အသက်၉နှစ်နဲ့ ၄၅နှစ်ကြား (နိုင်ငံအလိုက် အသက်ကွာခြားမှုရှိသည်။) သွေးလွန်တုပ်ကွေးအနည်းဆုံးတစ်ခေါက် ဖြစ်ဖူးတဲ့သူ ဖြစ်ရပါမယ်။ ပါးစပ်ပြောနဲ့ သွေးလွန်တုပ်ကွေးဖြစ်ဖူးတယ်လို့ ပြောလို့မရပါဘူး။ သွေးစစ်ကြည့်ပြီး အရင်က ဖြစ်ဖူးတဲ့ လက္ခဏာရှိမှ ထိုးပေးလို့ရမှာပါ။ ထုတ်လုပ်တဲ့ ကုမ္ပဏီကိုယ်တိုင်က သွေးလွန်တုပ်ကွေးတစ်ခါမှ မဖြစ်ဘူးတဲ့ ကလေးတွေမှာ ကာကွယ်ဆေးထိုးမိရင် မတော်တဆ ကာကွယ်ဆေးထိုးပြီးမှ သွေးလွန်တုပ်ကွေးဗိုင်းရပ်စ် ဝင်လာခဲ့ရင် ပြင်းထန်တဲ့ သွေးလွန်တုပ်ကွေး ဖြစ်လာနိုင်တယ်လို့ ဆိုပါတယ်။ ဒါကြောင့် တစ်ခါမှ မဖြစ်ဘူးတဲ့သူတွေမှာ မထိုးသင့်ပါဘူး။ ဖြစ်ဖူးလား မဖြစ်ဖူးလားကလည်း သွေးစစ်ကြည့်မှ သိနိုင်တာပါ။
QDENGA
ဂျပန်နိုင်ငံ Takeda ကုပ္မဏီက ထုတ်လုပ်တာ ဖြစ်ပါတယ်။ အားပျော့တဲ့ ပိုးကနေ ထုတ်လုပ်ထားတဲ့ ကာကွယ်ဆေးဖြစ်ပြီး သွေးလွန်တုပ်ကွေးဗိုင်းရပ်စ် ၄မျိုးလုံးကို ကာကွယ်နိုင်ပါတယ်။ ထိုးဆေးအမျိုးအစားဖြစ်ပြီး ၀-၃လဆိုပြီး ၂ကြိမ် ထိုးရပါတယ်။ အသက် ၄နှစ်ကနေ စပြီး ထိုးနိုင်ပါတယ်။ WHOကတော့ အသက် ၆နှစ်နဲ့ ၁၆နှစ်ကြား သွေးလွန်တုပ်ကွေး အဖြစ်များတဲ့ နေရာတွေမှာ ထိုးသင့်တယ်လို့ အကြံပြုထားပါတယ်။
အားသာချက်ကတော့ Dengvaxiaလို သွေးလွန်တုပ်ကွေးဖြစ်ဖူးမှ ထိုးလို့ရတာ မဟုတ်ပါ။ ဖြစ်ဖူးသည်ဖြစ်စေ၊ မဖြစ်ဖူးသည်ဖြစ်စေ ထိုးလို့ ရပါတယ်။ လေ့လာချက်တွေအရ သွေးလွန်တုပ်ကွေး ဖြစ်တာကို ၈၀%ထိ လျှော့ချနိုုင်ပြီး သွေးလွန်တုပ်ကွေးကြောင့် ဆေးရုံတက်ရတာကို ၉၀%ထိ လျှော့ချနိုင်တယ်လို့ ဆိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။