ဘာကြောင့် ကလေးမရ ရတာလဲ။
ကလေးမရတာကို တရားခံရှာမယ်ဆိုရင် အမျိုးသမီးကြောင့်က သုံးပုံ တစ်ပုံ၊ အမျိုးသားကြောင့်က သုံးပုံတစ်ပုံ၊ တခြားအကြောင်းရင်း ဒါမှမဟုတ် ဘာကြောင့်မှန်းမသိတာက သုံးပုံတစ်ပုံ ဆိုပြီး ရှိပါတယ်။
အမျိုးသမီး ပြဿနာများ
PCOS လိုမျိုး သားဥအိမ်မှာ အရည်အိတ်တည်ပြီး ဟော်မုန်းထွက်မမှန်တာ၊ ပရိုလက်တင်လို့ခေါ်တဲ့ နို့ရည်ထုတ် ဟော်မုန်းတွေ များနေတာကြောင့် မျိုးဥမကြွေတာ၊ သိုင်းရွိုက်ဟော်မုန်း များလွန်း နည်းလွန်းတာကြောင့် ရာသီစက်ဝန်းမမှန်တာ၊ တခြားအကြောင်းတွေကတော့ လေ့ကျင့်ခန်းအလွန်အကျွံ လုပ်တာ၊ အစားအသောက် စားလွန်းတာ ဒါမှမဟုတ် ရှောင်လွန်းတာ၊ ကင်ဆာကျိတ်ရှိနေတာ စတာတွေကြောင့် ဖြစ်နိုင်ပါတယ်။
- သားအိမ်နဲ့ သားအိမ်ခေါင်း ပြဿနာများ
သားအိမ်နဲ့ သားအိမ်ခေါင်းမှာ အသားပိုရှိနေတာ၊ အသားလုံးရှိနေတာကြောင့် သားဥပြွန်ကို မျိုးအောင်ပြီးသား မျိုးဥလေး မဆင်းနိုင်တာ၊ သားအိမ်မှာ မတွယ်နိုင်တာတွေ ဖြစ်နိုင်ပါတယ်။
- သားဥပြွန် ပျက်စီးတာ၊ ပိတ်တာ
မျိုးပွားအင်္ဂါတွေ ပိုးဝင်ပြီး ရောင်ရမ်းတာ၊ လိင်က တစ်ဆင့် ကူးစက်တတ်တဲ့ ရောဂါတွေကြောင့် သားဥပြွန် ရောင်ရမ်းတာတွေကြောင့် မျိုးအောင်ပြီးသား ဥလေး သားဥပြွန်ထဲကို ဆင်းမလာနိုင်တော့ပါဘူး။
- သားအိမ်တစ်ရှူးနေရာလွဲခြင်း
သားအိမ်တစ်ရှူးက သားအိမ်အပြင် တခြားနေရာတွေဖြစ်တဲ့ သားဥအိမ်၊ သားအိမ်မျက်နှာပြင်၊ သားဥပြွန်မှာ ရှိနေတဲ့အခါ ကလေးရဖို့ ခက်ခဲ ပါတယ်။
- အရွယ်မတိုင်ခင် သွေးဆုံးခြင်း
အသက်၄၀မတိုင်ခင် သားဥအိမ်က အလုပ်မလုပ်တော့ဘဲ ရာသီလည်း မလာတော့တာကို အရွယ်မတိုင်ခင် သွေးဆုံးတယ်လို့ ခေါ်ပါတယ်။ အကြောင်းရင်းကို သေချာမသိပေမယ့် ခုခံအား ကမောက်ကမဖြစ်တာ၊ မျိုးရိုးဗီဇရောဂါ၊ ကင်ဆာအတွက် ဆေးသွင်းတာ၊ ရောင်ခြည်ပြတာတွေကြောင့်လို့ ယူဆကြပါတယ်။
- မျိုးပွားအင်္ဂါ အရွတ်တွယ်ခြင်း
မျိုးပွားအင်္ဂါတွေ ပိုးဝင်တာ၊ အူအတက်ရောင်တာ၊ သားအိမ်တစ်ရှူး နေရာလွဲတာ၊ ဝမ်းဗိုက်ခွဲစိတ်မှုတွေ လုပ်တာ စတာတွေကြောင့် မျိုးပွားအင်္ဂါတွေ အရွတ်တွယ်တတ်ပါတယ်။
အထူးသဖြင့် အမျိုးသမီးမျိုးပွားအင်္ဂါနဲ့ ဆိုင်တဲ့ ကင်ဆာတွေ၊ သူတို့ကို ကုတဲ့ ဆေးသွင်းနည်းတွေ၊ ရောင်ခြည်ပြတာတွေကြောင့် ကလေးရဖို့ အခက်အခဲ ရှိနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။