33 ပတ်သားကလေး

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

ဖွံ့ဖြိုးတိုးတက်မှုနှင့် အပြုအမူ

ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။

သင့်ကလေးသည် ယခု အသက် ၈လရှိပြီ ဖြစ်ပြီး မတ်တပ်ရပ်သည့်အခါ၊ သို့မဟုတ် သင့်အသံကြားရာဘက်သို့လှည့်သည့်အခါ သို့မဟုတ် တစ်ခုခု ကို ပြုတ်ကျသဖြင့် ကောက်သည့်အခါ သူ၏ အလေးချိန်ကို ကိုယ့်ဘာသာထိန်းနိုင်သင့်ပြီဖြစ်သည်။ သင့်ကလေးသည် ယခုအခါ တိုက်မိခြင်းနှင့် လဲကျခြင်းတို့ကဲ့သို့သော လှုပ်ရှားမှုအသစ်များ ဖြစ်ပါလိမ့်မည်။ ထိုအရာများသည် ရှောင်လွှဲမရသော အရာများဖြစ်ပြီး သင့်ကို ထိတ်လန့်စေနိုင်သော်လည်း သင့်ကလေး၏ ပတ်ဝန်းကျင်ကို စူးစမ်းသည်များကို စောင့်ကြည့်ပြီး သူ၏ လုပ်နိုင်စွမ်းကို သိအောင်လုပ်ပါ။

၈လ၏ ပထမပတ်တွင် သင့်ကလေးသည်-
• မြှောက်ထားသည့်အခါ ခြေထောက်တွင် အလေးချိန်အချို့ကို ခံနိုင်ရည်ရှိသည်။
• မုန့်များကိ ုသူ့ဘာသာစားနိုင်သည်။
• လက်ချောင်းများဖြင့် ပစ္စည်းများကို ကိုင်နိုင်ပြီး ကောက်ယူနိုင်သည်။
• အသံလာရာသို့လှည့်နိုင်သည်။
• ပြုတ်ကျသွားသော ပစ္စည်းများကို ကောက်ယူနိုင်သည်။

ကလေးကို မည်သို့ ကူညီသင့်ပါသလဲ။

သင့်ကလေးကို ကာကွယ်ရမည်ဆိုသော်လည်း သူ့ဘာသာ ကြီးပြင်းခွင့်၊သင်ယူလေ့လာခွင့် ပေးရမည်ဖြစ်သည်။ ထိုသို့ဖြင့် သင့်ကလေးကို အမှီအခိုကင်းကင်းနှင့် ကြီးပြင်းစေလိမ့်မည်။ ဤအရာသည် သင့်ကလေးကို မကြည့်ရှုဘဲ ကြီးပြင်းစေမည်ဟု မဆိုလိုပါ။ သင့်ကလေးအတွက် လုံခြုံဘေးကင်းသည့် ပတ်ဝန်းကျင်တစ်ခု ဖန်တီးပေးရန်လိုအပ်ပါသည်။ ကလေးအတွက် အန္တရာယ်ဖြစ်စေနိုင်သော အရာများကို ကလေးအနားတွင် မရှိအောင် ထားပါ။

ကျန်းမာရေးနှင့် ဘေးကင်းစိတ်ချရမှု

ဆရာဝန်နှင့် ဘာတွေ ဆွေးနွေးသင့်ပါသလဲ။

ယခုလတွင် သင့်ဆရာဝန်နှင့် တွေ့ဆုံရန်ချိန်းဆိုမှုရှိမည်မဟုတ်ပါ။ သင့်တွင် စိတ်ပူစရာများရှိနေလျှင် နောက်တစ်ခေါက်တွေ့သည်အထိ စောင့်ဆိုင်းရန်မလိုဘဲ သင့်ဆရာဝန်ကို တွေ့ဆုံဆွေးနွေးနိုင်ပါသည်။ သင့်ကလေးသည် ကောင်းစွာဖွံ့ဖြိုးတိုးတက်လာသည်ဟု သင်မယူဆလျှင် သင့်ကို စိတ်ပူစေသောအရာများကို ချရေးမှတ်ထားပြီး သင့်ဆရာဝန်နှင့် တိုင်ပင်ဆွေးနွေးပါ။ သင့်ကလေး၏ ဖွံ့ဖြိုးတိုးတက်မှုနှင့် စကားပြောသည့်ပြသနာများအတွက် ကလေးဆရာဝန်နှင့် လိုအပ်လျှင် တိုင်ပင်ဆွေးနွေးနိုင်ပါသည်။ ဖွံ့ဖြိုးတိုးတက်မှုနောက်ကျခြင်းသည် အချို့ကလေးများတွင် ပှံမှန်ထက် နောက်ကျတတ်သောကြောင့် တစ်ခါတရံ အရေးမကြီးတတ်ပါ။

