သင့်ကလေးကို ဆိုရှယ်လ်မီဒီယာရဲ့နောက်ကွယ်က အန္တရာယ်တွေအကြောင်း သင်ပေးသင့်ပါတယ်။ ဘာကြောင့် သူမရဲ့ အတွင်းရေးတွေ၊ ကိုယ်ရေးကိုယ်တာတွေကို အွန်လိုင်းမှာ မပြောဖို့နဲ့ ဘယ်လောက်ပဲ ကောင်းတယ်လို့ထင်ရပါစေ ဘာကြောင့် မယုံကြည်သင့်ဘူးဆိုတဲ့ အကြောင်းတွေကို သေချာသင်ပေးပါ။ သင့်ကလေးက အခြေခံ အွန်လိုင်းလုံခြုံရေးနည်းလမ်းတွေကို သိထားသင့်ပါတယ်။ ဥပမာ – ဘာမှန်းမသိတဲ့ ဖိုင်တွေကို ဗိုင်းရပ်စ်ပါမပါမစစ်ဆေးဘဲ ဖွင့်မိတာမျိုး မလုပ်မိအောင် စသဖြင့်ပေါ့။
၂။ သူ့ကိုယ်သူ ကာကွယ်ဖို့ သင်ကြားပါ။
လူကုန်ကူးမှုဆိုတာ ဘာလဲဆိုတဲ့အကြောင်း သင်ယူပြီးတဲ့နောက်မှာ သင့်သမီးဟာ ဘယ်လို အန္တရာယ်ရှိတဲ့ အခြေအနေမျိုးမှာမှ မပါဝင်မပတ်သက်မိအောင် ဘယ်လို ရှောင်ရှားရမယ်ဆိုတာ သင်သင့်ပါတယ်။ လူထူထပ်တဲ့နေရာတွေမှာဆိုရင် အုပ်စုနဲ့သာ နေသင့်ကြောင်း အကြံပေးပါ။ အန္တရာယ်ကောင်တွေဟာ တစ်ဦးတည်းနေတဲ့သူတွေကို ပစ်မှတ်ထားလေ့ရှိပါတယ်။
သူစိမ်းတစ်ယောက်နဲ့စကားပြောတဲ့အခါ သူပေးသမျှမယူဖို့၊ ကျွေးသမျှ မစားဖို့နဲ့ စားပွဲပေါ်က ခဏထပြီး ပြန်ထိုင်တဲ့အချိန်မှာ စောစောကထားသွားခဲ့တဲ့ သောက်စရာကို ဆက်ပြီးမသောက်ဖို့တွေ ပြောပြသင်ကြားထားသင့်ပါတယ်။ ဒါဟာ လူကုန်ကူးသူတွေရဲ့ အသုံးအများဆုံး နည်းလမ်းတစ်ခုပါပဲ။ သောက်စရာတွေထဲကို “roofie” လို့ခေါ်တဲ့ အသိစိတ်ကင်းလွတ်သွားစေတဲ့ အရည်တစ်မျိုးကို ပစ်မှတ်သတိမထားမိတဲ့အချိန်ထည့်လိုက်တာပါ။
အရေးအကြီးဆုံးကတော့ သူမဟာ ဘယ်သူနဲ့မဆို နှစ်ယောက်တည်းတွေ့ဖို့ ငြင်းဆန်ဖို့ပါပဲ။ တကယ်လို့များ နှောက်ယှက်မှု တစ်စုံတစ်ခုနဲ့ တွေ့ခဲ့မယ်ဆိုရင် တာဝန်ရှိသူတွေနဲ့ ချက်ချင်းဆက်သွယ်ဖို့က အရေးကြီးပါတယ်။ သူတို့ခိုင်းသမျှအတိုင်း လိုက်လုပ်နေမယ့်အစားပေါ့။
သင်တို့နှစ်ယောက်လုံးအတွက် လျှို့ဝှက်စကားလုံးထားထားဖို့လိုအပ်တယ်လို့လည်း အထူးအကြံပြုထားပါတယ်။ အရေးပေါ်ကိစ္စတွေမှာ သုံးရမယ့် သင်္ကေတ ဒါမှမဟုတ် စာကြောင်းပေါ့။ ဥပမာ – “I’m OK” ဆိုတာက “Help” လို့ အဓိပ္ပါယ်ရတယ် ဆိုတာမျိုးပေါ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။