ကိုယ်ဝန်ဆောင်တွေ မသောက်သင့်တဲ့ ဖြည့်စွက်အားဆေး တွေက ဘာတွေလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇန်နဝါရီ 25, 2021 . 2 mins read
Share now

ဖြည့်စွက်အာဆေး တိုင်း ကောင်းတာမဟုတ်ပါဘူး။ ကိုယ်ဝန်ဆောင်ကာလမှာ မဖြစ်မနေ သောက်ပေးဖို့လိုတဲ့ ဖြည့်စွက်အားဆေးတွေ ရှိတယ်ဆိုပေမယ့် တချို့ မသောက်သင့်တဲ့ အားဆေးတွေလည်းရှိပါတယ်။ တော်ကြာ အားဆေးသောက်တိုင်း ကောင်းတယ်ဆိုပြီး ကိုယ်ဝန်ဆောင်ချိန်မှာ များမနေသင့်တဲ့ ဗီတာမင်နဲ့ သတ္တုဓာတ်တွေ သောက်မိရင် ထိုင်နေတုန်းကအကောင်း ထသွားမှကျိုးမှန်းသိဆိုသလိုမျိုး ကိုယ်ဝန်အတွက် အကျိုးမပေးတဲ့အပြင် ဆိုးကျိုးဖြစ်စေသလိုမျိုးတောင်ဖြစ်သွားနိုင်တာကြောင့်ပါ။ ဒါ့ကြောင့် ဘယ်လို ဖြည့်စွက်အားဆေး တွေကို ကိုယ်ဝန်ဆောင်ကာလမှာ ရှောင်ဖို့လိုအပ်လဲ။

ကိုယ်ဝန်ဆောင်ကာလမှာ မသောက်သင့်တဲ့ ဖြည့်စွက်အားဆေး တွေ 

( ၁ ) ဗီတာမင် A

ရင်သွေးလေးရဲ့ အမြင်အာရုံနဲ့ ခုခံအားစနစ် ဖွံ့ဖြိုးဖို့အတွက် ဗီတာမင် A လိုအပ်တယ်ဆိုပေမယ့် အများကြီးသောက်မိရင်တော့ မိခင်ရော ကလေးကိုပါ ထိခိုက်စေမှာပါ။ ဘာကြောင့်လဲဆိုတော့ ဗီတာမင် Aဟာ အဆီမှာ ပျော်ဝင်တဲ့ ဗီတာမင် တစ်ခုဖြစ်တာကြောင့် သွေးတွင်းမှာ ပိုလျှံနေရင် အသည်းက သိမ်းထားပေးတတ်ပြီး အများကြီးစုလာတဲ့အခါ အသည်းကိုထိခိုက်တာ၊ အဆိပ်သင့်တာနဲ့ ကလေးမှာ မွေးရာပါချို့ယွင်းချက်တွေရှိစေတတ်ပါတယ်။ ကိုယ်ဝန်ဆောင်ဖြည့်စွက်အားဆေးတွေမှာပါတဲ့ ဗီတာမင် A နဲ့တင်လုံလောက်တာကြောင့် ဗီတာမင်A သီးသန့် အားဆေး ထပ်သောက်စရာ မလိုပါဘူး။

( ၂ ) ဗီတာမင် E

မျိုးရိုးဗီဇနဲ့ ခုခံအားစနစ်အတွက် လိုအပ်တဲ့ ဗီတာမင် E ဟာ အဆီမှာပျော်ဝင်တဲ့ ဗီတာမင် တစ်မျိုးဖြစ်ပြီး ကျန်းမာရေးအတွက် အရေးကြီးတဲ့ ဗီတာမင်ဖြစ်တယ်ဆိုပေမယ့် ကိုယ်ဝန်ဆောင်တွေ မသောက်မိဖို့တော့လိုပါတယ်။ ဘာ့ကြောင့်လဲဆိုတော့ ဗီတာမင် E ဟာ ရေမြွာရည်ကို စောပေါက်စေပြီး ဗိုက်နာစေလို့ လမစေ့ဘဲ ကလေးမွေးခြင်းကို ဖြစ်စေနိုင်ပါတယ်။

ကိုယ်ဝန်ဆောင်တွေ မသောက်သင့်တဲ့ ဖြည့်စွက်အားဆေး တွေက ဘာတွေလဲ။

( ၃ ) Black Cohosh

Buttercup မျိုးနွယ်တစ်ခုဖြစ်တဲ့ ဒီ black cohosh အပင်လေးဟာ ဓမ္မတာ ပေါ်ချိန်ခံစားရတဲ့ဝေဒနာတွေဖြစ်တဲ့ ဗိုက်အောင့်တာ၊ ကိုယ်ခန္ဓာပူရှိန်းရှိန်းဖြစ်တာတွေကို သက်သာစေတဲ့ အပင်တစ်ခုပါ။ ဒါပေမယ့် နေ့မစေ့ဘဲ မီးဖွားခြင်းဖြစ်စေတဲ့အတွက်ကြောင့် ကိုယ်ဝန်သည်တွေ မသုံးသင့်တဲ့ အပင်တစ်ခုပါ။

( ၄ ) Goldenseal

သာမန် အချိန်မှာဆို ဝမ်းလျှောခြင်းနဲ့ အသက်ရှူလမ်းကြောင်းဆိုင်ရာ ပြဿနာများကို ဖြေရှင်းပေးနိုင်တယ်ဆိုပေမယ့် သူ့မှာပါဝင်တဲ့ berberine က ကလေးတွေရဲ့ အသားဝါခြင်း ပြဿနာကို ဆိုးဝါးစေပြီး ကလေးရဲ့ ဦးနှောက်နဲ့ အသက်အန္တရာယ်ကိုပါ ထိခိုက်စေတာကြောင့် ကိုယ်ဝန်သည်တွေ Goldensea ပါတဲ့ဖြည့်စွက်စာတွေ စားဖို့မသင့်တော်ပါ။