ကျွန်ုပ်ဘာတွေ သိထားသင့်ပါသလဲ။

အောက်ပါတို့သည် သင်သိထားသင့်သော အကြောင်းအရာတစ်ချို့ဖြစ်ပါသည်။

လေးဘက်သွားခြင်း

သင့်ကလေးသည် မှောက်ပြီးသွားခြင်း၊လေးဘက်သွားခြင်း၊ ထိုင်လျက်ရွေ့လျားခြင်း၊ လက်ထောက်ပြီး ရွေ့လျားခြင်းတို့ကို ပြုလုပ်နိုင်ပါသည်။ မှောက်လျက်သွားခြင်းသည် သင့်ကလေး၏ ပထမဆုံး သူ့ဘာသာသူ သွားနိုင်ရန် ကြိုးစားသည့် နည်းလမ်းဖြစ်ပါသည်။ ပထမဆုံး ကလေးသည် လက်များဖြင့် အရှေ့သို့ရောက်ရန်ကြိုးစားပြီး နောက်ပိုင်းတွင် မည်သို့အရှေ့ကိုရွေ့အောင် လုပ်ရမည်ကို သင်ယူတတ်မြောက်သွားပါလိမ့်မည်။ လေးဘက်သွားခြင်းတွင် အဆင့်ဆင့် ပြောင်းလဲလာခြင်းများသည် သူ၏ ကြွက်သားများကို သန်မာစေပြီး သူ့ကို လမ်းမြန်မြန်လျှောက်စေပါသည်။ သူမည်သည့်နည်းလမ်းကို သုံးသည်ဖြစ်စေ ကလေးကို စတင်ရွေ့လျားသည်ကို တွေ့သည်မှာ ဝမ်းသာစရာဖြစ်ပါသည်။

မတ်တပ်ရပ်ခြင်း

သင့်ကလေးသည် ပရိဘောဂများကို ကိုင်ပြီး မတ်တပ်ရပ်ရန် သူ့ကိုယ်သူ ဆွဲယူနိုင်ပါသည်။ သင့်ကလေးကို ဆိုဖာဘေးတွင်ချထားလျင် သူ့ဘာသာသူ ဆွဲ၍ထနိုင်ပါသည်။ ထိုအခြေအနေတွင် မိဘများသည် ကလေးကို ကလေးလမ်းလျှောက်သည့်ခွေထဲတွင် ထည့်ထားတတ်ကြသည်။ ကလေးသည် လမ်းလျှောက်သည့်ခွေကို အသုံးပြုပြီး သူကိုယ်တိုင် မရောက်နိုင်သော မီးဖို ကဲ့သို့သောနေရာသို့ ရောက်သွားနိုင်သည့်အတွက် အန္တရာယ်ရှိပါသည်။ ထို့အပြင် ကလေးကို ကြမ်းပေါ်တွင် မကစားခိုင်းသည်မှာလည်း မှားသည်။ ကလေးသည် ကြမ်းပေါ်တွင် ကစားရင်း လေးဘက်သွားတတ်လာသည်။ ဆွဲထတတ်လာသည်။ ပရိဘောဂများကို ကိုင်ပြီး ရွေ့လျားတတ်လာသည်။ ထိုအရာများသည် လမ်းလျှောက်ရန် အားပေးကူညီသောအကြောင်းများဖြစ်သည်။

ဘေးကင်းလုံခြုံခြင်း

သင့်ကလေး လမ်းလျောက်နိုင်လာခြင်းသည် ချော်လဲရန်၊ လဲကျရန် ပိုမိုလွယ်ကူလာခြင်းလည်း ဖြစ်သည်။ ယခုကာလတွင် ကလေးကို ဘေးကင်းလုံခြုံစေရန် ကန့်လန့်ကာများ၊ ဝိုင်ယာကြိုးများ၊ စားပွဲရှိ ချွန်ထက်သောပစ္စည်းများကို ဖယ်ရှားခြင်းနှင့် ကလေးကို အန္တရာယ်ဖြစ်စေအရာများကို အားလုံးကို ရှင်းလင်းရပါမည်။

