လက်ပ်တော့တွေ၊ ဖုန်းတွေကနေထွက်လာတဲ့ လှိုင်းတွေက သုက်ပိုးအရည်အသွေးကို ထိခိုက်စေနိုင်သလို သုက်ပိုးတွေရဲ့ DNA ကိုပျက်စီးစေနိုင်ပါတယ်။ လက်ပ်တော့တွေ၊ ဖုန်းတွေကနေထွက်တဲ့ လျှပ်စစ်သံလိုက်လှိုင်းတွေကလည်း ကလေးရရှိနိုင်မှုကို တော်တော်လေးအနှောင့်အယှက်ဖြစ်စေနိုင်ပါတယ်။ တစ်ချိန်လုံး ဖုန်းတွေ၊လက်ပ်တော့တွေသုံးမနေသင့်သလို အိပ်စက်ချိန်မှာလည်း ဒီပစ္စည်းတွေကို ခပ်ဝေးဝေးမှာထားပေးပါ။
အမျိုးသမီးတစ်ယောက် အနေနဲ့ ရှိသင့်တဲ့ ကိုယ်အလေးချိန်ထက် နည်းနေမယ်၊ အဝလွန်နေမယ် ဆိုရင်လာည်း ကလေး ရရှိနိုင်ခြေကနည်းနေနိုင်ပါတယ်။ ဒါကြောင့် ခန္ဓာကိုယ်ကို သင့်တင့်တဲ့ ကိုယ်အလေးချိန် ရှိအောင် ထိန်းသိမ်းသင့်သလို အစားအစာတွေကိုလည်း အာဟာရမျှတအောင် စားသုံးဖို့ လိုပါမယ်။
ကဲ..အိမ်ထောင်ကျတာလည်းကြာပြီ သားသားမီးမီးလေးတွေလည်း မရဘူးဆိုရင် ဒီအချက်လေးတွေများ လုပ်မိနေလား ဆန်းစစ်လို့ အချိန်မီ ပြင်ပါ။ တကယ်လို့မှ မဟုတ်ဘူး ဆိုရင်တော့ သားအိမ်မှာ ပြဿနာ တစ်ခုခု ရှိနေလား သိရနိုင်ဖို့ သားဖွားမီးယပ် ဆရာဝန် တစ်ဦးဦးနဲ့ပြသကြည့်ဖို့ပြောပါရစေ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။