ့ရပါတယ်။ ဒီလိုနဲ့ မသိစိတ်အရ လူအများစုဟာ စအိုပတ်ဝန်းကျင်တစ်ဝိုက်က ညစ်ပတ်ကြောင်းကို အသက်ကြီးသည်အထိ စွဲထင်လာခဲ့ကြပါတယ်။ ဒါ့ကြောင့် Anal Sexဟာ ညစ်ပတ်တဲ့ လုပ်ငန်းတစ်ရပ်ဖြစ်ကြောင်း လူအများစုက ယုံကြည် လာခဲ့ကြပါတယ်။ ဒါ့အပြင် ပြောစရာ သိပ်မလိုတဲ့ အချက်တစ်ချက်ကတော့ အမျိုးသမီးတစ်ယောက်ကို အတင်းအကြပ် သူ့စိတ်ဆန္ဒမပါဘဲ anal Sexကို ခိုင်းစေမယ်ဆိုရင် နောက်အကြိမ်တွေဆိုလည်း ကြောက်ရွံ့သွားနိုင်ပါတယ်။
ယဉ်ကျေးမှုအရရော ပတ်ဝန်းကျင်အရရောတားမြစ်ထားတဲ့ အရာတွေက စမ်းသပ်လုပ်ချင်စိတ်ကို မြင့်စေနိုင်ပါတယ်။
ယေဘုယျအားဖြင့် အမျိုးသားတွေ သူတို့ရဲ့ လိင်ဆက်ဆံမှုဆိုင်ရာ အတွေ့အကြုံမျိုးစုံကို စမ်းသပ်ချင်ကြပြီး Anal Sexဆိုတာလည်း အဲ့ဒီအတွေ့အကြုံများထဲက တစ်ခု ဖြစ်နေတာကြောင့် မို့ပါ။
စအိုလမ်းကြောင်းတွေဟာ အမျိုးသမီးမွေးလမ်းကြောင်းတွေထက် ပိုကြပ်တည်းပါတယ်။ ဒါကြောင့် အမျိုးသားတွေကို လိင်ခံစားမှု ပိုဖြစ်စေပါတယ်။
အပြာရုပ်ရှင်လောကရဲ့ လွှမ်းမိုးမှုကြောင့် အမျိုးသားအများစုက Anal Sexဟာ အမျိုးသမီးတွေကို ခံစားချက် တိုးမြှင့်ပေးစေနိုင်ကြောင်း ယုံကြည်ထားကြပါတယ်။
လူတိုင်းလူတိုင်းမှာတော့ သူတို့ မကြိုက်ရင် No လို့ အပြည့်အဝ ပြောပိုင်ခွင့်ရှိပါတယ်။ ဒါ့အပြင် တကယ်ခံစားမှုကောင်းစေတယ်ဆိုလည်း တောင်းဆိုပိုင်နိုင်ခွင့် အပြည့်အဝရှိပါတယ်။ ဒီလို တစ်ယောက်အကြိုက် တစ်ယောက် မတူညီတဲ့အခါကျရင်တော့ အောက်ပါ မေးခွန်းလေးတွေ အရင်မေးသင့်ပါတယ်။
ဒီမေးခွန်းလေးတွေက စုံတွဲတွေ တစ်ယောက်အကြိုက်တစ်ယောက် မလိုက်နိုင်ဘူးဆိုရင်တောင် ဘာကြောင့်လဲဆိုတဲ့ အကြောင်းရင်းကို သိဖို့ ကူညီပေးနိုင်ပါတယ်။ အမျိုးသမီးတစ်ယောက်အနေနဲ့ Anal Sexကို မလုပ်ချင်ဘူးဆိုရင် No လို့ပြောပိုင်ခွင့်အပြည့်အဝရှိပါတယ်။ ဒါ့အပြင် စုံတွဲတွေ တစ်ယောက်နဲ့ တစ်ယောက် ပြဿနာကို နားလည်ပြီး အချင်းချင်း ညှိနှိုင်းကြတာက ပိုအရေးကြီးပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။