သင့်လိင်စိတ် ဘာလို့ကျဆင်းတာလဲ

ဆေးပညာအရလိင်ဆက်ဆံရင် ဆန္ဒနည်းပါးမှုရောဂါကိုလိင်စိတ်ကျဆင်းမှု (low libido) လို့ သိရှိကြပါတယ်။ ဒါဟာအသက်အရွယ်မရွေးအမျိုးသားရော၊ အမျိုူးသမီးမှာပါ အဖြစ်များတဲ့ လိင်ပိုင်းဆိုင်ရာမစွမ်းဆောင်နိုင်ခြင်းတစ်မျိုးဖြစ်ပါတယ်။ မကြာသေးမီကလေ့လာမှုတစ်ခုက၁၀ ယောက်မှာ ၄ယောက်သော အသက်၄၅နှစ်အထက် အမျိုးသားတွေဟာလိင်စိတ်ပျောက်ဆုံးတတ်ပါတယ်။ အသက် ၁၈နှစ်ကနေ ၅၉နှစ်ကြားအမျိုးသမီးတွေမှာတော့ သုံးပုံမှာတစ်ပုံဟာလိင်စိတ်လျော့နည်းခြင်းကိုခံစားနေကြရပါတယ်။ တကယ်လို့ လိင်စိတ်ကျဆင်းခြင်းဟာအချိန်အကြာကြီး ကြာမြင့်မယ်ဆိုရင် (သို့) ခဏခဏပြန်ဖြစ်နေမယ်ဆိုရင် လိင်ဆက်ဆံဖက် နှစ်ဦးလုံးအတွက် သူတို့ရဲ့ ဆက်ဆံရေးကိုထိန်းသိမ်းဖို့ ခက်ခဲပါတယ်။

ဘာလို့ လိင်စိတ်လျော့နည်းတာလဲ။

လိင်စိတ်ပျောက်ဆုံးခြင်းဟာအကြောင်းအရာများစွာကြောင့် ဖြစ်ပွားတတ်ပါတယ်။

• စိတ်ကျခြင်း – စိတ်ကျရောဂါတစ်ခုတည်းဟာလိင်ဆက်ဆံမှုအပါအဝင် သင့်ကိုသာယာစေတဲ့ လုပ်ဆောင်မှုတွေအတော်များများကိုစိတ်ဝင်စားမှု လျော့နည်းစေပါတယ်။ ဒါ့ပြင် အချို့သောစိတ်ကျရောဂါ ကုသဆေးတွေဟာလည်းမမျှော်လင့်တဲ့ ရလဒ်ကိုရရှိစေပါတယ်။
• စိတ်ဖိစီးမှု – သင်ဟာစိတ်ဖီးစီးမှုကိုအချိန်အကြာကြီးခံစားနေရတယ်ဆိုင် သင့်လိင်စိတ် လျော့ကျနိုင်ပါတယ်။ ဘာကြောင့်လဲဆိုတော့ စိတ်ဖိစီးမှုဟာဟော်မုန်းတွေကိုအနှောင့်အယှက်ဖြစ်စေပြီးလိင်တံထောင်မတ်တဲ့ နေရာကိုသွားတဲ့ နေရာကိုသွားတဲ့ သွေးစီးဆင်းမှုကိုလျော့ကျစေပါတယ်။

• နာတာရှည်ရောဂါများ – ကင်ဆာ၊ အကျိတ်စတဲ့ ပြင်းထန်တဲ့ ရောဂါတွေကိုခံစားနေရမယ်ဆိုရင် သင့်မှာလိင်အကြောင်းတွေးတော့ဖို့ အချိန်ရှိတော့မှာမဟုတ်ပါဘူး။ ကျန်းမာရေးဟာအရာအားလုံးနဲ့ ယှဉ်ရင် ပထမနေရာမှာရှိနေမှာပါ။ ဒါ့ကြောင့် သင့်လိင်စိတ်တဖြည်းဖြည်းကျဆင်းလာတယ်ဆိုရင် ဒါဟာနားလည်ဖွယ်ရာ ဖြစ်ပါတယ်။
• အိပ်စက်မှုဆိုင်ရာရောဂါများ – ကျန်းမာရေးနဲ့ မညီညွတ်တဲ့ အိပ်စက်မှုတွေ၊ အိပ်ရေးပျက်မှုတွေဟာသင့်ရဲ့ လိင်စိတ်ကျဆင်းခြင်းကို ဖြစ်စေနိုင်ပါတယ်။

