တစ်နေ့ကို အစာသုံးကြိမ်စားခြင်းသည် ဟိုးရှေးယခင် အချိန်များကတည်းက စာအုပ်များတွင် ဖော်ပြထားပြီး ကလေးများအတွက် ကျန်းမာရေးကောင်းစေမည့် အရေးကြီးသည့်အချက်ဖြစ်ပါသည်။
တစ်နေ့ကို အစာသုံးကြိမ်စားခြင်းသည် ဟိုးရှေးယခင် အချိန်များကတည်းက စာအုပ်များတွင် ဖော်ပြထားပြီး ကလေးများအတွက် ကျန်းမာရေးကောင်းစေမည့် အရေးကြီးသည့်အချက်ဖြစ်ပါသည်။
ထိုသို့စားခြင်းသည်အရသာကိုလည်းကောင်းစေသလို အစာများကိုလည်း ပုံမှန်အတိုင်းစားနိုင်စေပါသည်။ မိဘများအနေဖြင့် မိမိကလေးများကို ကျန်းမာရေးနှင့် ညီညွတ်သော အစားအစာများ စားတတ်စေရန် ကူညီပေးရမည်ဖြစ်ပါသည်။
မနက်စာမစားခြင်းသည် အများထင်ထားသလို ကိုယ်အလေးချိန်မကျစေဘဲ ကိုယ်အလေးချိန်ကို ပိုတိုးစေပါသည်။ မနက်စာစားခြင်းဖြင့် စွမ်းအင်များရရှိကာ ကျောင်းတွင်လည်း စာများကို အာရုံစူးစိုက်နိုင်မည်ဖြစ်ပါသည်။
ကလေးများသည် နေ့လည်စာကိုကျောင်းမှာ စားကြရပါသည်။ ထို့ကြောင့် နေ့လည်စာကို အခြားအချိန်များထက် သကြားဓါတ်နည်းပြီး အာဟာရဓါတ်နှင့်ကျန်းမာစေသော အဆီဓါတ်များ ပိုပါအောင် စီစဉ်ပေးသင့်ပါသည်။
ပုံမှန်အားဖြင့် ညစာတွင် အာဟာရတန်ဖိုးများစွာပါဝင်သည့်အတွက် ကလေးများ၏ ကြီးထွားဖွံ့ဖြိုးမှုကို အဓိကအားပေးခြင်းဖြစ်ရာ ညစာမစားခြင်းသည် ကလေးများ၏ကျန်းမာရေးကို ဆိုးရွားစွာထိခိုက်စေပါသည်။
တစ်နေ့တွင် သုံးနပ်စားခြင်း၏ အကျိုးကျေးဇူးတစ်ခုမှာ ကလေးများသည် တနေကုန် စွမ်းအင်များ သူ့အချိန်နှင့်သူရရှိနေသည့်အတွက် ထမင်းတစ်နပ်နှင့် တစ်နပ်ကြားတွင် အလွန်အမင်းဆာလောင်ခြင်းများ မဖြစ်တော့ပါ။ ထို့ပြင် သင့်တင့်သော ကယ်လ်လိုရီများပါဝင်သော အစားအစာများဖြစ်သည့်အတွက် ကလေးများသည် စားပြီးတိုင်းစိတ်ကျေနပ်မှုကို ရရှိမည်ဖြစ်ပါသည်။ ကလေးများသည် တစ်နေကုန်ဆော့နေခြင်းကြောင့် အစာမစားနိုင်လျှင် ကယ်လ်လိုရီများလောင်ကျွမ်းသွားမည်ဖြစ်ပါသည်။ ထို့ပြင် ကလေးများသည် ကယ်လ်လိုရီများသော သရေစာများကို စားမိသောကြောင့် တစ်နေ့ကို သုံးကြိမ်ထက်လျော့စားလျှင် အလွန်အမင်းဆာလောင်ခြင်းများ၊ ကျန်းမာရေးနှင့် ညီညွတ်သောအစာများကို မရွေးချယ်တတ်သော အကျင့်များဖြစ်လာစေပါသည်။
ကလေးများစားသော အစားအစာများနှင့် သူတို့စားသော အကြိမ်အရေအတွက်ကြားထဲတွင် ကွာခြားမှုများ ရှိပါသည်။
အစာစားချိန် ကျော်သွားခြင်းသည် သင့်ကျန်းမာရေးအတွက် လိုအပ်သော အာဟာရဓါတ်များကို အစာစားချိန် တစ်ခုနှင့် တစ်ခုကြားတွင် အချိန်ကြာမြင့်စွာ ကွာဟမှုဖြစ်ခြင်းကြောင့် ကျန်းမာရေးကို ထိခိုက်စေပါသည်။ မနက်စာ၊ နေ့လည်စာနှင့် ညစာကို ပုံမှန်စားပါက အမျိုးမျိုးသော အစားအစာများကို စားရမည့်အပြင် ယေဘူယျအားဖြင့် အမျိုးမျိုးသော အာဟာရဓါတ်များ ကြွယ်ဝစေပါသည်။ သရေစာများအနေဖြင့် အသီးအနှံများ၊ အရွက်များ၊ အစေ့အဆန်များနှင့် ကျန်းမာစေသော အသားဓါတ်များကို စားခြင်းဖြစ်သင့်ပါသည်။ ထိုသို့မဟုတ်လျှင် ကလေးများသည် သရေစာများအနေနှင့် အာလူးကြော်များ၊ သကြားလုံးများကို ပူဆာလေ့ရှိသောကြောင့် ဖြစ်ပါသည်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။