ကလေးတွေကို လက်တဖက်တည်းကနေ ဆွဲမလိုက်တာ ဒါမှမဟုတ် သူတို့လေးတွေရဲ့ လက်မောင်းကနေ ကိုင်ပြီး ပတ်ချာလှည့်တာမျိုးလုပ်ရင် အဆစ်လွဲနိုင်ပါတယ်။ ဘာလို့လဲဆိုတော့ ကလေးတွေရဲ့ အရိုးနဲ့ ကြွက်သားတွေဟာ ပြီးပြည့်စုံစွာ ဖွံ့ဖြိုးခြင်း မရှိသေးလို့ပါပဲ။ ဒါကြောင့် အားနဲ့ဆွဲလိုက်မယ်ဆိုရင် အရိုးတွေ၊အဆစ်တွေဟာ နေရာလွဲသွားနိုင်ပါတယ်။ ဒီလိုမျိုးဖြစ်ရင် ကလေးကို ဆေးရုံခေါ်သွားပါ။ ဆရာဝန်က အရိုးအဆစ်တွေကို ပုံမှန်နေရာ ရောက်အောင် ပြန်တည့်ပေးပါလိမ့်မယ်။
ပြုတ်ကျတာနဲ့ တခြားသော မတော်တဆမှုတွေကြောင့် ကလေးတွေ ဦးခေါင်းထိခိုက်နိုင်ပါတယ်။ သတိလစ်သွားတာ ဒါမှမဟုတ် အမြင်အာရုံဆုံးရှုံးသွားတာမျိုး ဖြစ်လာနိုင်ပါတယ်။ အခြေအနေကို ဆန်းစစ်ပြီး သင့်တော်တဲ့ ကုသမှုအမြန်ပေးနိုင်ဖို့အတွက် ဆေးရုံကို အမြန်ပြေးပါ။
ဒီလို မဖြစ်ရအောင် သင့်ကလေးတွေကို အမြဲစောင့်ကြည့်နေပါ။ ခေါင်းကိုကာကွယ်တဲ့ ဦးထုပ် ဒါမှမဟုတ် အစွပ်မပါဘဲ အားကစား မလုပ်ခိုင်းပါနဲ့။
သင်ဟာ အကြားအမြင် ရနေတာ မဟုတ်တဲ့အတွက် မတော်တဆမှုတွေ အားလုံးကို ကာကွယ်ပေးနိုင်မှာတော့ မဟုတ်ပါဖူး။ ဒါပေမယ့် မတော်တဆထိခိုက်ဒဏ်ရာ ရနိုင်တဲ့ အနေအထားလေးတွေကို သိထားမယ်ဆိုရင် ကြိုတင်ကာကွယ်တာတွေကို တတ်နိုင်သမျှလုပ်ထားနိုင်မှာဖြစ်ပြီး သင့်ကလေးတွေ ထိခိုက်ဒဏ်ရာ ရမှာ ဒါမှမဟုတ် နောက်ဆက်တွဲ ပြဿနာတွေဖြစ်လာမှာကို တားဆီးပေးနိုင်မှာ ဖြစ်ပါတယ်။
သင်ဟာ သူတို့ရဲ့ ကိုယ်ရံတော်ကာကွယ်သူဖြစ်တဲ့အတွက် သူတို့လေးတွေကို ဂရုတစိုက် ကာကွယ်ပေးဖို့ အရေးကြီးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။