ကလေးအား ဆရာဆရာမများနှင့် ဆက်ဆံပုံများကို သွန်သင်ပေးခြင်း

ကျောင်းတက်ရခြင်းသည် ကလေးများအတွက် ပျော်ရွှင်နေရသည်ချည်း မဟုတ်ပါ။ ကလေး နှင့် ဆရာများကြား ပြဿနာများ ခဏခဏ ဖြစ်တတ်ကြောင်း သင်မြင်ဖူးပါလိမ့်မည်။ ထိုကဲ့သို့ အခြေအနေမျိုးမှာဆို ဘယ်လို ကိုင်တွယ်ကြမလဲ။ ဒီတစ်ခေါက်တော့ မိဘတွေ ကြုံနေရတဲ့ ဒီပြဿနာကို ဖြေရှင်းနိုင်စေဖို့အတွက် ကလေးအား ဆရာဆရာမများနှင့် ဆက်ဆံပုံများကို သွန်သင်ပေးခြင်း အကြောင်းလေး ပြောပြပေးချင်ပါတယ်။

ကလေးအား ဆရာဆရာမများနှင့် ဆက်ဆံပုံများကို သွန်သင်ပေးခြင်း

ကလေးအား ဆရာဆရာမများနှင့် ဆက်ဆံပုံများကို သွန်သင်ပေးခြင်းမှာ ဒီအဆင့်လေးတွေအတိုင်း လုပ်ဆောင်ပေးလို့ ရပါတယ်။

အဆင့် ၁။ အမှန်ကိုသိအောင်လုပ်ပါ

သင့် ကလေးက အိမ်ပြန်ရောက်ရောက်ချင်း “မေမေ သားကို ဆရာက ဆူတယ်” ဟု ပြောပါလျှင် ထိုစကားကို ဖြစ်နိုင်သည့်ရှု့ထောင့်မျိုးစုံမှ သင်ဆန်းစစ်ဖို့ လိုပါသည်။ ထိုသို့လုပ်ခြင်းအား ကလေး၏ စကားကို အထုပ်ဖြေခြင်းဟု ခေါ်သည်။ မေးခွန်းများကို မေးပြီး အချက်အလက်များ ပိုရရှိစေရန် ကြိုးစားပါ။ “ဆရာက ဘာတွေပြောလိုက်တာလဲ” “သူငယ်ချင်းတွေကရော ဆူနေတုန်း ဘယ်လိုတွေ လုပ်ပြကြလဲ” တစ်ခါတစ်ရံ ကလေးက ချဲ့ကားပြောတတ်သည်ကို သတိပြုပါ။

“ဆူသည်” ဆိုသည်မှာ ဒီနေရာတွင် “အိမ်စာမလုပ်ခဲ့လို့” ဆိုတာမျိုး ဖြစ်နိုင်ပါသည်။ အကယ်၍ထိုသို့ဖြစ်နေပါက ဆရာက စေတနာဖြင့် ပြောဆိုကြောင်းကို ရှင်းပြရမည်မှာ သင့်တာဝန်ဖြစ်ပါသည်။ ထို့ကြောင့် အရေးကြီးဆုံး ဗျူဟာမှာ ကလေး ပြောသည်၏ နောက်ကွယ်က အကြောင်းကို ကောင်းကောင်းသိရှိဖို့ရန်ပင် ဖြစ်သည်။

အဆင့် ၂: ကလေးအတွက် အတွင်းရေးမှူးလုပ်ပါ

ဆရာနှင့် နောက်တွေ့သည့်အခါ ပြောပြရန်အတွက် သူပြောသမျှကို ချရေးထားကြောင်း ကလေးကို ပြောပါ။ ထိုသို့ ပြုလုပ်ခြင်းကြောင့် – ကလေးသည် သူပြောသမျှကို သင်ဂရုစိုက်ကြောင်း၊ သူတို့ခံစားချက်တွေကို နားလည်ကြောင်း သိရှိသွားပါလိမ့်မည်။ သင်က မှတ်တမ်းတင်သူသာ ဖြစ်ပြီး ပြဿနာကို ဝင်ရောက်ဖြေရှင်းပေးရမည်သူ မဟုတ်ပါ။ ကလေးများက ကိုယ်တိုင်ကိုင်တွယ်နိုင်မည့် အရွယ်ဆိုပါက ပြဿနာကို ရင်ဆိုင်နိုင်မည့် အကြံများကို ပြုပေးပါ။

အတန်းချိန်ပြီးနောက် ဆရာနှင့် သွားတွေ့ပြီး ကိုယ့်ဖက်က အကြောင်းကို သွားပြောရန် အားပေးပါ။ တစ်ခါတစ်ရံ ဆရာဆရာမများက သူတို့ လုပ်ရပ်သည် ကလေး အပေါ် စိတ်မသက်မသာဖြစ်စေကြောင်း သဘောပေါက်ချင်မှ ပေါက်ပါလိမ့်မည်။

အဆင့် ၃: သံတမန်တစ်ယောက်လို ဆောင်ရွက်ပါ။

အကယ်၍သင်က ဆရာနှင့် ပြောဆိုဆွေးနွေးလိုသည် ဆိုပါက ကြိုတင်ချိန်းဆိုပေးပါ။ အကူအညီပေးရန် လာသည့် မိဘဖြစ်ရပါမည်။ စကားအသုံးအနှုန်းက အရေးကြီး၏။ နှစ်ဦးနှစ်ဖက် မျှတပါ။ ဆရာနှင့်တွေ့ချိန်သည် ကလေး ပြောသည်ကို ပြန်ပြောင်းဆွေးနွေးရမည့် အချိန် ဖြစ်သောကြောင့် တတ်နိုင်သလောက် ယဉ်ယဉ်ကျေးကျေး ဆွေးနွေးပါ။ ဘာပဲဖြစ်လာပါစေ ရိုးသားကြောင်း ပြပါ။ သင့်ဖက်က သြဇာညောင်းသူဖြစ်ပါစေ ဆရာအတွက် စိတ်ညစ်စရာဖြစ်နိုင်ပါသည်။

ဆရာတစ်ချို့သည် အလုပ်၊ လစာ၊ မိသားစုရေးရာတို့မှ စိတ်ဖိစီးရသောကြောင့် အကဲဆတ်နိုင်ပါသည်။ သင်ဖက်က ဆရာတို့ကို အပြစ်တင်သည် မဟုတ်ကြောင်း သိပါစေ။ အကောင်ဆုံးအနေဖြင့် ဆရာရော သင်ရော နှစ်ဦးနှစ်ဖက်နားလည်မှ အကောင်းဆုံးဖြေရှင်းချက်ကို ရရှိမည်ဖြစ်သည်။

အဆင့် ၄: ကာကွယ်သူတစ်ယောက်လို ဆောင်ရွက်ပါ

ဆရာဖက်မှ ကလေးကို အညိုးထားနေလျှင် အထူးသဖြင့် သင့်ဖက်က သွားရောက်ဆွေးနွေးပြီးနောက် အညိုးထားနေပါက ကျောင်းအုပ်နှင့် သွားတွေ့ပါ။ ကလေးအတွက် ကာကွယ်ပေးရမည့် အချိန်ဖြစ်ပါသည်။ အဆိုးဝါးဆုံး အခြေအနေ ဖြစ်လာပါက ကလေးကို အတန်းပြောင်းပေးဖို့ တောင်းဆိုရပါမည်။