သင့်ကလေးက ထပ်ဆော့ချင်သေးလို့၊မအိပ်ချင်သေးလို့ ဂျီကျနေတဲ့ အချိန်မျိုးဆိုရင်ရော တည်တည်ငြိမ်ငြိမ် ရင်ဆိုင်ရမှာပဲလား။ ဒါ ပြောရနည်းနည်းတော့ ခက်ပါတယ်။ ဘယ်မိဘမဆို ဒီလိုအနေအထားမျိုးမှာ စိတ်မဆိုးတောင် ကျွဲမြီးတော့ တိုချင်နေပါပြီ။ ကိုယ့်ဒေါသကို ကလေးက မီးထိုးပေးတာမျိုးမဖြစ်ရလေအောင် ရှောင်ရှားထိန်းချုပ်ရတဲ့ အပိုင်းဟာ မိဘတယောက်အတွက် အခက်ခဲဆုံးသော အခြေအနေ ဖြစ်ပါတယ်။ ကလေးတွေ ဂျီကျလွန်းမက ဂျီကျလာပြီဆိုရင် ကျွန်တော်တို့တွေ အနေနဲ့
အတော်ကို ဒေါသထွက်လာပါပြီ။ ဘာလို့လဲဆိုတော့ တခြားလုပ်စရာတွေ တပုံတပင်လည်း ရှိနေသေးတယ်။ ဒီကြားထဲ ကလေးကလည်း အော်ဟစ်ငိုယို ဂျီကျနေပြန်တော့ သင့်အနေနဲ့ ကလေးငြိမ်သွား၊တိတ်သွားအောင် ဘယ်နည်းနဲ့မဆို လုပ်ပစ်ချင်စိတ်တွေ ပေါက်လာပါပြီ။ ဥပမာ ပြန်ပြီး အော်ဟစ်ပစ်မယ်၊အော်ဆူမယ်၊အိမ်အပြင်ထုတ်ပစ်မယ်ဆိုပြီး ခြိမ်းခြောက်မယ် အစရှိသဖြင့်ပေါ့။ တကယ်တမ်းတော့ ဒါဟာ အကြောက်တရားကိုပဲ ဖြစ်ပေါ်စေပြီး ကလေးအတွက် ဘယ်နည်းနဲ့မှ မကောင်းနိုင်ပါဘူး။ ကြောက်လို့ စကားနားထောင်တာမျိုးထက် နားလည်သဘောပေါက်လို့ နားထောင်တာမျိုးပဲ ဖြစ်စေချင်ပါလိမ့်မယ်။ ဟုတ်တယ်မလား။ ဒါကြောင့် သင့်အနေနဲ့ လုပ်သင့်တာက ကလေးကို နားလည်အောင် ပြောပြဖို့ပဲ ဖြစ်ပါတယ်။ ဒီလို ဂျီကျနေရင် ဘာမှမလုပ်ပေးဖူး၊ဘာစကားမှ မပြောဖူး၊အငိုတိတ်ပြီး ကောင်းကောင်းနေမှ ဘာလိုချင်လဲဆိုတာ မေးမယ် စသဖြင့် ဆုံးမရပါမယ်။ ဒါပြောပြီးတာနဲ့ သူ့နားက ချက်ချင်းထွက်သွားပါ။
သင်ဘယ်လောက် စိတ်ဆိုးနေတယ်ဆိုတာကို နားလည်ဖို့ ကလေးတွေအတွက် အချိန်အတော်ကြာကြာ ယူရပါမယ်။ ဒါပေမယ့် ဒီလိုမျိုး လေ့ကျင့်ပေးခြင်းအားဖြင့် ကလေးအနေနဲ့ အငြင်းပွားမှုတခုကို ဘယ်လိုသဘောတူညီချက်ရယူ ဖြေရှင်းရမလဲဆိုတာ သဘောပေါက်စေမှာ ဖြစ်ပြီး ဒါဟာ ကောင်းတဲ့ ကိစ္စတခုပဲ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။