ဒီအတွက် မိဘတွေလုပ်ပေးလို့ ရတာကတော့ အသား များများကျွေးပါ။ ဟင်းသီးဟင်းရွက်၊ အသီးအနှံတွေကိုလည်း ကျွေးဖို့ မမေ့ပါနဲ့။ နွားနို့၊ ပဲအမျိုးမျိုးကိုပါ ကျွေးနိုင်ရင်တော့ အာဟာရဓာတ် ပိုစုံလင်ပြီး ကလေး ထွားလာတာ ပိုမြန်မှာပါ။
၂။ မလှုပ်မယှက် စာပဲလုပ်ခိုင်းခြင်း
စာမှ စာ၊ စာကလွဲပြီး ကျန်တာ ဘာမှအရေးမကြီးဘူး ဆိုပြီးတော့ ကလေးတွေကို နေရာကမထ၊ ဘယ်မှ မသွားခိုင်းဘဲ စာပဲ လုပ်ခိုင်းတာကတော့ တော်တော်လေးကို မှားယွင်းတဲ့ အပြုအမူပါ။ တစ်နေရာတည်းမှာပဲ ထိုင်ပြီး စာလုပ်နေလို့ ကျောင်းစာက လွဲပြီး ကျန်တာ ဘာမှမရပါဘူး။
ဆိုးကျိုးအနေနဲ့ ကလေးရဲ့ ဦးနှောက်က လေးလံထိုင်းမှိုင်းလာမယ်၊ အဝလွန်၊ သွေးတိုး၊ နှလုံး၊ ဆီးချိုတွေ ဖြစ်ပြီး တချို့ကလေးတွေကျတော့လည်း ပြောင်းပြန် ပိန်ပြီးညှက်လွန်းနေ တာမျိုး ဖြစ်နိုင်ပါတယ်။
အဲဒါကြောင့် ဘယ်အရာမဆို အချိန်ဇယား ချပြီး သူ့အချိန်အတိုင်း လုပ်ခိုင်းဖို့ မိဘတွေက ကူညီပေးပါ။ ကစားချိန် ကစား၊ စာလုပ်ချိန် စာလုပ်၊ အိပ်ချိန်တန် ပြည့်ပြည့်ဝဝ အိပ်ရင် ကိုယ့်ကလေးက ပညာရေးမှာ ထူးချွန်ရုံသာမက တခြားကလေးတွေနဲ့ ယှဉ်လိုက်ရင်လည်း ကြီးထွားသန်မာပြီး အရပ်ရှည်လို့ ကြည့်ကောင်းနေမှာပါ။
၃။ အစားရွေးခြင်း
ကလေးဆိုတာက အချိုကြိုက်မယ်၊ အဆီကြော် ကြိုက်မယ့် သဘာဝက ရှိနေပြီးသားပါ။ ဒါကို အပြစ်တင်တာထက် ကိုယ့်ကလေး အာဟာရဓာတ် စုံစုံလင်လင် ရစေဖို့ ကျွေးမွေးပေးရမှာ မိဘတွေရဲ့ တာဝန်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။