ဖွံ့ဖြိုးတိုးတက်မှု နောက်ကျခြင်း

ကလေးသည် ထိုင်ခြင်း၊လေးဘက်သွားခြင်း၊ လမ်းလျှောက်ခြင်း၊ စကားပြောခြင်းများကို အခြားကလေးများထက် နောက်ကျလျှင် ဖွံ့ဖြိုးတိုးတက်မှုနောက်ကျခြင်း ဖြစ်နိုင်ပါသည်။ ထိုသို့ဖြစ်ခြင်းသည် ဖွံ့ဖြိုးတိုးတက်ခြင်း ပုံမှန်မဟုတ်သည့်အတွက် ဖြစ်နိုင်သော်လည်း၊ ပုံမှန်လည်း ဖြစ်နိုင်ပါသည်။ ကလေးအများစုသည် သိပ်မကြာခင် ပြန်ကောင်းသွားနိုင်ပါသည်။ ဥပမာ လမစေ့သောကလေးများတွင် အခြားကလေးများနှင့် ယှဉ်လျှင် ဖွံ့ဖြိုးမှု နောက်ကျခြင်း ဖြစ်နိုင်ပါသည်။ သို့သော် အရွယ်ရောက်လာလျှင် အရပ်၊ကိုယ်အလေးချိန်များ ပုံမှန်ပင်ဖြစ်ပါလိမ့်မည်။

ဖွံ့ဖြိုးမှု ဖြစ်စဉ်တွင် ကလေးများသည် ပုံမှန်တွင် စွမ်းရည်များကို တူညီစွာ ရရှိတတ်ကြသည်။ အချို့ကလေးများသည် ထိုင်ခြင်းကဲ့သို့သော လှုပ်ရှားမှုကို စောရတတ်ပြီး အချို့သည် ပစ္စည်းများကို လက်ဖြင့် ဆုပ်ကိုင်ခြင်းကဲ့သို့သော ကိစ္စမျိုးကို အရင်တတ်ကြသည်။ အချို့ကလေးများသည် လမ်းလျှောက်နှေးသော်လည်း၊ အသံများကို စောစီးစွာ သိရှိနိုင်သည်။ အရေးကြီးသည်မှာသင့်ကလေးသည် အချိန်နှင့် အမျှ စိတ်ပိုင်းဆိုင်ရာ၊ရုပ်ပိုင်းဆိုင်ရာ တဖြည်းဖြည်းတိုးတက်ဖွံ့ဖြိုးလာရန် ဖြစ်ပါသည်။ သို့သော် ဘာသာစကားသင်ယူမှု နှေးကွေးခြင်းသည် စောင့်ကြည့်ရမည့် အရာဖြစ်သည်။ ထိုအရာသည် သင့်ကလေးသည် လူကြီးများနှင့် ဆက်ဆံမှုနည်းခြင်းကြောင့်ဖြစ်နိုင်သော်လည်း၊ နားကြားနိုင်စွမ်းတွင် ပြဿနာရှိသည်လည်း ဖြစ်နိုင်ပါသည်။ အဖြစ်နည်းသော်လည်း ခါးဆစ်ရိုးတွင် ပြဿနာရှိနေခြင်းနှင့် ဉာဏ်ရည်မမီခြင်းလည်း ဖြစ်နိုင်ပါသည်။ သင့်ကလေးတွင် အခြားကလေးများနှင့် ယှဉ်လျှင် ဖွံ့ဖြိုးမှု နောက်ကျနေသည်ဟု သင်ထင်လျှင် ဘာသာစကားသင်ကြားသည့် ပုံမှန်အရွယ်၊ရုပ်ပိုင်းဆိုင်ရာ ဖွံ့ဖြိုးမှုအတွက် နောက်ကျသည့်လက္ခဏာများကို သိရှိထားရန် လိုအပ်ပါသည်။