• ဆက်ဆံရေးဆိုင်ရာ ပြဿနာများ – လေးနက်တဲ့ ဆက်ဆံရေးတစ်ခုမှာ ပြဿနာအတာ်တော်များများကို နိုင်နိုင်နင်းနင်းဖြေရှင်းရမှာပါ။ ဥပမာ – သင့်လိင်ဆက်ဆံဘက်ရဲ့ ညံ့ဖျင်းတဲ့ လုပ်ဆောင်ချက်၊ ဆက်ဆံရေးနဲ့ ပတ်သက်ပြီးစိတ်ပိုင်းဆိုင်ရာကျေနပ်ခြင်းမခံစားမှုနဲ့ ကလေးမွေးခြင်းစသည်။ ဒီပြဿနာတွေကသင့်လိင်စိတ်ကိုအပျက်သဘောဆောင်တဲ့ အကျိုးသက်ရောက်မှုတွေဖြစ်စေနိုင်ပါတယ်။
• လေ့ကျင့်ခန်းအလုပ်များခြင်း (သို့) အလုပ်နည်းခြင်း။
• အရက်နှင့် ဆေးသုံးစွဲခြင်း။

လိင်စိတ်လျော့နည်းခြင်းကိုဘယ်လိုကုသရမလဲ။

သင့်ဆက်ဆံရေးတစ်ခုပျက်စီးခြင်းအတွက် လိင်စိတ်လျော့နည်းမှုကိုအပြစ်တင်နိုင်ပါတယ်။ ဒါ့ကြောင့် ဒီအကျိုးဆက်ကိုလိင်စိတ်ပျောက်ဆုံးခြင်းကိုကုသခြင်းဖြင့် ရှောင်ကျဉ်နိုင်ပါတယ်။ ဖြစ်ပေါ်စေတဲ့အချက်တွေပေါ်မူတည်ပြီးကုသမှုတွေကတော့

• ကျန်းမာရေးနဲ့ ညီညွတ်တဲ့ လူမှုဘဝနေထိုင်မှုပုံစံကိုရွေးချယ်ခြင်း – ကျန်းမာရေးနဲ့ ညီညွတ်တဲ့ စားသောက်မှုပုံစံ၊ လေ့ကျင့်ခန်းကိုအနေတော်လုပ်ခြင်း၊ အိပ်ရေးဝအောင်အိပ်ခြင်း၊ အရက်နဲ့ မူးယစ်ဆေးတွေကိုရှောင်ကျဉ်ခြင်းနဲ့ စိတ်ဖိစီးမှုလျှော့ချခြင်းအားဖြင့် ကောင်းကျိုးတွေ ရရှိနိုင်ပါတယ်။
• သင့်လိင်စိတ်အပေါ်မှာလွှမ်းမိုးမှုရှိခဲ့ရင် ဆေးဟောင်းတွေကိုဆေးသစ်တွေနဲ့ အစားထိုးပါ။
• ယောက်ျားဟော်မုန်းအစားထိုးကုသမှု။ နိဂုံးလိင်နဲ့ ပတ်သက်တဲ့ ပြဿနာတွေဟာအဖြစ်များတဲ့အတွက် သင်တစ်ယောက်တည်း ကြိတ်ခံစားဖို့မလိုပါဘူး။ သင့်ရဲ့ ကျန်းမာရေးစောင့်ရှောက်မှုပေးသူကိုအကြံဉာဏ်တောင်းဖို့ မတွန့်ဆုတ်ပါနဲ့။ သင့်အခြေအနေပေါ်မူတည်ပြီးဆရာတွေဟာသင့်ကိုအသင့်လျော်ဆုံးကုသမှုတွေ ပေးပါလိမ့်မယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။