ကလေးတွေကိုပြည့်ပြည့်ဝဝအနားယူခွင့်ပေးတာက ကလေးတွေကို ကျန်းမာလာစေမယ့်နည်းလမ်းတစ်ခုပါ။ ကလေးကဖျားနေတဲ့အခါကျောင်းသွားခိုင်းတာမျိုး၊ ပုံမှန်လုပ်နေကျတာဝန်တွေကို လုပ်ခိုင်းတာမျိုးမလုပ်စေဘဲနေအိမ်မှာ သက်တောင့်သက်သာနဲ့နားနေနိုင်အောင်လုပ်ပေးပါ။ အိပ်ရေးဝဝ နှစ်နှစ်ခြိုက်ခြိုက်အိပ်စက်နိုင်အောင်လုပ်ပေးပါ။
(၃) ကလေးရဲ့ ဦးခေါင်းကို ခပ်မြင့်မြင့်လေးထားပေးပါ
ကလေးကို ဦးခေါင်းခပ်မြင့်မြင့်မထားပေးဘဲ လှဲလျောင်းနေစေမယ်ဆိုရင်ချောင်းဆိုးတာကိုပိုဆိုးလာစေနိုင်တာကြောင့် ကလေးကိုခေါင်းအုံးခပ်မြင့်မြင့်လေးပေးအုံးလိုက်ပါ။
(၄) အစိုဓါတ်ထိန်းကိရိယာဖွင့်ထားပေးပါ
ခြောက်သွေ့တဲ့လေထုက လည်ချောင်းနာတာနဲ့ချောင်းဆိုးတာကို ပိုဆိုးစေနိုင်ပါတယ်။ ဒါကြောင့်ကလေးရဲ့ အခန်းထဲမှာ ဒါမှမဟုတ် ကလေးရဲ့ အနီးအနားမှာ အစိုဓါတ်ထိန်းကိရိယာကိုဖွင့်ထားပေးပါ။ ဒီလိုလုပ်ပေးတာကချောင်းဆိုးတာ၊ နှာခေါင်းပိတ်တာနဲ့ မအီမသာဖြစ်တာတွေကို သက်သာစေနိုင်ပါတယ်။
(၅) ရေများများတိုက်ပေးပါ
နေမကောင်းတဲ့အခါဖြစ်နိုင်တဲ့ အကြီးမားဆုံးပြဿနာက ခန္ဓါကိုယ်မှာရေဓါတ်ခမ်းခြောက်တာပါ။ ဒါကြောင့် ကလေးကိုအဖျားမြန်မြန်ကျပြီး ခန္ဓါကိုယ်လုပ်ငန်းစဉ်တွေ ပုံမှန်လုပ်ဆောင်စေနိုင်ဖို့အတွက်ရေများများတိုက်ပေးပါ။
(၆) တိတ်ဆိတ်နေပါစေ
ကလေးကဖျားနာနေတဲ့အခါ ကလေးအနားယူနေတဲ့နေရာအနီးအနားမှာ ဆူညံသံတွေမဖြစ်အောင်လုပ်ပေးပါ။ တိတ်ဆိတ်မှုက ကလေးငယ်ကို အနားရစေနိုင်ပြီးကောင်းကောင်းအိပ်ပျော်စေနိုင်တာကြောင့် ကလေးရဲ့ခန္ဓါကိုယ်အတွက် အင်အားဖြစ်စေပါတယ်။
(၇) အစာကြေလွယ်မယ့်အစားအသေက်တွေကျွေးပေးပါ
ကလေးကနေမကောင်းတဲ့အခါ အာဟာရပြည့်ဝနေဖို့လိုအပ်ပါတယ်။ ဒါပေမယ့် အစားအသောက်တွေကျွေးတဲ့အခါ ကလေးအတွက် အာဟာရဖြစ်စေပြီး အစာကြေလွယ်စေမယ့် အစားအသောက်တွေကိုရွေးချယ်ကျွေးဖို့တော့လိုပါမယ်။နေမကောင်းတဲ့ဘေဘီလေးတွေအတွက် အကောင်းဆုံးဖြစ်မယ့်အစားအစာတွေက –
- အချိုဓါတ်နည်းတဲ့ ဘီစကစ်
- ငှက်ပျောသီး
- ပန်းသီးဆော့စ်
- ပေါင်မုန့်မီးကင်
- ကွေကာအုတ်
- ဆန်ပြုတ်
- ခေါက်ဆွဲပြုတ်
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။