မိဘနှစ်ပါး၊ မွေးချင်းမောင်နှမနဲ့ ဝမ်းကွဲအမျိုးတွေဆီမှာ ဘာရောဂါတွေ ရှိနေလဲ။ မွေးရာပါ ချို့ယွင်းချက်တွေ ပါဖူးလားဆိုတာ စစ်ဆေးပါ။ သင်က အကောင်းအတိုင်းမွေးလာပေမယ့် သင့်ညီမမှာ မွေးရာပါ နှလုံးရောဂါရှိနေရင် သင့်ကလေးမှာ မပါလာနိုင်ဘူးလို့ ပြောလို့မရပါဘူး။ မိသားစုထဲမှာ ဒီလို ရောဂါတွေ ရှိနေရင် ဆရာဝန်နဲ့ တိုင်ပင်ထားပါ။ လိုအပ်ရင် မျိုးဗီဇစစ်ဆေးတာတွေ ညွှန်ကြားပါလိမ့်မယ်။
တစ်ခါတစ်လေ အမျိုးထဲမှာ အားလုံးကောင်းပေမယ့် အမျိုးသမီးက ခဏခဏကိုယ်ဝန်ပျက်ကျတတ်ရင်၊ ကလေးမရရင်၊ ကလေးအသေမွေးတာများရင်၊ အရင်ကိုယ်ဝန်မှာ မွေးရာပါ ချို့ယွင်းချက်ဖြစ်ဖူးရင်လည်း ဆရာဝန်က မျိုးဗီဇစစ်ဆေးဖို့ တိုက်တွန်းပါလိမ့်မယ်။
ကိုယ်ဝန်ဆောင်ဖို့ အမျိုးသားဘက်ကရော အမျိုးသမီးဘက်ကရော ပြင်ဆင်ပြီးပြီဆိုရင်တော့ အမျိုးသမီးကို အားပေးဖို့ပဲ ကျန်ပါတော့တယ်။ သူ့အနေနဲ့ ပထမဆုံးကိုယ်ဝန်ဆို ပိုပြီးတောင် စိတ်လှုပ်ရှားနေမှာပါ။ ၉လလောက် ဗိုက်ထဲမှ လွယ်ထားပြီး ပင်ပင်ပန်းပန်းမွေးရမယ့် သူ့အတွက် စိတ်ခွန်အားပေးပေးပါ။ ကိုယ်ဝန်ရလာရင်လည်း သေချာ ပြုစုစောင့်ရှောက်ပြီး သည်းခံပေးပါ။ ကိုယ်ဝန်ကို စောင့်ရှောက်ရမှာ သူ့တာဝန်သက်သက်ပဲလို့ မတွေးမိလောက်အောင်ပေါ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။