လူကြီးတွေ ပြောနေကြစကားပေါ့။ ဘာလို့ သွားသွားချီနေတာလဲ။ လက်ကြိုက်ရင် အမေနားရမှာ မဟုတ်ဘူးနော်။ တကယ်တော့ ကလေးငိုတယ်ဆိုတာ ဗိုက်ဆာလို့လည်း ဖြစ်နိုင်သလို၊ သေးစိုနေလို့လည်း ဖြစ်နိုင်ပါတယ်။ တစ်ခါတလေ ဘာအကြောင်းမှ မရှိဘဲ ငိုတတ်ပါတယ်။
ဒါပေမယ့် မေမေတို့ ပစ်မထားပါနဲ့နော်။ သူတို့လေးတွေကို ချီလိုက်ရင်၊ အသံပြုလိုက်ရင် အငိုတိတ်သွားပါတယ်။ သူတို့ကို ဂရုစိုက်မယ့်လူမရှိဘူးဆိုပြီး အထီးကျန်လို့ ငိုတာပါ။ မေမေတို့ချီလိုက်ရင် စိတ်ထဲမှာ လုံခြုံမှု ရသွားပါတယ်။
မေမေတို့ ချီနိုင်တုန်း ချီထားကြပါနော်။ နောက်ပိုင်း ကြီးလာရင် ချီချင်လို့တောင် ချီမရတော့ပါဘူး။ ဒါကြောင့် ဒီအချိန်လေးကို တန်ဖိုးထားပြီး ကလေးငိုတိုင်း ထကြည့်ပေးပါ။
မေမေတို့ စစချင်းမှာတော့ နို့အများကြီးထွက်မှာ မဟုတ်သလို ကလေးကလည်း ကောင်းကောင်း စို့တတ်မှာ မဟုတ်ပါဘူး။ မေမေရော ကလေးရော သင်ယူဆဲ ကာလမို့လို့ပါ။ ၆ပတ်လောက်ဆို တော်တော်လေး အသားကျသွားပါပြီ။ ဒါကြောင့် လက်မလျှော့ပါနဲ့။
မိခင်နို့ရဲ့ သဘောတရားက ကလေးစို့လေ ထွက်လေပါ။ ဒါကြောင့် ကလေးကို ကြိုးစားပြီး တိုက်ကြည့်ပါ။ တစ်ဖက်မရရင် တစ်ဖက် ပြောင်းပြောင်းပြီး တိုက်ကြည့်ပါ။ အမြွာမေမေတွေတောင် လောက်သေးတာ မေမေတို့လည်း လောက်မှာပါ။ စိတ်ရှည်ရှည်ထားပြီး တိုက်ကြည့်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။