စားချဉ့်ရည်ပြန်တက်ခြင်း (GERD) မဖြစ်အောင် ထိန်းပါ။
GERDဆိုတာ အစာခြေရည်ပြန်ဆန်တက်ပြီး ရင်ပူခြင်းဖြစ်စေတဲ့ နာတာရှည်အစာခြေစနစ်ရောဂါတစ်မျိုးပါ။ သူ့ကြောင့် ပန်းနာရင်ကျပ်ကိုပိုဆိုးစေနိုင်ပါတယ်။ GERD ဖြစ်တတ်တယ်ဆိုရင် အိပ်တဲ့အခါ ခေါင်းအုံးကို မြှင့်ထားဖို့၊ အစားကို နည်းနည်းချင်းအကြိမ်ရေခွဲစားဖို့၊ အစာစားပြီး ၃ နာရီအတွင်း လှဲမအိပ်ဖို့၊ ရင်ပူစေမယ့် အစားအစာတွေကို ရှောင်ဖို့ သိထားသင့်ပါတယ်။
အရေးကြီးလက္ခဏာတွေကို သိထားသင့်တယ်။
ချောင်းဆိုးတာ၊ ရင်ထဲကျပ်နေတာ၊ အသက်ရှူုမဝတော့တာ၊ အသက်ရှူသံတရွှီရွှီမြည်လာတာလိုမျိုး ပန်းနာရင်ကျပ်ပိုဆိုးလာပြီဆိုတဲ့လက္ခဏာတွေကိုစောစောသိထားဖို့ အရေးကြီးပါတယ်။ လိုအပ်လာရင် ဆရာဝန်အမြန်ဆုံးပြနိုင်ဖို့လိုပါတယ်။ အိမ်မှာ ရင်ကျပ်လာလို့ ဆေးရှူပြီး သက်သာသွားရင်လည်း ကလေးကို စောင့်ကြည့်ပါ။ လှုပ်နေကျ အချိန်တွေမှာ မလှုပ်တော့ရင်၊ အလှုပ်နည်းသွားရင် ဆရာဝန်နဲ့ ချက်ချင်း (ညသန်းခေါင်ဖြစ်ပါစေ) သွားပြဖို့ လိုပါတယ်။
သုတေသနတချို့အရ ကိုယ်ဝန်ဆောင်ချိန်အတွင်း မိခင်က Omega – 3 fatty acids သောက်သုံးရင် မွေးလာတဲ့ကလေးမှာ ပန်းနာရင်ကျပ်ဖြစ်နိုင်ခြေ သိသိသာသာလျော့နည်းစေတယ်လို့ ဆိုကြပါတယ်။ Omega-3 ကိုသောက်ခြင်းအားဖြင့် ငါးသိပ်မစားတဲ့ မိခင်လောင်းတွေအတွက် လိုအပ်တဲ့ အာဟာရဓာတ်ကို ရရှိစေမှာဖြစ်ပါတယ်။
Omega-3က ကိုယ်ဝန်ဆောင်အားဆေးတွေမှာလည်း ပါတတ်ပါတယ်။ တကယ်လို့ မိခင်က အားဆေးသောက်ချင်တယ်ဆိုရင်တော့ ဆရာဝန်နဲ့ အရင်တိုင်ပင်ပြီးမှ သောက်သုံးသင့်ပါတယ်။
ရေးသားသူ− Dr Aye Myat Myat Noe
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။