အအေးမိ ဖျားနာ နေတဲ့အချိန်မှာ မြန်မြန်သက်သာအောင် လုပ်ဆောင်နိုင်မယ့် နောက်ထပ် နည်းလမ်းတစ်ခုက ခန္ဓာကိုယ်ကို ရေဓာတ် ပြည့်ဝနေစေဖို့ပါ။ ခန္ဓာကိုယ်မှာ အဖျား ဝင်လာတဲ့အခါ ရေဓာတ်ခမ်းခြောက်မှုက အလွယ်တကူ ဖြစ်လာပါတယ်။ နေထိုင်မကောင်းတဲ့အခါ အစား သိပ်မစားဖြစ်တော့သလို ရေတွေသိပ်မသောက်ဖြစ်တော့ပါဘူး။ တကယ်တော့ ဖျားတဲ့အခါ ရေများများသောက်ပေးမှ ခန္ဓာကိုယ်က လုပ်ငန်းစဉ်တွေကို ပုံမှန်အတိုင်း လုပ်ဆောင်နိုင်မှာဖြစ်သလို ဝမ်းမချုပ်အောင်ကာကွယ်ပေးနိုင်ပြီး ခန္ဓာကိုယ်ထဲက ရောဂါတွေ၊ ဘက်တီးရီးယားတွေကို တိုက်ထုတ်ပေးနိုင်မှာ ဖြစ်ပါတယ်။ နေမကောင်းတဲ့အခါ အခြားဘာမှမသောက်နိုင်ရင်တောင် ရေများများသောက်ပေးပါ။
တစ်ကိုယ်ရေသန့်ရှင်းရေးကို ဂရုစိုက်ပါ
နေမကောင်းပေမယ့်လည်း တစ်ကိုယ်ရေသန့်ရှင်းရေးကို လျစ်လျူရှုထားလို့ မဖြစ်ပါဘူး။ တစ်ကိုယ်ရေသန့်ရှင်းမှုကို ဂရုမစိုက်ဘဲ ထားလိုက်မယ်ဆိုရင် ဘက်တီးရီးယားတွေ ပြန့်နှံ့ပြီး အဖျားတာရှည်စေနိုင်ပါတယ်။ ဒါကြောင့် နေထိုင်မကောင်းတဲ့အခါ ဘက်တီးရီးယားတွေ ပြန့်ပွားကူးစက်တာ မဖြစ်စေဖို့အတွက် တစ်ကိုယ်ရေသန့်ရှင်းရေးကို ဂရုစိုက်ပါ။ အနည်းဆုံးတော့ ခြေလက်တွေကို သန့်စင်အောင်ထားပါ။
ဒီလိုတွေ လုပ်နေပေမယ့် အဖျားက မသက်သာဘူးဆိုရင်တော့ ဆရာဝန်နဲ့ ပြသကြည့်ဖို့ လိုပါမယ်။ နောက်တစ်ခုက ခန္ဓာကိုယ်မှာ ကိုယ်ခံအား ကောင်းနေဖို့ပါ။ ကိုယ်ခံအား ကောင်းနေမယ်ဆိုရင် အဖျား အလွယ်တကူ မဝင်ရောက်နိုင်ပါဘူး။ ကိုယ်ခံအား ကောင်းနေဖို့က အာဟာရ ပြည့်ဝအောင် စားသုံးဖို့ လိုသလို အိပ်ချိန်ပြည့်ဝနေဖို့ကလည်း အရေးကြီးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။