သားအိမ်ခေါင်း ပုံစံမမှန်ခြင်း သားအိမ်ခေါင်းဆိုတာက သားအိမ်ထိပ်ဝမှာ ရှိတဲ့ ပြွန်ပုံစံလေး ဖြစ်ပါတယ်။ ပုံမှန်အတိုင်းဆိုရင် ကလေး ဗိုက်ထဲမှာ ရှိနေချိန်မှာ သားအိမ်ခေါင်းက မပွင့်ဘဲ စေ့နေရပါမယ်။ သားအိမ်ခေါင်းမလုံတဲ့ သူတွေမှာ သားအိမ်ခေါင်းရှိ တစ်သျူးများ အားနည်းတာကြောင့် ပွင့်ကျပြီး ကလေးပျက်ကျခြင်း၊ အသေမွေးခြင်း၊ လမစေ့ဘဲမွေးခြင်းများ ဖြစ်တတ်ပါတယ်။
ချက်ကြိုးဆိုတာက အချင်းနဲ့ ကလေးကြားမှာ ဆက်ထားတဲ့ သွေးကြောလို ကြိုးလေးပါ။ ချက်ကြိုးဖြတ်ပြီးရင် ကလေးမှာ ချက်အနေနဲ့ ကျန်ခဲ့ပါတယ်။ ကလေးမမွေးခင် ချက်ကြိုးက မွေးလမ်းကြောင်းထဲကို ကျွံကျနေမယ်ဆိုရင် ကလေးနဲ့ပိပြီး သွေးကြောပိတ်သလို ဖြစ်နေတတ်ပါတယ်။ ဒါကြောင့် ကလေးဆီကို လိုအပ်တဲ့ အာဟာရနဲ့ အောက်ဆီဂျင်တွေ မရောက်တော့လို့ အန္တရာယ်ရှိပါတယ်။
နောက်တစ်မျိုးက ကလေးမှာ ချက်ကြိုးပတ်နေတာပါ။ ကလေးရဲ့ လည်ပင်းမှာ ချက်ကြိုးပတ်နေမယ်ဆိုရင်လည်း လည်ပင်းအစ်ပြီး ကလေးအသေ မွေးခြင်း ဖြစ်တတ်ပါတယ်။
- Intrahepatic cholestasis လို့ခေါ်တဲ့ အသည်းရောဂါရှိနေတာ
ဒါက ကိုယ်ဝန်ဆောင်ချိန်မှာ ဖြစ်တတ်တဲ့ အသည်းရောဂါပါ။ သွေးထဲမှာ သည်းခြေဆားတွေ များလာတဲ့အတွက် ကိုယ်ဝန်ဆောင်အမေမှာ အသားယားတာတွေ ဖြစ်တတ်ပါတယ်။ အဲ့တာထက် ပိုဆိုးတာက ကလေး အသေ မွေးခြင်း ဖြစ်တတ်တာပါ။
- ကလေးမှာ မွေးရာပါ ချို့ယွင်းချက် ရှိနေတာ
မွေးရာပါ ချို့ယွင်းချက်ကြောင့် ကလေးက အသက်ဆက်ရှင်ဖို့ မဖြစ်နိုင်တော့ဘဲ ဗိုက်ထဲမှာတင် ဆုံးသွားတာဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။