ကိစ္စအတော်များများကို ပြုလုပ်ဖို့ သင့်လက်တွေကို အမြဲတစေ အသုံးပြုရလေ့ရှိတဲ့အတွက် သင့်လက်ကောက်ဝတ်တွေဟာ နာကျင်မှုဝေဒနာကို ခံစားရလေ့ရှိပါတယ်။
မှ အချက်အလက် စစ်ဆေးထားပါသည်။ Dr. Thurein Hlaing Win
ကိစ္စအတော်များများကို ပြုလုပ်ဖို့ သင့်လက်တွေကို အမြဲတစေ အသုံးပြုရလေ့ရှိတဲ့အတွက် သင့်လက်ကောက်ဝတ်တွေဟာ နာကျင်မှုဝေဒနာကို ခံစားရလေ့ရှိပါတယ်။
ပြောနေကျ စကားအတိုင်းပါပဲ၊ကာကွယ်ခြင်းဟာ ကုသခြင်းထက် ပိုကောင်းတာမို့ လက်ကောက်ဝတ်နာကျင်ခြင်းကို ကာကွယ်ပေးနိုင်မယ့် နည်းလမ်းငါးသွယ်ကို လေ့လာကြည့်ရအောင်။
သင့်အရိုးနဲ့ ကြွက်သားတွေ ကျန်းမာသန်စွမ်းနေတဲ့အခါ လက်ကောက်ဝတ်နာကျင်မှု ခံစားရနိုင်ချေ နည်းပါးမှာ ဖြစ်ပါတယ်။ ဒါကြောင့် သင့်အနေနဲ့ ရိုးရှင်းတဲ့ အကြောဖြေလျှော့ လေ့ကျင့်ခန်းလေးတွေ ပြုလုပ်တာ ဒါမှမဟုတ် ယောဂကျင့်တာ စသဖြင့် လုပ်ဆောင်နိုင်ပါတယ်။
မှန်ကန်သင့်တော်တဲ့ အသုံးအဆောင်ပစ္စည်းတွေကို အသုံးပြုပြီး သင့်လက်ကောက်ဝတ်ကို ကာကွယ်ပါ။ ဒီပစ္စည်းတွေဟာလက်ကောက်ဝတ်ကို ကူညီထောက်မပေးရုံသာမက ထိခိုက်ဒဏ်ရာတွေကိုလည်း ကာကွယ်ပေးပါသေးတယ်။
အမြင့်မှပြုတ်ကျခြင်း၊ မတော်တဆမှုများ ဖြစ်ပွားခြင်း၊ ထိခိုက်ဒဏ်ရာရခြင်းတွေကြောင့် လက်ကို ရုတ်တရက်ဆိုသလို ဆန့်တန်းထုတ်လိုက်မိတတ်ပါတယ်။ ဒီလို လက်ဆန့်ထုတ်လိုက်မိရင် လက်ကောက်ဝတ်ကို နာကျင်စေနိုင်တဲ့အတွက် သင့်ခန္ဓာကိုယ်ဟန်ချက်ကို ထိန်းပေးနိုင်ဖို့ လေ့ကျင့်ခန်းတွေ ပြုလုပ်ခြင်း၊ သင့်တော်မှန်ကန်တဲ့ ဖိနပ်စီးခြင်း စတာတွေကို ပြုလုပ်နိုင်ပါတယ်။
ညအမှောင်မှာ ထိမိခိုက်မိခြင်းကို ကာကွယ်ဖို့အတွက် သင့်အိမ်မှာ မီးလင်းလင်းချင်းချင်း ထွန်းထားသင့်ပါတယ်။ ရေချိုးခန်းကြမ်းပြင်ဟာလည်း ခြောက်သွေ့နေသင့်ပါတယ်။
လက်ကောက်ဝတ်ကို အလွန်အကျွံ အသုံးမပြုမိစေဖို့အတွက် သတိထားပြီး မကြာခဏ အနားပေးရမှာ ဖြစ်ပါတယ်။ အချိန်အတိုင်းအတာတစ်ခု အလုပ်လုပ်ပြီးရင် ခဏရပ်ပြီး လက်ကောက်ဝတ်ကို လုံးဝ အနားပေးပါ။ အနားယူနေစဉ်အချိန်မှာ ဘာမှမခိုင်းပါနဲ့။
လက်ကောက်ဝတ်နာကျင်ခြင်းကို ကုသတဲ့နေရာမှာ ကြိုတင်ကာကွယ်ခြင်းက အထိရောက်ဆုံးဖြစ်ပါတယ်။ ကြိုတင်ကာကွယ်ခြင်းဟာ လွယ်ကူရိုးရှင်းပါတယ်။ အထက်မှာ ဖော်ပြခဲ့တဲ့ အချက်လေးတွေကို လိုက်နာပြီး သင့်လက်ကောက်ဝတ်ကို ကာကွယ်ဖို့ပဲ ဖြစ်ပါတယ်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။