backup og meta

ကိုယ်ဝန်ဆောင်ချိန် ခြေလက်တွေဖောင်းနေခြင်းကိုပုံမှန်ပြန်ဖြစ်အောင် ဘယ်လိုလုပ်ရမလဲ။

မှ ဆေးပညာပိုင်းဆိုင်ရာ စစ်ဆေးထားပါသည်။ Dr. K Zin Thwe


Wathun Myat Chal မှ ရေးသားသည်။ · 21/09/2022 တွင် အသစ်ဖြည့်စွက်ခဲ့သည်။

    ကိုယ်ဝန်ဆောင်ချိန် ခြေလက်တွေဖောင်းနေခြင်းကိုပုံမှန်ပြန်ဖြစ်အောင် ဘယ်လိုလုပ်ရမလဲ။

    ခြေထောက်တွေ ဘာကြောင့်ဖောင်းနေတာလဲ။ ဒါကို ပုံမှန်ပြန်ဖြစ်သွားအောင် ဘယ်လိုလုပ်ရမလဲ။

    သင်ကိုယ်ဝန်ဆောင်တဲ့ကာလ ဒုတိယမြောက် ၃လမှာ ခြေထောက်တွေရောင်လာတာကြောင့် ဖိနပ်တွေကလည်း အနည်းငယ်ကြပ်လာတယ်လို့ စပြီးခံစားရလာပါလိမ့်မယ်။ ဒါကအဆင်မပြေဖြစ်စေနိုင်ပေမယ့် အရောင်ကျသွားအောင်လုပ်ဖို့နဲ့ ပိုပြီးနေလို့ကောင်းအောင် လုပ်လို့ရနိုင်မယ့် နည်းလမ်းတွေတော့ရှိပါတယ်။

    ကိုယ်ဝန်ဆောင်နေစဉ်မှာ ခြေချင်းဝတ်တွေနဲ့ ခြေဖမိုးတွေဘာကြောင့် အရမ်းကြီး ရောင်ကိုင်းနေရတာလဲ။

    သင်ခံစားနေရတာကို edema လို့ခေါ်ပါတယ်။ ဒါဟာ သင့်ရဲ့တစ်သျှူးတွေထဲမှာ အရည်ပိုတွေ စုမိလာတဲ့အချိန်မှာဖြစ်တတ်ပါတယ်။ ကိုယ်ဝန်ဆောင်အမျိုးသမီး ၄ပုံ၃ပုံလောက်မှာ ကိုယ်ဝန်ပတ် ၂၂ပတ်ကနေပြီး ၂၇ပတ်လောက်ထိ Edemaဖြစ်တတ်ပါတယ်။ ကိုယ်ဝန်ဆောင်ကာလ တတိယ၃လထဲဝင်လာတဲ့အခါမှာ သင့်မှာ amniotic fluid တွေပိုနေရင် သို့မဟုတ် အမြွှာကိုယ်ဝန်ဆောင်ထားရင် edema က ပိုဆိုးလာနိုင်ပါတယ်။ နေ့ဘက်တွေ အဆုံးသတ်ချိန်နဲ့ နွေရာသီတွေမှာ ပိုပြီးရောင်လာနိုင်ပါတယ်။ မွေးပြီးချိန်မှာတော့ ခြေထောက်ရောင်တာတွေ ကျသွားပါလိမ့်မယ်။

    ဒီလိုရောင်ယမ်းခြင်းအားလုံးဟာ သင့်ခန္ဓါကိုယ်က အရည်တွေကိုစုဆောင်းပြီး သင်နဲ့သင့်ကလေးကိုထောက်ပံ့ပေးနေရတာကြောင့်ဖြစ်ရတာပါ။ ဒီအရည်တွေဟာ သင့်ရဲ့ဆဲလ်တွေထဲမှာနေပြီး သွေးစီးဆင်းမှုကို တိုးမြင့်စေပါတယ်။ ဒါတွေက ခြေချင်းဝတ်တွေနဲ့ ခြေထောက်တွေလက်တွေကို ပိုပြီးရောင်ယမ်းလာစေပါတယ်။

    ဒါ့အပြင် သင့်ရဲ့သားအိမ်မှာ သွေးကြောတွေကို ခြေထောက်ဆီဦးတည်သွားအောင် ဖိအားပေးနေပါတယ်။ သွေးကြောတွေကျဉ်းလာတာနဲ့အမျှ ခြေထောက်တွေမှာသွေးတွေအိုင်လာ စုလာပြီး ဒါကခြေထောက်ရောင်ခြင်းကိုဖြစ်ပေါ်စေပါတယ်။

    ကိုယ်ဝန်ဆောင်နေစဉ်မှာ ယောင်ယမ်းတာတွေလျော့ကျသွားဖို့ ဘာတွေလုပ်နိုင်သလဲ။

    ကိုယ်ဝန်ဆောင်စဉ်မှာ ရောင်ယမ်းခြင်းကိုခံစားနေရတာက သဘာဝပါပဲ။ ဒါပေမယ့် ဒါကသင့်ကို မသက်မသာဖြစ်စေတယ်ဆိုရင် သင်စမ်းကြည့်နိုင်တဲ့အချက်တွေကို ဖော်ပြပေးထားပါတယ်။

