ချီယာစေ့ကို ကိုယ်ဝန်ဆောင်ချိန်မှာ စားသုံးနိုင်သလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 6, 2020 . 2 mins read
Share now

ချီယာစေ့ဟာ ကျန်းမာရေးနဲ့ညီညွတ်တဲ့ အစားအသောက်စာရင်းမှာ ပါဝင်ပါတယ်။ ယခင်ကတော့ လူသိမများသေးပေမယ့် နောက်ပိုင်းမှာ ကုန်စုံဆိုင်တွေမှာပါ ရရှိလာပါတယ်။

ဒီအစေ့လေးတွေဟာ အတိုင်းအတာအားဖြင့် ၁ မီလီလီတာပတ်လည်လောက်သာ ရှိပေမယ့် ပါဝင်တဲ့ အာဟာရဓာတ်တွေကတော့ အံ့မခန်းပါပဲ။ ကိုယ်ဝန်ဆောင်ချိန်မှာ လိုအပ်တဲ့ အာဟာရဓာတ်တွေလည်း ပါဝင်ပါတယ်။

တကယ်တော့ ကိုယ်ဝန်ဆောင်ချိန်မှာ စားသောက်ဖို့ အစားအသောက်ရွေးချယ်ရာမှာ ကလေးအတွက်ပါ ထည့်သွင်းစဉ်းစားရတာမို့ အရေးကြီးလှပါတယ်။ ကလေးအတွက် ထိခိုက်မှုမဖြစ်ရအောင် ဦးစားပေးရွေးချယ်ရပါတယ်။ ချီယာစေ့ကတော့ ကိုယ်ဝန်ဆောင်ချိန်မှာ ဘေးကင်းတဲ့ အစားအသောက်စာရင်း ဝင်ပါတယ်။

၁။ ဝမ်းမှန်စေပါတယ်

ကိုယ်ဝန်ဆောင်ချိန်မှာ အစာအိမ်အူလမ်းကြောင်း လှုပ်ရှားမှု မှန်ကန်စေဖို့ လိုအပ်ပါတယ်။ ကိုယ်ဝန်ဆောင်မိခင်လောင်းတွေအနေနဲ့ ဝမ်းချုပ်ခြင်းဆိုတာ နေ့စဉ်ကြုံနေကြအရာ ဖြစ်ပါတယ်။ အခန့်မသင့်ရင် လိပ်ခေါင်းပုံစံ ဖြစ်လာနိုင်ပါတယ်။

ချီယာစေ့မှာ အမျှင်ဓာတ်များစွာ ပါဝင်ပြီး အစာအိမ်အူလမ်းကြောင်းကို ချောမွေ့စေပါတယ်။ ချီယာစေ့ နှစ်ဇွန်းစာလောက်မှာ အမျှင်ဓာတ် ၈ ဂရမ်ပါဝင်ပြီး တနေ့တာလိုအပ်ချက်ရဲ့ ၃၂ ရာခိုင်နှုန်း ဖြစ်ပါတယ်။

၂။ သွေးနီဥဆဲလ်များကို အားမြှင့်ပေးပါတယ်။

သွေးနီဥဆဲလ်တွေ အားမကောင်းရင် သွေးအားနည်းခြင်း ဖြစ်ပေါ်စေပါတယ်။ အထူးသဖြင့် ကိုယ်ဝန်ဆောင် အမျိုးသမီးများအနေနဲ့ သံဓာတ်နည်းပြီး သွေးအားနည်းခြင်းပါ ကြုံရနိုင်ပါတယ်။ သံဓာတ်အားဖြည့်တဲ့ အားဆေးတွေသောက်နိုင်သလို သံဓာတ်ကိုမြှင့်တင်ပြီး သွေးနီဥတွေကို အားကောင်းစေမယ့် အစားအစာတွေကိုလည်း ရွေးချယ်စားသုံးနိုင်ပါတယ်။ ဟင်းနုနွယ်၊ အမဲသား၊ ကြက်ဘဲ စတာတွေ အပါအဝင် ချီယာစေ့ဟာလည်း သံဓာတ်ပြည့်ဝတဲ့ စားစရာတစ်မျိုး ဖြစ်ပါတယ်။ ချီယာစေ့ နှစ်ဇွန်းစာမှာ သံဓာတ် ၂ မီလီဂရမ် ပါဝင်ပြီး တနေ့တာလိုအပ်ချက်ရဲ့ ၁၁ ရာခိုင်နှုန်း ဖြစ်ပါတယ်။

၃။ ကလေးများရဲ့သွားများနဲ့ အရိုးတွေကို သန်စွမ်းစေပါတယ်

ကိုယ်ဝန်ဆောင်ချိန်မှာ တစ်နေ့ကို ကယ်လ်ဆီယမ် ၁၀၀၀ မီလီဂရမ်ခန့် လိုအပ်ပါတယ်။ ဒီပမာဏအတွက် နို့ကို ခွက်ပေါင်းများစွာ သောက်ဖို့ လိုအပ်ပါတယ်။ ဒါပေမယ့် ကယ်လ်ဆီယမ်ဟာ နွားနို့တစ်မျိုးတည်းက ရနိုင်တာတော့ မဟုတ်ပါဘူး။ အသီးအနှံတွေ၊ အသီးအရွက်တွေကနေလည်း ရရှိနိုင်ပြီး ချီယာစေ့ကလည်း ရနိုင်ပါတယ်။ ချီယာစေ့ နှစ်ဇွန်းမှာ ကယ်လ်ဆီယမ် ၁၅၂ မီလီဂရမ်ပါဝင်ပြီး တစ်နေ့တာလိုအပ်ချက်ရဲ့ ၁၅ ရာခိုင်နှုန်း ဖြစ်ပါတယ်။

၄။ Omega 3 ကြွယ်ဝပါတယ်

Omega 3 ဟာ သန္ဓေသားလောင်းရဲ့ ဦးနှောက်ကို ဖွံ့ဖြိုးစေပြီး ကိုယ်ဝန်ဆောင်ကာလကိုလည်း အဆင်ပြေချောမွေ့နိုင်ဖို့ အထောက်အကူပြုပါတယ်။ အဆီကြွယ်ဝတဲ့ ငါးတွေဖြစ်တဲ့ ဆယ်လ်မွန်၊ ငါးသေတ္တာနဲ့ ကမာကောင်၊ ပုစွန် စတာတွေမှာ Omega 3 ကြွယ်ဝပါတယ်။ ချီယာစေ့မှာလည်း Omega 3 ကြွယ်ဝပြီး တစ်အောင်စမှာ Omega 3 ၅ ဂရမ်ထိ ပါဝင်ပါတယ်။ ငါးများမှာ ပါဝင်တဲ့ Omega 3 နဲ့ အမျိုးအစား အနည်းငယ်ကွဲပြားပေမယ့် ကိုယ်ဝန်အတွက် အကျိုးဖြစ်စေတာကတော့ အမှန်ပါပဲ။

၅။ သွေးတွင်းသကြားဓာတ်ကို ထိန်းသိမ်းပေးပါတယ်

ကိုယ်ဝန်ဆောင်ချိန်မှာထွက်တဲ့ ဟော်မုန်းများဟာ သွေးထဲမှာ ဂလူးကို့စ်ကို စုဝေးလာစေပြီး ကိုယ်ဝန်ဆောင်ကာလမှာ ဖြစ်တတ်တဲ့ ဆီးချိုနဲ့ ကြုံနိုင်ပါတယ်။ မိခင်ရဲ့ ဆီးချိုပမာဏဟာ ကလေးအပေါ်မှာ သက်ရောက်မှု ရှိပါတယ်။ ချီယာစေ့မှာပါဝင်တဲ့ အမျှင်ဓာတ်ဟာ သကြားဓာတ်စုပ်ယူနှုန်းကို ကျဆင်းစေတာကြောင့် သွေးတွင်းသကြားဓာတ်ကို ထိန်းညှိပေးနိုင်ပါတယ်။

ယခုဖော်ပြခဲ့တာတွေကတော့ ကိုယ်ဝန်ဆောင်ချိန်မှာ ချီယာစေ့ကို စားသုံးခြင်းအားဖြင့် ရရှိလာနိုင်တဲ့ အကျိုးကျေးဇူးတွေဖြစ်ပါတယ်။ ဒါပေမယ့် တန်ဆေးလွန်ဘေး ဆိုသလိုပါပဲ။ ချီယာစေ့ကို ပုံမှန်ထက်ပိုပြီး စားမိမယ်ဆိုရင်လည်း ဘေးထွက်ဆိုးကျိုးတွေ ရှိလာနိုင်ပါတယ်။ ဥပမာ ချီယာစေ့ အစားများသွားရင် ဝမ်းပျက်ခြင်း၊ အစာအိမ်အောင့်ခြင်း စတာတွေ ဖြစ်လာနိုင်ပါတယ်။ ဒါ့အပြင် ဓာတ်မတည့်ခြင်း၊ အခြားဆေးဝါးများနဲ့ ဓာတ်ပြုခြင်း စတဲ့ဖြစ်နိုင်ခြေတွေ ရှိပါတယ်။ ခြုံငုံပြီးပြောရမယ်ဆိုရင် ကိုယ်ဝန်ဆောင်ချိန်မှာ ချီယာစေ့ စားသုံးခြင်းဟာ အကျိုးရှိပါတယ်။ လိုတာထက် ပိုမစားမိစေဖို့တော့ ဂရုပြုရပါမယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အာပူရွက် ရဲ့ကျန်းမာရေး အာနိသင်

အာပူရွက် ကို Urtica dioica လို့ ခေါ်ပြီး လက်တင်စကားလုံး uro ကနေ ဆင်းသက်လာတာပါ။ ပူနွေးခြင်းလို့ အဓိပ္ပါယ်ရပါတယ်။ အကြောင်းက ထိရင်၊ စားမိရင် ပူနွေးစေလို့ပါပဲ။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံ ကို သက်သာစေလား။ အခါးဓာတ်ပါတဲ့အရာတွေက အစာခြေစနစ်ကို ကျန်းမာစေသလို ကိုယ်တွင်းအဆိပ်အတောက်တွေကို ဖယ်ရှားပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Omega-3 ချို့တဲ့ မှုရဲ့ သိသာထင်ရှားတဲ့ လက္ခဏာများ

Omega-3 fatty acids က လူ့ခန္ဓာကိုယ်အတွက် အရေးပါတဲ့ ဓာတ်တစ်မျိုးပါ။ဒီလောက်အရေးကြီးတဲ့ Omega-3 ချို့တဲ့ ပြီဆိုရင် ဘာတွေဖြစ်လာတတ်သလဲ သိကြပါသလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားဆိုတာ ဟိုဟာမတည့် ဒီဟာမတည့်နဲ့ဆိုတော့ စားရေးသောက်တာမှာ အင်မတန်ခက်ခဲတယ်။ ဒီလို သွေးတိုးသမားတွေ စားပေးရမယ့် အထူးအစားအစာလေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

လူကြီးတွေမှာ အစာစားချင်စိတ်ပျောက်

ဘိုးဘိုးဘွားဘွားတွေ အစာစားချင်စိတ်ပျောက်ဆုံး နေခဲ့ရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 21, 2021 . 2 mins read
ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 10, 2021 . 2 mins read
ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read