ကယ်လ်ဆီယမ်၊ ပရိုတင်း၊ ဗီတာမင် B၊ ဇင့် နဲ့ အခြားသော အရိုးသန်မာစေတဲ့ ဓာတ်တွေပါဝင်နေပါတယ်။ ကိုယ်ဝန်ဆောင်ချိန်မျာ လိုအပ်တဲ့ ကယ်လ်ဆီယမ်ပမာဏကို အကောင်းဆုံးဖြည့်ပေးနိုင်ပြီး လမစေ့ဘဲ မွေးဖွားတာ၊ ပေါင်မပြည့်ဘဲ မွေးဖွားတာမျိုးမဖြစ်အောင် ကာကွယ်ပေးနိုင်ပါတယ်။
ဟင်းနုနွယ်၊ ကိုက်လန်၊ ပန်းဂေါ်ဖီစိမ်း၊ ကညွတ်တို့မှာ မရှိမဖြစ်လိုအပ်တဲ့ အာဟာရဓာတ်နဲ့ ဓာတ်တိုးဆန့်ကျင် အာနိသင်တွေပါဝင်နေပါတယ်။ မေမေကျန်းမာစေဖို့ရော ဘေဘီလေး ကောင်းမွန်စွာဖွံ့ဖြိုးစေဖို့ပါအကောင်းဆုံးထောက်ပံ့ပေးပါတယ်။ ကယ်လ်ဆီယမ်၊ ဗီတာမင် A၊ ပိုတက်ဆီယမ်၊ ဖောလိတ် နဲ့ အမျှင်ဓာတ်တို့ ကြွယ်ဝစွာပါဝင်နေပါတယ်။
ဆယ်လ်မွန်ငါး
Omega-3 fatty acids နဲ့ ပရိုတင်း (အသားဓါတ်) ကြွယ်ဝစွာပါဝင်နေတဲ့ စားစရာတစ်ခုပါ။ ဘေဘီလေးကြီးထွားစေဖို့ အကောင်းဆုံးထောက်ပံ့ပေးသလို ဘေဘီလေးရဲ့ ဦးနှောက် နဲ့ အမြင်အာရုံဖွံ့ဖြိုးစေဖို့ အကောင်းဆုံးထောက်ပံ့ပေးပါတယ်။ မာကျူရီပါဝင်မှုကိုတော့ သတိပြုဖို့လိုပါမယ်။
ဥအမျိုးမျိုး
ပရိုတင်း (အသားဓာတ်)၊ ဗီတာမင် A၊ ဗီတာမင် D တို့လိုမျိုး ဘေဘီလေးကြီးထွားဖွံ့ဖြိုးဖို့အတွက် မရှိမဖြစ်လိုအပ်တဲ့ ဓာတ်တွေပါဝင်နေပါတယ်။ ဖောလစ်အက်ဆစ်နဲ့သံဓာတ်ပါဝင်နေတာကြောင့် ရေမြွှာအိတ်အမြှေးပါးကိုသန်မာစေပြီး ဘေဘီလေးမှာ မွေးရာပါချို့ယွင်းချက်မဖြစ်အောင် ကာကွယ်ပေးနိုင်ပါတယ်။ ပေါင်မပြည့်ဘဲမွေးဖွားတာမျိုးမဖြစ်အောင် အကောင်းဆုံး ကာကွယ်ပေးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။