လမ်းလျှောက်တတ်စကလေးတွေ ဆားများစွာပါတဲ့ အစားအစာကိုစားမိပါက သူတို့ရဲ့ကျောက်ကပ်တွေဟာ နဂိုထက်ပို၍အလုပ်လုပ်ကြရပါတယ်။ ဒါ့အပြင် အသက်ကြီးလာချိန်တွင်လည်း ငန်တဲ့အစားအစာတွေကို စားတတ်တဲ့အလေ့အကျင့် ရသွားတတ်ပါတယ်။ ထိုအခါ သွေးတိုးရောဂါ၊ နှလုံးသွေးကြောနှင့်ဆိုင်သောရောဂါများ ဖြစ်နိုင်ချေများလာပါတယ်။ မိဘတွေအနေနဲ့ အသက်တစ်နှစ်မပြည့်သေးသော ကလေးတွေကို အငန်ဓါတ်ပါတဲ့အစားအစာတွေဖြစ်တဲ့ ကြက်ဥချောင်း ဝက်ဆားနယ် ပုစွန်ခြောက်တွေ မကျွေးမိအောင် သတိထားသင့်ပါတယ်။
သကြား
သကြားပါတဲ့ အစားအစာတွေကို ကန့်သတ်ချက်နဲ့ပဲ ကျွေးသင့်ပါတယ်။ သကြားက ကလေးရဲ့သွားတွေကို ပျက်စီးစေရုံမက သွားနဲ့ဆိုင်တဲ့ ပြဿနာမျိုးစုံကိုလည်း ဖြစ်စေနိုင်ပါတယ်။ ဒါကြောင့် သကြားပါတဲ့ အစားအစာတွေဖြစ်တဲ့ ဘီစကစ် သစ်သီးများနဲ့ ရေခဲမုန့်တို့ကို ကျွေးခြင်းမှရှောင်ကြဉ်ရပါမယ်။
သစ်သီးဝလံများ
အချို့ကလေးတွေမှာ ကီဝီသီး၊စတော်ဘယ်ရီသီး ၊ ခရမ်းချဉ်သီး ၊ လိမ္မော်သီးနဲ့ ရှောက်သီးကဲ့သို့ ချဉ်တဲ့အသီးတွေကြောင့် ဓါတ်မတည့်ခြင်း ဖြစ်ပွားတတ်ပါတယ်။ နူးညံ့ပြီးဝင်းမှည့်နေတဲ့ ငှက်ပျောသီး ၊သရက်သီး ၊ ထောပတ်သီးနဲ့ ပန်းသီးတွေက ကျွေးဖို့သင့်တော်တဲ့ အသီးတွေဖြစ်ပါတယ်။ ကလေးတွေလည်း ခံတွင်းတွေ့ နှစ်ခြိုက်ကြမှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။