ကျွန်ုပ်၏ စိုးရိမ်ပူပန်မှု

အောက်ပါတို့သည် သင်စိုးရိမ်ပူပန်နေသော အကြောင်းအရာများဖြစ်နိုင်ပါသည်။

သင့်ကလေးသည် လေးဘက်သွားနေပြီး မြင်သမျှကို ဆွဲချနေလျှင် သူဖွသမျှကို သင်လိုက်မရှင်းနိုင်ပါ။ သိပ်စိတ်မပူဘဲ ထိုအရာကို ဖြေရှင်းနည်းများရှိပါသည်။
• သင့်ကလေးကို အိမ်ကို စူးစမ်းလေ့လာခိုင်းပြီး သူ့အတွက် လုံခြုံကြောင်း သိရှိပါစေ။
• သင့်ကလေးကို သူ၏ အခန်းတွင်သာ သူ့စိတ်ကြိုက် တစ်ယောက်တည်း လွှတ်ထားပြီး အိမ်၏အခြားအခန်းများတွင်တော့သင်သည်ကလေးနှင့် အတူရှိနေပေးပါ။
• သင့်ကလေးနောက်သို့ အမြဲလိုက်ပြီး သူလုပ်သမျှ နောက်က လိုက်ရှင်းမနေပါနှင့်။ ထိုသို့လုပ်ခြင်းသည် သင့်ကလေးကို သူလုပ်သည်များသည် လက်ခံနိုင်စရာတစ်ခုမျှမရှိဟု ထင်မှတ်သွားနိုင်ပါသည်။
• ကလေးကို သပ်ရပ်စွာနေတတ်ရန် သင်ပေးပါ။ သူ့ပတ်ဝန်းကျင်တွင် သန့်ရှင်းရေးကို ပြင်းပြင်းထန်ထန်မလုပ်ဘဲ သင့်ကလေးနှင့် အတူ ကစားပြီးလျှင် ပစ္စည်းများကို ကောက်ခြင်း၊ ကလေးကို နားလည်အောင် ပြောခြင်းများကို ပြုလုပ်ပါ။
• သင့်ကလေးကို သူဖွသည်များအတွက် မဆူပါနှင့်၊ သူ၏ စူးစမ်းလိုစိတ်ကို ထိုသို့လုပ်ခြင်းဖြင့် မကောင်းဟု ထင်သွားနိုင်သည်။ ကလေး လုပ်သောတစ်ခုခုကို သင်မနှစ်သက်လျှင် ကလေးကို နောက်တစ်ခါ မပြုလုပ်ရန် သေချာပြောဆိုရှင်းပြပါ။
• ကလေးကို မရိုက်ပါနှင့်။ သို့သော် ထိုသို့လုပ်ခြင်းကို လည်း ခွင့်ပြုမထားပါနှင့်၊ နှစ်မျိုးလုံးသည် သင့်နှင့် သင့်ကလေးကို ထိခိုက်စေနိုင်ပါသည်။
• သင့်ကလေးကို အခန်းတိုင်းတွင် ထိုသို့ ကစားခြင်း၊ အမှိုက်ဖွခြင်းများ ခွင့်မပြုခြင်းဖြင့် သင့်တွင် စိတ်အေးချမ်းသာဖြစ်သည့်နေရာတစ်ခု ဖန်တီးထားပါ။
• ဘေးကင်းစွာ ကစားခိုင်းပါ။ ကလေးရှုပ်ဖွထားသည်များကို မရှင်းလျှင် ကလေးကို အန္တရာယ်ဖြစ်စေနိုင်ပါသည်။ ထို့ကြောင့် ကလေးကို အန္တရာယ် ဖြစ်စေမည့် အခြေအနေများတွင် ဖိတ်ကျသည့်အရည်များကို သုတ်ပါ။ ပြုတ်ကျနေသည့် စာအုပ်များကို ကောက်ပါ။ အရုပ်များကို ကောက်ပါ။

ထို့နောက် ၃၄ ပတ်တွင် ကလေးသည် မည်သို့ ဆက်လက်ကြီးပြင်းလာမည်နည်း။


HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Share now :

တည်းဖြတ်သည့်နေ့ ဇူလိုင် 20, 2017 | နောက်ဆုံးတည်းဖြတ်ခြင်း စက်တင်ဘာ 4, 2017

ရင်းမြစ်များ
သင်ဒါလည်း နှစ်သက်နိုင်ပါတယ်။