အသက်ကြီးမှ ကလေးယူမယ်ဆိုရင်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

အသက်အရွယ်က ကိုယ်ဝန်ဆောင်ဖို့ ကိစ္စအပေါ် ဘယ်လိုသက်ရောက်မှုဖြစ်စေသလဲဆိုတာ ပြောပြပေးသွား ချင်ပါတယ်။

အမျိုးသားဖြစ်ဖြစ် အမျိုးသမီးဖြစ်ဖြစ် အသက်ကြီးလာလေ မျိုးဆက်ပွားစွမ်းရည် ကျဆင်းလာလေပါပဲ။ အသက် ၃၀ ကျော်ရင် ကလေးရဖို့ခက်ခဲလာသလို ကိုယ်ဝန်ပြဿနာတွေနဲ့ ကလေးမှာ နောက်ဆက်တွဲဆိုးကျိုးတွေလည်း ပိုများလာတတ်ပါတယ်။ အခုဒီဆောင်းပါးမှာတော့ အမျိုးသမီးတွေရဲ့ အသက်အရွယ်နဲ့ ကိုယ်ဝန်ဆောင်ခြင်း ဆက်စပ်မှုအကြောင်းပြောပြချင်ပါတယ်။

ပုံမှန်ဆို မိန်းကလေးတွေက အသက် ၂၀ လောက်မှာ ကိုယ်ဝန်ဆောင်ဖို့အကောင်းဆုံးဖြစ်ပြီး အသက် ၃၀ ကျော်လာရင်တော့ ကလေးရနိုင်ချေ ကျဆင်းလာပါတယ်။ ဘာ့ကြောင့်လဲဆိုတော့ မိန်းကလေးတစ်ယောက် အသက်ကြီးလာလေ သားဥအိမ်ထဲက ထုတ်ပေးနိုင်တဲ့ သားဥအရေအတွက်ရော အရည်အသွေးပါ ကျဆင်းလာတာကြောင့်ပဲ ဖြစ်ပါတယ်။ နောက်ပြီး ကိုယ်တွင်းဟော်မုန်း အပြောင်းအလဲတွေပါ ဖြစ်တဲ့အတွက် ကိုယ်ဝန်ရသွားရင်တောင် ကျန်းမာတဲ့ကိုယ်ဝန်ဖြစ်ဖို့ ခက်ခဲပါတယ်။ သားအိမ်အလုံးအကျိတ်နဲ့ endometriosis လို မီးယပ်ရောဂါ ဖြစ်ပွားမှုတွေ ကလည်း အသက်ကြီးတာနဲ့ ဆက်စပ်နေတာကြောင့် ထည့်စဉ်းစားစရာ အချက်တစ်ချက်ဖြစ်နေပါတယ်။ Endometriosis မီးယပ်ရောဂါဆိုတာ ပုံမှန်သားအိမ်နံရံမှာ တွေ့ရတဲ့အသားစ တွေက သားအိမ်အပြင်ဖက်ထိ ကြီးထွားလာတဲ့ ရောဂါတစ်မျိုးဖြစ်ပြီး အမျိုးသမီးရဲ့ မျိုးဆက်ပွားအင်္ဂါတွေကို ပုံစံပြောင်းစေတာကြောင့် ကိုယ်ဝန်ရဖို့ ခက်ခဲစေပါတယ်။

အသက်ကြီးမှ ကလေးယူတဲ့အမျိုးသမီးတွေ အဓိကခံစားရနိုင်တဲ့ အခြေအနေ ၃ မျိုးရှိပါတယ်။ ဒါတွေကတော့

၁။ ကလေးမှာ မွေးရာပါချို့ယွင်းချက် ပါလာခြင်း

အမေရိကန်ဗဟိုကူးစက်ရောဂါ ထိန်းချုပ်ရေးစင်တာက ထုတ်ပြန်ချက်အရဆို အမေရိကန်နိုင်ငံမှာ မွေးဖွားတဲ့ ကလေး ၃၃ ယောက်မှာ တစ်ယောက်က မွေးရာပါချို့ယွင်းချက်တစ်ခုခု ပါနေတယ်လို့ ဆိုပါတယ်။ အသက် ၄၀ နဲ့အထက် အမျိုးသမီးတွေ မွေးဖွားတဲ့ကလေးတွေမှာ craniosynostosis လို့ခေါ်တဲ့ ဦးခေါင်းခွံအရိုးတွေပေါင်း စပ်မှု မမှန်တာ၊ hypospadias ခေါ်တဲ့ ဆီးလမ်းကြောင်းအပေါက်နေရာလွဲနေတာ၊ esophageal atresia ခေါ်တဲ့ အစာမြိုပြွန်နဲ့အစာအိမ် ဆက်စပ်မနေတာ စတဲ့ပြဿနာတွေဖြစ်ပွားမှုများတာလည်း လေ့လာမှုတွေအရ တွေ့ရှိထားပါတယ်။

နောက်ပြီး ကိုယ်ဝန်ဆောင်မိခင်အသက်ကြီးလေ မွေးလာမယ့်ကလေးမှာ ရုပ်ပိုင်း၊စိတ်ပိုင်းဆိုင်ရာ ဖွံ့ဖြိုးမှုမမှန်တဲ့ ဒေါင်းရောဂါလက္ခဏာစု (Down syndrome) ဖြစ်ပွားနိုင်ခြေတက်လာတာလည်း တွေ့ရပါတယ်။ အသက် ၂၀ အရွယ်မှာ ကိုယ်ဝန်ဆောင်ရင် ကလေးအယောက် ၁၅၀၀ လောက်မှာမှ တစ်ယောက်ပဲ ဒေါင်းရောဂါလက္ခဏာစု ဖြစ်ပွားနိုင်တာဖြစ်ပြီး အသက် ၄၅ နှစ်လောက်မှ ကိုယ်ဝန်ဆောင်ရင်တော့ မွေးလာမယ့်ကလေး ၃၅ ယောက်မှာ တစ်ယောက်ဖြစ်ပွားနိုင်တဲ့အထိ မြင့်တက်လာတာကို တွေ့ရပါတယ်။

၂။ သားပျက်သားလျှောဖြစ်ခြင်း

ကိုယ်ဝန်ဆောင်တဲ့မိန်းကလေးတိုင်းမှာ သားပျက်သားလျှောဖြစ်နိုင်ခြေရှိတာမှန်ပါတယ်။ ဒါပေမဲ့ အသက်ကြီး လာလေ ဒီပြဿနာခံစားရနိုင်ခြေများလေဆိုတာအမှန်ပါပဲ။ ယေဘုယျပြောရရင် ကိုယ်ဝန်ဆောင်တိုင်းမှာ သားပျက်သားလျှောဖြစ်နိုင်ခြေ ၁၃% လောက်ရှိပြီး အသက်၄၅ နှစ်ကျော် အမျိုးသမီးတွေမှာ ဒီပမာဏက ၅၃% အထိ မြင့်တက်သွားပါတယ်။ ဆိုလိုတာကတော့ အသက် ၄၅နှစ်အရွယ် ကိုယ်ဝန်ဆောင်အမျိုးသမီး ၂ ယောက်မှာ တစ်ယောက်ကတော့ သားပျက်သားလျှောဖြစ်နိုင်ခြေ ရှိနေပါတယ်။ ဒါပေမဲ့လည်း သားပျက်သားလျှောဖြစ်တဲ့ကိစ္စက အသက်အရွယ်တစ်ခုတည်းနဲ့ သက်ဆိုင်တာတော့ မဟုတ်ပါဘူး။ အရင်ကကိုယ်ဝန်ပျက်ကျဖူးတာ၊ နာတာရှည်ရောဂါတစ်ခုခုရှိလို့ ကျန်းမာရေးသိပ်မကောင်းတာ လိုအပ်ချက်တွေကိုလည်း ထည့်စဉ်းစားရပါမယ်။

၃။ သွေးပေါင်ချိန်မြင့်တက်ခြင်း

ကိုယ်ဝန်ဆောင်ချိန်မှာ သွေးပေါင်ချိန် အလွန်အမင်းမြင့်တက်ခြင်းက မိခင်နဲ့ကလေးသေဆုံးစေတဲ့ အဓိက ပြဿနာတစ်ခုဖြစ်ပါတယ်။ ဒါ့ကြောင့် ကိုယ်ဝန်ဆောင်အမျိုးသမီးတိုင်းအသက်အရွယ်မရွေး ကိုယ့်သွေးပေါင်ချိန်ကို မှန်မှန်စစ်ဆေးဖို့အကြံပေးချင်ပါတယ်။ ကိုယ်ဝန်ဆောင်တိုင်းဖြစ်ပွားနိုင်ပြီး အသက် ၄၀ ကျော်သူတွေဆိုရင်တော့ ဖြစ်နိုင်ချေပိုများပါတယ်။

ဒါကို ကိုယ်ဝန်ဆိပ်တက်ခြင်း (Preeclampsia) လို့လည်း ခေါ်ပါတယ်။ Preeclampsia လက္ခဏာတွေထဲမှာသွေးပေါင်ချိန်တက်တာအပြင် မျက်နှာနဲ့လက်တွေဖောရောင်တာ၊ဆီးသွား နည်းသွားတာ၊ မောလာတာ၊ အရမ်းဝလာတာ၊ အမြင်ဝေဝါးလာတာ၊ ခေါင်းကိုက်တာ၊ မူးဝေအော့အန်တာ တွေလည်းပါဝင်နေပါတယ်။

ရေးသားသူ – Dr.Htoo Tint

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စိတ်အရမ်းဖိစီးနေလည်း အိပ်ပျော်ဖို့ လိုပါတယ်

စိတ်အရမ်းဖိစီးနေပေမဲ့ အိပ်ပျော်ဖို့ လိုပါတယ်။ဘာကြောင့် ဒီလို ပြောရတာလဲ။ စိတ်ဖိစီးချိန်မှာ အိပ်မပျော်ရင် ဘာတွေ ဖြစ်လာမလဲ။ စိတ်ဖိစီးနေချိန်မှာ အိပ်ပျော်စေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆီးလမ်းကြောင်း ပိုးဝင်ခြင်းရဲ့ ရောဂါလက္ခဏာများ

ဆီးလမ်းကြောင်း ကနေတဆင့် ဘက်တီးရီးယား နဲ့ မှိုပိုးတွေ ဝင်ရောက် ကူးစက်တာက များပါတယ်။ ဗိုင်းရပ်စ် ဝင်ရောက် ကူးစက်မှုကို ဆီးလမ်းကြောင်းပိုးဝင်တယ် ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင်စောင့်ရှောက်မှု ဆိုတာ

ကိုယ်ဝန်ဆောင်ကျန်းမာရေးစောင့်ရှောက်မှု မှာ သာမန်ကိုယ်ဝန်ဆောင် တစ်ယောက်အနေနဲ့ ဒီလောက်လိုက်နာမယ်ဆိုရင် မိခင်ရော ကလေးပါ ကျန်းကျန်းမာမာနဲ့ မွေးဖွားနိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကိုယ်ဝန်ဆောင်ကာလ ဖေ‌ဖော်ဝါရီ 2, 2021 . 3 mins read

ထင်သလောက်မစွမ်း တော့ဘူးလား ကိုယ့်လူ

အမျိုးသားတွေဟာ သူတို့ရဲ့ လိင်မှုစွမ်းဆောင်ရည် အားနည်းနေပြီ၊ ကျဆင်းလာနေပြီဆိုတာကို ထုတ်ပြောဖို့ သပ်ပြီး တွန့်ဆုတ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

စိတ်ဖိစီးလို့ သွေးတက် တာလား၊ သွေးတိုးလို့ သွေးတက်တာလား။

စိတ်ဖိစီးလို့ သွေးတက် တာလား၊ သွေးတိုးလို့ သွေးတက်တာလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 3 mins read
အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
ဘရာ Size မှားနေပြီလား

ဘရာ Size မှားနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
ဖိုးဖိုးဖွားဖွားတို့နဲ့ ကာကွယ်ဆေးထိုးနှံခြင်း

ဖိုးဖိုးဖွားဖွားတို့နဲ့ ကာကွယ်ဆေးထိုးနှံခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 2 mins read