အသက် ၆လအောက် ကလေးတွေကို ဆေးမထိုးခင် သကြားရည် အနည်းငယ် တိုက်ခြင်းအားဖြင့် နာကျင်မှုတွေကို သက်သာလျော့ပါးစေတယ်လို့ ဆိုပါတယ်။ သကြားရည်ဟာ ကလေးငယ်ရဲ့ အနာခံနိုင်စွမ်းကို မြင့်မားစေပြီး opiates လို့ခေါ်တဲ့ ထုံစေ၊ အနာသက်သာစေတဲ့ ဓာတ်တမျိုးကို ခန္ဓာကိုယ်ကနေ သဘာဝအလျောက် ထွက်လာစေပါတယ်။
၆လအောက် ကလေးကို ရေမတိုက်ပေမယ့် အနည်းငယ်သော ပမာဏလောက်ကတော့ ပြဿနာနည်းပါတယ်။ဒါကြောင့် ဆရာဝန်ခွင့်ပြုတယ်ဆိုရင် သကြားဇွန်းဝက်နဲ့ ရေနှစ်ဇွန်းကို ရောစပ်ပြီး ဆေးမထိုးခင် နှစ်မိနစ်လောက်အလိုမှာ ကလေးကို တိုက်ရမှာ ဖြစ်ပါတယ်။ ဒါမှမဟုတ် သကြားရည်ထဲမှာ စိမ်ထားတဲ့ နို့သီးခေါင်းကို ကလေးအား ပေးစို့နိုင်ပါတယ်။
ကလေးကို ကာကွယ်ဆေး ထိုးတဲ့အချိန်မှာ မိဘကလည်း စိတ်တည်ငြိမ်ဖို့ လိုပါတယ်။ မိဘက စိုးရိမ်ပူပန်စိတ် များနေရင် ကလေးကိုပါ ပိုပြီးကြောက်လန့်နာကျင်စေပါလိမ့်မယ်။
ကလေးတွေကို ဆေးထိုးရင် သိပ်မနာစေဖို့ အခုပြောပြခဲ့တဲ့ နည်းလမ်းလေးတွေကို လက်တွေ့ အသုံးချကြည့်လိုက်နော် မေမေတို့ရေ ……..
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။