ဒီဖက်ခေတ်မှာ ဗိုက်စည်းတွေ ခေတ်စားလာတာ trend ဖြစ်လာတာမှန်ပေမယ့် သူတို့ဟာ အသစ်အဆန်းတော့ မဟုတ်ပါဘူး။ ဟိုးပဝေသဏီကတည်းက သုံးခဲ့ကြတာပါ။ ဗိုက်စည်းတွေဟာ ဗိုက်ကို ကူညီထောက်မပေးထားတာမို့ နောက်ကျောနာတတ်၊အောင့်တတ်တဲ့သူတွေမှာ အသုံးဝင်ပါတယ်၊နာတာကို သက်သာစေပါတယ်။ မီးဖွားပြီးစ အမျိုးသမီးတွေမှာ (ရိုးရိုးမွေးတာပဲ ဖြစ်ဖြစ်၊ခွဲမွေးတာပဲ ဖြစ်ဖြစ်) ဒီဗိုက်ပတ်ဟာ သူမတို့ရဲ့ ကိုယ်ဟန်အနေအထားကို ပုံမပျက်စေဘဲ ဝမ်းဗိုက်ကို ကူညီထောက်မ ပေးထားတာကြောင့် ကိုယ့်ကိုယ်ကို ယုံကြည်မှုရှိစေတဲ့ အတွက် အသုံးပြုကြပါတယ်။
ဝမ်းဗိုက်ကို အနည်းငယ် ဖိထားပေးခြင်းကြောင့် သားအိမ်ကို မူလအရွယ်အစားအတိုင်း မြန်မြန် ပြန်သေးငယ်သွားစေတဲ့အတွက် မီးဖွားပြီးစ အမျိုးသမီးတွေအနေနဲ့ ကိုယ်ဝန်ဆက်ရှိနေသေးသလို ထင်ခံနေရတဲ့ ဗိုက်ကြီးပူနေ၊ဖောင်းနေတဲ့ ဒုက္ခကနေ အမြန်လွတ်မြောက်စေမှာပဲ ဖြစ်ပါတယ်။
နောက်ထပ်ကောင်းတဲ့အချက်တခုက အမျိုးသမီးတယောက် အနေနဲ့ ဗိုက်စည်းကို စည်းထားခြင်းအားဖြင့် နေရတာ ပိုမိုသက်တောင့်သက်သာ ရှိမှာဖြစ်ပြီး လှုပ်ရရှားရတာ ပိုမိုလွယ်ကူစေမှာဖြစ်ပါတယ်။ လှုပ်ရှားရပိုမိုလွယ်ကူတဲ့အတွက် များများ လှုပ်ရှားဖြစ်၊လေ့ကျင့်ခန်းများများလုပ်ဖြစ်ပြီး နဂိုမူလ ခန္ဓါကိုယ် အချိုးအစားကို မြန်မြန်ပြန်ပြီး ရစေပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။