ကလေးက နှာတချေချေဖြစ်နေသလား၊ အသက်ရှူသံတရွှီရွှီဖြစ်နေသလား၊ အသားတွေယားယံနေတဲ့ပုံ တွေ့ရသလား။ အရေပြားဓာတ်မတည့်မှု ကြောင့် ဖြစ်နိုင်ပါတယ်နော်။
ကလေးက နှာတချေချေဖြစ်နေသလား၊ အသက်ရှူသံတရွှီရွှီဖြစ်နေသလား၊ အသားတွေယားယံနေတဲ့ပုံ တွေ့ရသလား။ အရေပြားဓာတ်မတည့်မှု ကြောင့် ဖြစ်နိုင်ပါတယ်နော်။
ဓာတ်မတည့်မှုတွေဟာ ကလေးတွေကို ဒီလိုလက္ခဏာတွေဖြစ်စေရုံတင်မကပါဘူး။ အရေပြားမှာလည်း လက္ခဏာအမျိုးမျိုးပြလာစေနိုင်ပါတယ်။ ဆရာဝန်တွေကချက်ချင်းတော့ အရေပြားပြဿနာဖြစ်ရတဲ့အကြောင်းရင်းကို တပ်အပ်မဆုံးဖြတ်ပေးနိုင်ပါဘူး။ ဓါတ်မတည့်မှု ဖြစ်တဲ့အခါ ကလေးအရေပြားမှာ အရင်ဆုံးတွေ့ရမှာက မျက်နှာ သို့မဟုတ် ဦးရေပြားပေါ်က အနီကွက်တွေ၊ အနီစက်တွေပဲဖြစ်ပါတယ်။ နောက်မှ လက်နဲ့ ခန္ဓါကိုယ်ကို ပျံ့နှံ့လာပါတယ်။ အရေပြားမှာခြောက်သွေ့၊ယားယံနေတာကြောင့် ကလေးတွေအနေခက်လာတာပဲဖြစ်ပါတယ်။ ကလေးငယ်တွေမှာတွေ့ရတဲ့ ဓါတ်မတည့်မှုလက္ခဏာတွေက –
ကလေးကို ဓါတ်မတည့်မှုဖြစ်စေတာက အမျိုးမျိးရှိနိုင်ပါတယ်( ဥပမာ – ပန်းဝတ်မှုန်ကြောင့်၊ ဖုန်မှုန့်တွေကြောင့်)။ ပြီးတော့ ဓါတ်မတည့်မှုဆိုတာ အချိန်မရွေး နေရာမရွေးမှာ ဖြစ်လာနိုင်တဲ့အခြေအနေတွေပါ။ ဒီတော့ ကလေးမှာ အထက်ပါလက္ခဏာတွေတွေ့လာပြီဆိုရင် ဆရာဝန်ညွှန်ကြားချက်အပြင် သူနေရသက်သာအောင်ဒီအချက်လေးတွေအတိုင်းပြုစုပေးတာကောင်းပါလိမ့်မယ်။
ကလေးငယ်လေးတွေမှာ သွားရည်က အရေပြားပြဿနာဖြစ်စေတဲ့အကြောင်းရင်းတစ်ခုဖြစ်နိုင်ပါတယ်။
ကလေးရဲ့အသားအရေကိုထိတွေ့တဲ့အခါ ညင်သာပါ။ အရောင်ဆိုးဆေးနဲ့အနံ့ကင်းတဲ့ ဆပ်ပြာတွေကိုပဲသုံးပါ။ အပျော့စားဖြစ်တဲ့ကလေးဆပ်ပြာတွေမဟုတ်ဘဲ ရိုးရိုးဆပ်ပြာဆိုရင် ကလေးအရေပြားကိုခြောက်သွေ့စေပြီး အရေပြားအပေါ်ယံအကာအကွယ်အလွှာကို ထိခိုက်စေနိုင်ပါတယ်။
ကလေးငယ်အများစုဟာ ယားလာရင် မကုတ်ဘဲမနေနိုင်ပါဘူး။ ယားတာလည်းမပျောက်ဘဲ ကုတ်ရင်း ကုတ်ရင်းနဲ့ အရေပြားမှာသာပေါက်ပြဲပြီး ပိုးဝင်ဖို့အလားအလာများပါတယ်။ ဒါ့ကြောင့် ကလေးရဲ့လက်သည်းကို သပ်သပ်ရပ်ရပ်တိပေးထားမယ်ဆိုရင် ကလေးက ကုတ်လည်း သိပ်မထိခိုက်စေနိုင်တော့ပါဘူး။
ကြက်သီးနွေးရေကိုသာသုံးပါ။ သိပ်မပူပါစေနဲ့။ရေချိုးဆပ်ပြာ သိပ်မများပါစေနဲ့။ရေချိုးချိန်ကို ၃ မိနစ်ကနေ ၅ မိနစ်အတွင်းပဲ ချိုးပေးပါ။ရေချိုးချိန်ကြာရင် အသားကိုပိုခြောက်သွေ့စေနိုင်ပါတယ်။
ရေချိုးပြီးရင် တဘက်နုနုနဲ့ အသာအယာတို့သုတ်ပြီး ကလေးရဲ့အသားအရေကို အစိုဓါတ်ထိန်းပေးမယ့် baby oil တစ်ခုခုလိမ်းပေးပါ။
အသားကြမ်းတဲ့အဝတ်အထည်တွေက ကလေးကိုပိုယားယံစေနိုင်တာကြောင့် ချည်သားနုနု အဝတ်အထည်တွေကို ဝတ်ဆင်ပေးပါ။
ပြည်တည်တာ၊ အရမ်းနီရဲလာတာ၊ အနာဖြစ်လာတာ၊ အရေပြားအဖတ်တွေလန်လာတာ လိုမျိုး ကလေးမှာ အရေပြားပိုးဝင်တဲ့လက္ခဏာတွေတွေ့ရရင် ဆရာဝန်ချက်ချင်းပြပါ။
Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။