    • ခြေထောက်မှာသွေးတွေစုမနေအောင် ဘေးစောင်းလှဲပါ။

    • တတ်နိုင်သလောက် ခြေထောက်ကိုမြှောက်ထားပါ။ ဥပမာ- အိပ်ရာပေါ်မှာလှဲနေရင်တောင် ခြေထောက်အောက်မှာကူရှင်တွေခံပေးပါ။ သို့မဟုတ် အလုပ်စားပွဲအောက်မှာ ခုံအသေးလေးထားပေးပါ။

    • ရောင်နေတဲ့ခြေထောက်နဲ့ ကွက်တိလောက်ဆန့်နိုင်ပြီး သက်တောင့်သက်သာရှိစေမယ့် ဖိနပ်ကိုစီးပါ။ တင်းကြပ်မာကြောတာတွေနဲ့ ခြေထောက်ကို ဖိထားနိုင်မယ့်ဖိနပ်မျိုးမစီးပါနဲ့။

    • ထိုင်နေချိန်မှာ ခြေထောက်ချိတ်မထိုင်ပါနဲ့။

    • အကြာကြီးမတ်တပ်ရပ်တာမျိုးမလုပ်ပါနဲ့။ လမ်းခဏလျှောက်ခြင်းကို မကြာမကြာလုပ်ပေးခြင်းက သင့်ခန္ဓါကိုယ်အောက်ပိုင်းမှာသွေးတွေစုလာခြင်းမှ ကာကွယ်ပေးနိုင်ပါတယ်။

    • ခြေသလုံးသို့မဟုတ် ခြေချင်းဝတ်တစ်ဝိုက်မှာ တင်းကြပ်နေစေမယ့် အစည်းရှိနေတဲ့ ခြေအိတ်တွေ stockingတွေကိုမဝတ်ပါနဲ့။ နံနက်ခင်းအိပ်ရာထဲကထမလာခင်မှာ ဝတ်လိုက်တာက သွေးတွေဟာ ခြေချင်းဝတ်နားမှာစုလာဖို့အတွက် အခွင့်အလမ်းမရှိတော့ပါဘူး။

    • ရေများများသောက်ပါ။ အံ့သြစရာပါပဲ။ ဒီလိုရေသောက်လိုက်တာက ခန္ဓါကိုယ်ထဲမှာရေတွေစုဆောင်းထားခြင်းကိုသက်သာစေပါတယ်။

    • လမ်းလျှောက်ခြင်း သို့မဟုတ် လေ့ကျင့်ခန်းသုံးစက်ဘီးစီးခြင်းစတာတွေကို ပုံမှန်လေ့ကျင့်ပါ။ ရေကူးခြင်းနဲ့ water aerobics အတန်းတွေက ခြေထောက်ရောင်တာအတွက်ကောင်းပါတယ်။ ရေကနူးညံ့ပြိး ရောင်ယမ်းခြင်းကိုလျော့ကျစေတယ်လေ။ အထူးသဖြင့် ရေလယ်ဗယ်က သင့်ပုခုံးနားရှိနေရင် ပိုကောင်းပါတယ်။

    • ထိုင်ခုံကနေမထလာချင်တာမျိုးဖြစ်နေရင် ခြေထောက်ကို ကွေးလိုက်ဆန့်လိုက်လုပ်တာ အပေါ်အောက်ရွှေ့တာနဲ့ ခြေဖဝါးလှည့်နေတာမျိုးလုပ်လို့ရပါတယ်။

    ကောင်းကောင်းစားပါ။ Junk food တွေကိုရှောင်ပါ။ သဘာဝအတိုင်း ဗီတာမင် စီနဲ့ အီး ပြည့်ဝစွာပါဝင်တဲ့ အစာတွေကို စားသုံးပါ။ ဗီတာမင်စီအရင်းအမြစ်ပါဝင်တဲ့ စားစရာတွေကတော့ : citrus fruits တွေ၊ အနီရောင်နဲ့ အစိမ်းရောင်ငရုတ်ကောင်းတွေ၊ ဖရဲသီး၊ အာလူး၊ ခရမ်းချဉ်သီး၊ စတော်ဘယ်ရီ၊ ဂေါ်ဖီနဲ့ ပန်းပွင့် စတာတွေဖြစ်ပါတယ်။

    ဗီတာမင်အီးပြည့်ဝစွာပါဝင်တဲ့ အစားအစာတွေကတော့ ဟင်းရွက်ဆီတွေ (အထူးသဖြင့် ပြောင်းဖူး၊ ပဲနဲ့ wheat germ oilတွေ)၊ နေကြာစေ့၊ wheat germ၊ သကြားပြောင်း၊ သီဟိုဠ်သီးနဲ့ ဗာဒံသီးတွေပါ။

    ခြေထောက်ရောင်နေတာအတွက် သိပ်လည်းမစိုးရိမ်ပါနဲ့။ မွေးပြီးတာနဲ့ edema ကလည်း အလိုလိုပျောက်သွားမှာပါ။

    Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ ဆေးပညာပိုင်းဆိုင်ရာ စစ်ဆေးထားပါသည်။

    Dr. K Zin Thwe


    Wathun Myat Chal မှ ရေးသားသည်။ · 21/09/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement