backup og meta

သုက်ပိုးစွမ်းရည် မြင့်တက်စေသော အထူး အစားအစာများ

မှ ဆေးပညာပိုင်းဆိုင်ရာ စစ်ဆေးထားပါသည်။ Dr. K Zin Thwe


Dr . Phyu Mon Latt မှ ရေးသားသည်။ · 10/02/2022 တွင် အသစ်ဖြည့်စွက်ခဲ့သည်။

    သုက်ပိုးစွမ်းရည် မြင့်တက်စေသော အထူး အစားအစာများ

    သင်နဲ့ သင့်ချစ်သူဟာ ဆက်ဆံမှုရဲ့ နောက်တစ်ဆင့်ကို တက်ပြီး ကလေးယူချင်လာနိုင်ပါတယ်။ သူမဟာ သင့်အတွက် ချစ်စရာကောင်းတဲ့ကလေးလေးကို ဗိုက်ထဲမှာ ကိုးလလွယ်ထားပါလိမ့်မယ်။ ဒါဆို အရိုးရှင်းဆုံး သင်လုပ်ရမှာကတော့ ဒီဖြစ်စဉ်ကို အစပြုဖို့အတွက် မျိုးစေ့ချ ရမှာပါပဲ။ သင့်အကြံအစည် အထမြောက်ဖို့အတွက် သုက်ပိုးအရေအတွက်နဲ့ အရည်အသွေးကို တိုးမြှင့်ဖို့လိုပါတယ်။ မှန်ကန်တဲ့ အစားအသောက်တွေဟာ သင့်ရဲ့ ဖခင် ဖြစ်ပွားနိုင်ခြေကို မြှင့်တင်ပေးပါလိမ့်မယ်။

    ကြက်ဥ

    ကြက်ဥတွေဟာ ဗီတာမင် အီးနဲ့ ပရိုတင်းဓါတ်တွေ ပါဝင်တာမို့ ကျန်းမာပြီး သန်စွမ်းတဲ့ သုက်ပိုးတွေ ပိုင်ဆိုင်ချင်တယ်ဆိုရင် သင့်အတွက် အကောင်းဆုံး ရွေးချယ်မှု ဖြစ်ပါတယ်။ ဒီအာဟာရတွေဟာ သုက်ပိုးတွေကို ဓါတ်တိုးပစ္စည်း တွေကနေ ကာကွယ်ပေးပြီး သုက်ပိုး အရေအတွက်ကို တိုးမြှင့်ပေးပါလိမ့်မယ်။

    ဟင်းနုနွယ်

    ဟင်းနုနွယ်နဲ့ အခြားအစိမ်းရောင် ဟင်းသီးဟင်းရွက်တွေမှာ ပါတဲ့ ဖောလစ်အက်စစ် ဟာ သုက်ပိုးတွေရဲ့ ဖွံ့ဖြိုးမှုနဲ့ လှုပ်ရှားမှုအတွက် အရေးကြီးပါတယ်။ ဖောလစ်အက်စစ် အများအပြား ပါဝင်ခြင်းဟာ သန်စွမ်းတဲ့ သုက်ပိုးထုတ်လုပ်မှုကို မြင့်တက်စေပါတယ်။ ဖောလစ်အက်စစ် နည်းပါးခြင်းကတော့ မျိုးဥအိမ်ကို သုက်ပိုး ရောက်နိုင်ခြေကို ကန့်သတ်ပါတယ်။

    ငှက်ပျောသီး

    ငှက်ပျောသီးတွေမှာ ရှားပါးတဲ့ အရောင်ကျ အင်ဇိုင်းတစ်မျိုး ဖြစ်တဲ့ ဘရိုမီလိမ်း (bromelain) နဲ့ အခြားဗီတာမင် တွေ ဖြစ်တဲ့ ဗီတာမင် အေ၊ ဘီဝမ်းနဲ့ စီ တို့ ပါဝင်ပါတယ်။ ဒါကြောင့် ငှက်ပျောသီးဟာ ကိုယ်ခန္ဓါကို ပိုမိုကျန်းမာ သန်စွမ်းတဲ့ သုက်ပိုးတွေ ထုတ်ပေးအောင် အကူအညီပေးနိုင်ပြီးတော့ သုက်ပိုးရဲ့ စွမ်းဆောင်ရည်ကိုလည်း မြင့်တက်စေပါလိမ့်မယ်။

    ချောကလက် အမဲ

    သင်နဲ့ သင့်ချစ်သူ ဟန်းနီးမွန်းသွားနေချိန်မှာ ခုတင်ဘေးမှာ ရှန်ပိန်တစ်ခွက်နဲ့အတူ ချောကလက်ထဲနှစ်ထားတဲ့ စတော်ဘယ်ရီတွေနဲ့ ပြင်ဆင်ကျွေးမွေးတာမျိုး ကြုံတွေ့ရနိုင်ပါတယ်။ ဒါဟာ ဘာလို့လဲဆိုတော့ ချောကလက်အမဲမှာ သုက်ရည်နဲ့ သုက်ပိုးပမာဏကို မြင့်တက်စေတဲ့ L-Arginine HCL လို့ ခေါ်တဲ့ ဓါတ်တွေ ပါဝင်လို့ပဲဖြစ်ပါတယ်။

    ကညွတ်

    သုက်ပိုးတွေ အရေအတွက်များစေဖို့နဲ့ သူတို့ရဲ့ လှုပ်ရှားမှုကို မြှင့်တင်ပေးဖို့အတွက် ကညွတ်ကို စားသုံးနိုင်ပါတယ်။ ကညွတ်မှာ ဗီတာမင်စီပါဝင်ပြီး သူဟာ ဝှေးစေ့ရဲ့ ဆဲလ်တွေကို ကာကွယ်ပေးပြီး ဓါတ်တိုးပစ္စည်း တွေကို တိုက်ထုတ်ပေးမှာ ဖြစ်ပါတယ်။

    ပန်းဂေါ်ဖီစိမ်း

    ပန်းဂေါ်ဖီစိမ်းမှာ folic acid နဲ့ ဗီတာမင် B9 ပါဝင်တာမို့ ကလေးရရှိခြင်းအတွက် အရေးကြီးပါတယ်။ လေ့လာမှုတစ်ခုမှာ အမျိုးသားတွေဟာ ပန်းဂေါ်ဖီစိမ်းကို နေ့တိုင်းစားရင် သူတို့ရဲ့ သုက်ပိုးအရေအတွက်ကို ၇၀% မြှင့်တင်ပေးနိုင်တယ်လို့ ဖေါ်ပြထားပါတယ်။

    တလည်းသီး

    တလည်းသီးဟာ အါကရသာ ရှိပြီး အရည်ရွှမ်းရုံသာမက သူ့ကို သုက်ပိုး အရေအတွက်ရော အရည်အသွေးရော တိုးတက်ဖို့အတွက် အသုံးပြုကြပါတယ်။ တလည်းသီးဟာ ဓါတ်တိုးဆန့်ကျင် ဂုဏ်သတ္တိ ရှိတာမို့ ကိုယ်ဝန် ရရှိမှုကို အားပေးပါတယ်။ ဒီအသီးဟာ သုက်ပိုးအရေအတွက်ကို တိုးတက်စေဖို့နဲ့ သုက်ရည်ရဲ့ အရည်အသွေးကို ကောင်းမွန်စေဖို့အတွက် စွမ်းအားရှိတဲ့ အစားအစာ တစ်မျိုးဖြစ်ပါတယ်။

    သစ်ကြားသီး

    သစ်ကြားသီးမှာ အိုမီဂါ ၃ ပါဝင်ပြီး ဝှေးစေ့ကို သွေးရောက်ရှိမှု တက်စေတာကြောင့် သုက်ပိုးတွေရဲ့ ပမာဏရော ထုတ်လုပ်မှုကိုပါ များစေပါတယ်။ သစ်ကြားသီးမှာ ပါဝင်တဲ့ Arginine ဟာ တစ်မျိုးဖြစ်ပြီး သုက်ရည်ပမာဏကို တက်စေပါတယ်။ သစ်ကြားသီးမှာ အခြားအသီးတွေထက် ဓါတ်တိုးဆန့်ကျင် ဂုဏ်သတ္တိ နှစ်ဆ ပိုမိုပါဝင်ပြီးတော့ သွေးထဲက ဓါတ်တိုးပစ္စည်း တွေကို တိုက်ထုတ်ပေးပါတယ်။

    ကြက်သွန်ဖြူ

    ကြက်သွန်ဖြူဟာ ကိုယ်ခံအားစနစ်ကို တိုးမြှင့်ပေးပြီး ကျန်းမာတဲ့ သုက်ပိုးထုတ်လုပ်မှုကိုလည်း အားပေးပါတယ်။ ကြက်သွန်ဖြူမှာ ပါဝင်တဲ့ ဗီတာမင်ဘီ ၆ နဲ့ ဆီလီနီယမ် ဟာ သွေးကို သန့်စင်ပေးပြီး ဝှေးစေ့သွေးရောက်ရှိမှုကို အားပေးကာ ကိုယ်ခံအား ကောင်းမွန်စေပါတယ်။

    ဇင့်ပါဝင်မှု များတဲ့ အစားအစာများ

    ဇင့်ဓါတ် ပြည့်ဝဖို့အတွက် မုယောစပါး၊ အနီရောင် ရှိတဲ့ အသားနဲ့ ပဲတွေကို စားသုံးသင့်ပါတယ်။ သူဟာ သုက်ပိုးတွေကို ပိုမို သန်စွမ်းစေပြီး လှုပ်ရှားမှု မြင့်တက်စေပါတယ်။ ဒါပေမယ့် ဇင့်ပမာဏ နည်းလွန်းခြင်း (သို) များလွန်းခြင်းဟာ ဆိုးကျိုးတွေကို သယ်ဆောင်လာတတ်ပါတယ်။ သင့်လျော်တဲ့ ဇင့်ပမာဏကတော့ တစ်နေ့ကို ၁၅ မီလီဂရမ် ဖြစ်ပါတယ်။

    ဒီအစားအစာတွေအပြင် မုန်လာဥနီ၊ တူနာငါး၊ အစေ့၊ ခရမ်းချဉ်သီး၊ လိမ္မော်သီး၊ ရွှေဖရုံသီး၊ ဂျင်ဆင်း နဲ့ ထောပတ်သီးတို့ကို စားသုံးခြင်းဟာလည်း သုက်ပိုးထုတ်လုပ်နှုန်းကို မြင့်တက်စေပါတယ်။ အလယ်အလတ် ပမာဏလောက် စားသောက်ခြင်းဟာ သင်ရဲ့ မကြာခင်မှာ ရောက်လာမယ့် ဖခင်ဘဝအတွက် အကောင်းဆုံး ပြင်ဆင်မှုပဲ ဖြစ်ပါတယ်။

    Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ ဆေးပညာပိုင်းဆိုင်ရာ စစ်ဆေးထားပါသည်။

    Dr. K Zin Thwe


    Dr . Phyu Mon Latt မှ ရေးသားသည်။ · 10/02/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement