အမျိုးသမီးများဘာကြောင့် ကလေးမလိုချင်ကြသလဲ

    အမျိုးသမီးများဘာကြောင့် ကလေးမလိုချင်ကြသလဲ

    လက်ရှိအခြေအနေများတွင်အမျိုးသမီးများဟာ သားသမီးမယူပဲ စစ်မှန်တဲ့ချစ်ခြင်းမေတ္တာနဲ့ပြီးပြည့်စုံတဲ့အိမ်ထောင်ရေးကို အလိုရှိလာကြပါတယ် ။ လူတိုင်းဟာ မိခင် မဖြစ်ချင်ကြပါဘူး ။ ဘာကြောင့် မိခင်မဖြစ်ချင်ကြသလဲဆိုတဲ့ ဖြစ်နိုင်တဲ့အချက်တွေကတော့ အောက်ပါအတိုင်းဖြစ်ပါတယ် ။

    ၁ ။ ရင်သွေးများကျန်းမာရေးမကောင်းမည်ကို မလိုလားခြင်း ။

    ကျန်းမာရေးပြဿနာအမျိုးအမျိုးကြုံတွေ့ပြီးရတဲ့အခါ( အထူးသဖြင့် စိတ်မကျန်းမာခြင်း) အမျိုးသမီးတော်တော်များများဟာ သူတို့ဒီလိုကျန်းမာရေးအခြေအနေဖြစ်နေတဲ့အခါ ကလေးရမှာကိုစိုးရိမ်ကြပါတယ် ။ ကလေးမှာလည်းသူတို့ကဲ့သို့ရောဂါမျိုးကို မခံစားစေချင်ကြပါဘူး ။ အချို့စိတ်ရောဂါရှိသောအမျိုးသမီးများသည် သူတို့ရဲ့ကလေးတွေရဲ့အမြင်မှာသူတို့ကိုစိတ်ရောဂါသည်မိခင်ကပြုစုပျိုးထောင်လာတယ်ဆိုတာမျိုးကို အဖြစ်မခံနိုင်ကြပါဘူး ။

    ၂ ။ မျိုးပွားခြင်းနှင့် ပတ်သက်သောပြဿနာများရှိခြင်း ။

    အမျိုးသမီးတစ်ယောက်ဟာ သဘာဝနည်းအတိုင်း ကိုယ်ဝန်မရနိုင်တဲ့အခါ ကလေးရဖို့ နည်းလမ်းအမျိုးမျိုးလုပ်ဆောင်ကြပါတယ်။ မျိုးမအောင်ခြင်းပြဿနာကို ကုသခြင်းသည် ဈေးကြီးသည့်အပြင် ရလဒ်ကိုလည်း ခန့်မှန်းလို့မရနိုင်ပါဘူး ။ ဒါကြောင့် အမျိုးသမီးတွေဟာ ကလေးလိုချင်တဲ့ဆန္ဒကို စွန့်လွှတ်လိုက်ကြရပါတယ် ။

    ၃ ။ မိမိ၏ ပြုစုပျိုးထောင်နိုင်မှုစွမ်းရည်ကိုမယုံကြည်ခြင်း ။

    ကလေးမယူဘူးဟု ဆုံးဖြတ်တာဟာ တစ်ကိုယ်ကောင်းဆန်သလိုရှိပေမယ့် ကလေးယူပြီးမှ ကလေးကိုမပြုစု ၊မစောင့်ရှောက်နိုင်ခြင်းဟာပိုပြီးဆိုးရွားပါတယ်။ ဒီလိုအတွေးများကြောင့် အမျိုးသမီးတွေဟာ မိမိတို့စောင့်ရှောက်နိုင်မှသာ ကလေးယူ၍ အဆင်ပြေမည်ဟု ဆင်ခြင်တွေးတောလာကြပါတယ် ။ မိဘကောင်းတစ်ယောက်ဆိုတာ ကလေးကို အရာရာဦးစားပေး၍ အကောင်းဆုံးတွေကိုသာပေးခြင်းဖြစ်ပါတယ်။ ဒါကြောင့် အမျိုးသမီးတစ်ယောက်ဟာ ကလေးကိုပြုစုပျိုးထောင်ဖို့ လိုအပ်ချက်များရှိနေတယ်လို့တွေးမိလျှင်တော့ သူမဟာ ကလေးယူဖို့ ဆုံးဖြတ်မှာမဟုတ်ပါဘူး။

    ၄ ။ အမျိုးသမီးတိုင်းဟာ မိခင်မဖြစ်ချင်ကြပါဘူး ။

    အမျိုးသမီးတော်တော်များများဟာ ကလေးများနှင့် ပျော်ရွှင်စရာ အိမ်ထောင်တစ်ခုကို အိပ်မက်ကြပေမယ့်အချို့ကတော့သူတို့ရဲ့ဘဝမှာကလေးလိုအပ်တယ်လို့ မတွေးကြပါဘူး ။ ကလေးရလာတဲ့အခါ သူတို့အတွက်စိတ်အနှောင့်အယှက်တစ်ခုတောင်ဖြစ်သွားနိုင်ပါတယ်။ သူတို့ဟာ ကလေးများနဲ့အလုပ်ရှုပ်နေတဲ့ဘဝမျိုးကို မနှစ်မြို့ကြပါဘူး ။

    ၅။ လူမှုရေး သက်ရောက်မှုများ ။

    တစ်ခါတရံမှာကလေးရလာခြင်းဟာ နှစ်ယောက်စလုံးရဲ့ဆုံးဖြတ်ချက်ကြောင့် မဟုတ်ကြပါဘူး ။ ဤကမ္ဘာကြီးတွင် အမျိုးသမီးများကို ကလေးယူရန်စဉ်းစားခြင်းမှရပ်တန့်စေသည့်မညီမျှမှုများ ၊ လူဦးရေများပြားမှုများ ၊ အနိုင်ကျင့်ခံရမှုများ သို့ ငွေကြေးဆိုင်ရာ ဝန်များ အစရှိသည်တို့ ရှိနေပါတယ်။ လူတော်တော်များများဟာ သူတို့ရဲ့ကလေးကို ဒီလိုပြဿနာတွေမကြုံတွေ့စေချင်ကြပါဘူး ။ဥပမာအားဖြင့် သင်သည် မျိုးရိုးကွာဟသော သို့ အမြဲတစေရန်ဖြစ်နေသော မိသားစုမျိုးတွင်ကြီးပြင်းလာခဲ့ပါက သင့်ရဲ့ကလေးကိုတော့ ဒီလိုအမှောင်ကမ္ဘာထဲသို့ ထပ်ပြီးရောက်စေချင်မည် မဟုတ်တော့ပါ ။

    Hello health group သည် ကျန်းမာရေးဆိုင်ရာအကြံပေးခြင်း ၊ရောဂါရှာဖွေခြင်းနှင့် ကုသခြင်းတို့ကို မပြုလုပ်ပေးပါ ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Kaung Thar


    Phyo Wai Yan မှ ရေးသားသည်။ · 19/09/2022 တွင် အသစ်ဖြည့်စွက်ခဲ့သည်။

    advertisement
    advertisement
    advertisement
    advertisement