( ၅ ) Dong quai

Dong quai ဆိုတာ တရုတ်ရိုးရာ တိုင်းရင်းဆေး အမြစ်တစ်မျိုးဖြစ်ပြီး ဓမ္မတာကြောင့် ကိုက်ခဲတာကစလို့ သွေးတိုး ရောဂါတွေကိုပါ သက်သာစေတဲ့ ဆေးတစ်မျိုးပါ။ ဒါ့ပေမယ့် Dong quai က သားအိမ်ကျုံ့နိုင်အားကို အားပေးတဲ့အတွက်ကြောင့် ကလေးပျက်ကျစေတတ်ပါတယ်။

ကိုယ်ဝန်ဆောင်တွေ မသောက်သင့်တဲ့ ဖြည့်စွက်အားဆေး တွေက ဘာတွေလဲ။

( ၆ ) Yohimbe

အာဖရိကန် အပင်တစ်မျိုးဖြစ်ပြီး သူ့ရဲ့ပင်စည်ကနေ ထုတ်ထားတဲ့ Yohimbe တိုင်းရင်းဆေးဟာ ပန်းသေခြင်းနဲ့ အဝလွန်ခြင်းကို ကုသတဲ့ဆေးတစ်မျိုးပါ။ ဒါပေမယ့် ဘေးထွက်ဆိုးကျိုးအနေနဲ့ သွေးတိုး၊ နှလုံးရောဂါနဲ့ အတက်ရောဂါတို့ကို ဖြစ်စေတာကြောင့် ကိုယ်ဝန်သည်တို့ ထိပ်ဆုံးက ရှောင်သင့်တဲ့ တိုင်းရင်းဆေး တစ်မျိုးပါ။

( ၇ ) ကိုယ်ဝန်ဆောင်တွေ လုံးဝမသုံးသင့်တဲ့ တိုင်းရင်းဆေးတွေကတော့

  • Saw palmetto – ဆေးထန်းပင်
  • Tansy
  • Red clover
  • Angelica
  • Yarrow
  • Wormwood
  • Blue Cohosh
  • Pennyroyal
  • Ephedra
  • Mugwort တို့ပဲ ဖြစ်ပါတယ်။

အချုပ်အနေနဲ့ ဆိုရရင် ကိုယ်ဝန်ဆောင်တဲ့အချိန်ဆိုတာ ဆေးတွေကို တွေ့ကရာလျှောက်သောက်ဖို့ မသင့်တဲ့ ကာလတစ်ခုပါ။ ဖြည့်စွက်အားဆေးဆိုရင်တောင် မလိုဘဲ မသောက်သင့်ပါဘူး။ ဒါ့ကြောင့် ဘယ်လိုဆေးပဲ သောက်ချင်သောက်ချင် ဆရာဝန်နဲ့ အရင်ဆုံး တိုင်ပင်သင့်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သေနတ်ထိ ပေမယ့် အသက်ရှင်အောင် လူတွေကို ဘယ်လိုကူညီနိုင်မလဲ

သေနတ်ထိ လို့ကျည်ဆန်က ဖောက်ထွက်သွားတဲ့ ဒဏ်ရာ အမျိုးအစား တစ်မျိုးပါ။ ဒီဒဏ်ရာက တတ်ကျွမ်းနားလည်သူတွေနဲ့ ကုသဖို့ လိုတယ်ဆိုပေမယ့်.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စိတ်ဖိစီးမှု ကြောင့် သွေးတိုးနေတာ အမြန်သက်သာစေဖို့

စိတ်ဖိစီးမှု ကြောင့် သွေးတက်နိုင်ပါသလား။ တကယ်လို့ သွေးတက်ခဲ့ရင် ဘယ်လိုနည်းလမ်းတွေနဲ့ ပြုစုရမလဲ။ သွေးပေါင်မြန်မြန်ချတာက အန္တရာယ်ကင်းရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စိတ်ဖိစီးလို့ သွေးတက် တာလား၊ သွေးတိုးလို့ သွေးတက်တာလား။

စိတ်ဖိစီးမှုကြောင့် သွေးတက် တာလား။ သွေးတိုးရောဂါကြောင့် သွေးတက်တာလား။ စိတ်ဖိစီးမှုကြောင့် သွေးတက်ရင် ဘာတွေလုပ်ကြမလဲ။ ဘာတွေ မလုပ်ရဘူးလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

အသက်အရွယ် ကြီးရင့်မှုက သွားတွေ၊ နှလုံး၊ အသည်းကစလို့ မှတ်ဉာဏ်ပိုင်းဆိုင်ရာတွေမှာရော အသားအရေတွေ အပေါ်မှာပါ  သက်ရောက်မှု ရှိတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

how-to-prevent-cancer-recurrence ကင်ဆာပြန်မဖြစ် အောင်

ကင်ဆာပြန်မဖြစ် အောင် ဘယ်လို ဆင်ခြင်နေထိုင်သင့်သလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read
how-hope-affects-your-health မျှော်လင့်ချက်ထား

မျှော်လင့်ချက်ထား ခြင်းက ကျန်းမာပျော်ရွှင်စေပါတယ် စိတ်ဓာတ်မကျပါနဲ့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read
စိတ်ပူပင်လို့ ရင်တုန်လာတာလား... နှလုံးရောဂါလား....

စိတ်ပူပင်လို့ ရင်တုန်လာတာလား… နှလုံးရောဂါလား….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 11, 2021 . 2 mins read
တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ.......

တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ…….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 11, 2021 . 2 mins read