သင့်ကလေး အားကစားစရာများကြောင့်ဖြစ်စေနိုင်သည့် အန္တရာယ်များမှကာကွယ်ရန် နည်းလမ်းများ

ကလေးငယ်များသည် ကစားစရာများနှင့် နေ့စဉ် ထိတွေ့ကစားကြသောကြောင့် ဟောင်းနွမ်းညစ်ပေသော၊အလွန်သေးငယ်သောကစားစရာများသည် သင့်ကလေးငယ်ကို အန္တရာယ် ဖြစ်စေနိုင်ပါသည်။

အောက်ပါဆောင်းပါးတွင် သင့်ကလေးငယ်ကိ ုကစားစရာများကြောင့် ဖြစ်စေနိုင်သည့် အန္တရာယ်များမှ ကာကွယ်နိုင်သည့်နည်းလမ်းများကိုဖော်ပြထားပါသည်။

သင့်ကလေးငယ်အား ကစားစရာများကြောင့် ဖြစ်စေနိုင်သည့် အန္တရာယ်များမှကာကွယ်ရန် နည်းလမ်းများ

– ကလေးငယ်၏ အသက်အရွယ်နှင့်သင့်တော်သောကစားစရာများကိုရွေးချယ်ပါ။

ကစားစရာအများစု ၏အပြင်ဘက်တွင် ကစားရန်သင့်တော်သောကလေး၏အသက် ဖော်ပြထားပါသည်။

မည်သည့်အသက်အရွယ် ကလေးက အန္တရာယ်မဖြစ်စေပဲ ကောင်းကောင်းကစားနိုင်မည်ကို တွက်ဆထားသောကြောင့် ကစားစရာများတွင်ပါဝင်သော ညွှန်ကြားချက် အတိုင်းလိုက်နာပါ။

– ဈေးကြီးသောကစားစရာမျာထက် သေချာစွာပြုလုပ်ထားသောကစားစရာများကိုရွေးချယ်ပါ။

ကလေးငယ် ကစားနေစဉ် ပါးစပ်ထဲထည့်မိခြင်း၊ ပါဝင်ပစ္စည်းများနှင့်ထိမိခြင်းတို့ဖြစ်နိုင်သောကြောင့် ကစားစရာများတွင်ပါဝင် အစိတ်အပိုင်းများ၊ ပြုလုပ်သည့်ပစ္စည်းများ၊ သေချာစွာ ပြုလုပ်ထားခြင်းရှိမရှိနှင့် အန္တရာယ်ရှိသောဓါတုပစ္စည်းများပါဝင်ခြင်းရှိမရှိတို့ကိုစစ်ဆေးပါ။

ကလေးငယ်နှင့် ဓါတ်မတည့်သောအရာများပါဝင်ခြင်းရှိမရှိကိုလဲ ညွှန်ကြားချက်တွင်စစ်ဆေးပါ။

ကလေးငယ်ကစားရာတွင် အလွယ်တကူကျိုးပဲ့ ပျက်စီးခြင်းမဖြစ်စေရန်အတွက် ကစားစရာများအား သေချာစွာတွဲစပ်ပြုလုပ်ထားခြင်းရှိမရှိနှင့် အစိတ်အပိုင်းများလွတ်နေခြင်း၊ အပ်ချည်များလွတ်နေခြင်းရှိမရှိကိုလဲစစ်ဆေးပါ။

– အမျော်အမြင်ရှိပါ။

ပါးစပ်ထဲထဲ့မိပြီး နင်နိုင်သောကြောင့် သင့်ကလေးအသက် ၃နှစ်မတိုင်ခင်အထိ ကလေးပါးစပ်ထက်ကြီးသော ကစားစရာများကိုသာ ပေးဆော့သင့်ပါသည်။

သင့်အနေဖြင့် ကလေး၏ လည်ချောင်းထဲဝင်လောက်သည့် အနေအထားကို မခန့်မှန်းနိုင်ဘူးဆိုပါကအိမ်သာသုံးစက္ကူလိပ် အပေါက်ထဲကို ကစားစရာကိုထည့်ကြည့်ပါ။

စက္ကူလိပ်အပေါက်နှင့်တော်လျှင် သို့မဟုတ် လျှောလျှောရှူရှူဝင်သွားခဲ့လျှင် သင့်ကလေးငယ်ကို အန္တရာယ်ဖြစ်စေနိုင်ကြောင်းသတိပြုပါ။

– အလွန်လေးသော ကစားစရာများ၊ ကလေးထက် အလွန်ကြီးသောကစားစရာများကိုပေးမဆော့ပါနှင့်

ကစားစရာများကိုမဝယ်မီမိမိကလေးပေါ် ထိုကစားစရာပြုတ်ကျပါက အန္တရာယ်ဖြစ်စေနိုင်လား အရင်စဉ်းစားပါ။ ဖြစ်စေနိုင်လျှင် အလွန်လှပြီး ဈေးတန်လဲမဝယ်ပါနှင့်။

– ဘောလုံးများကိုလဲပေးမကိုင်ပါနှင့်။

ပျော်ပွဲရွှင်ပွဲများတွင် ဘောလုံးများသည် မပါမဖြစ်ဆိုသော်လည်းရာဘာဘောလုံးများသည် ကလေးငယ်များ ကစားစရာနင်သည့်ထဲတွင် အများဆုံးအကြောင်းရင်းဖြစ်သည်။

ကလေးငယ်သည် ရာဘာဘောလုံးကို မတော်တဆမျိုချမိပါကလေပြွန်ကိုတင်းကြပ်စွာပိတ်မိပြီး အသက်ရှုမရနိုင်ပဲဖြစ်စေသည်။

– ၁၂လက်မထက်ရှည်သော ချည်၊ ကြိုးများပါသည့် ကစားစရာကိုမဝယ်ပါနှင့်

ချည်၊ ကြိုးများရှည်လွန်းလျှင် ကလေးလည်ပင်းကို ပတ်မိပြီးလည်ပင်းအစ်ခြင်း၊ခန္ဓါကိုယ်အခြားနေရာများကို ရစ်ပတ်မိခြင်းတို့ဖြစ်နိုင်ပါသည်။

– သေနတ်များ၊ ပစ်လို့ရသည့်အရာများကိုပေးမဆော့ပါနှင့်

အရိုးရှင်းဆုံး သေနတ်သည်ပင်လျှင် ကလေးငယ်မျက်လုံးအား ထိခိုက်မိခြင်း၊နင်ခြင်းတို့ ဖြစ်စေနိုင်ပါသည်။

– ချွန်ထက်သောအရာများပါသည့်ကစားစရာများကိုရှောင်ကျဉ်ပါ

ကစားစရာများစိတ်မချရလျှင် သင့်ကလေးအန္တရာယ်ရှိနိုင်သည်ကို အမြဲသတိရပါ။

အချို့ကစားစရာများသည် သေးငယ်၍အန္တရာယ်မရှိနိုင်ဟု ယူဆရသော်လည်း တစ်ခါတစ်ရံအသက်အန္တရာယ်ရှိသည်အထိ ဖြစ်နိုင်ပါသည်။

ထို့ကြောင့် မိမိကလေးငယ်ကို ကစားစရာများနှင့်အန္တရာယ်ကင်းကင်း ပျော်ရွှင်စွာကစားနိုင်စေရန်အတွက် အထက်ပါအချက်များကို သတိပြုမှတ်သားကြစေလိုပါသည်။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။