အမျှင်စားသုံးမှုနည်းသူတွေ၊ ရေသောက်နည်းသူတွေ၊ အသက် (၅၀) နဲ့အထက် လူကြီးပိုင်းတွေမှာ ဝမ်းချုပ်တာ အဖြစ်များပါတယ်။ တစ်ခါတရံ ဝမ်းချုပ်တာ ပြဿနာမရှိပေမယ့် နေ့စဉ်ရက်ဆက် ဝမ်းချုပ်တာက ကျန်းမာရေးအရ တစ်ခုခု ချို့ယွင်းတာလည်း ဖြစ်နိုင်သလို ဝမ်းချုပ်ခြင်းကြောင့်လည်း နောက်ဆက်တွဲ ပြဿနာများ ဖြစ်လာနိုင်တာမျိုးလည်း ရှိပါတယ်။
ဝမ်းချုပ်ခြင်းရဲ့ နောက်ဆက်တွဲအနေနဲ့ စအိုကွဲခြင်း၊ စအိုလမ်းကြောင်း ပွန်းပဲ့ထိခိုက်မိခြင်း၊ လိပ်ခေါင်းဖြစ်ခြင်းတွေ ဖြစ်နိုင်ပါတယ်။ အစာအိမ်ထဲမှာ အကျိတ်တွေ ဖြစ်နေပြီး အူမကြီးကို ပိတ်မိသွားတဲ့အခါမှာလည်း ဝမ်းချုပ်တတ်ပါတယ်။
၆။ လိင်တံကောင်းစွာ မထောင်မတ်နိုင်ခြင်း သို့မဟုတ် ပန်းသေပန်းညှိုးဖြစ်ခြင်း
ပန်းသေပန်းညှိုးဆိုတာ အသက်ကြီးပိုင်းအမျိုးသားတွေမှာ ကျားဟော်မုန်း ကျဆင်းခြင်းကြောင့် ဖြစ်တဲ့ လိင်ပိုင်းဆိုင်ရာ ပြဿနာတစ်မျိုးပါ။ လူငယ်တွေမှာတော့ နေထိုင်စားသောက်မှုပုံစံ မှားယွင်းတာ၊ သွေးတွင်း အဆီနဲ့ ကိုလက်စထရော များလွန်းတာ၊ အိပ်ချိန်နည်းတာ၊ လှုပ်ရှားမှုမရှိတာကြောင့် လိင်တံထောင်မတ်နိုင်မှု ကျဆင်းတာမျိုး ကြုံရတတ်ပါတယ်။
နောက်ထပ် သတိထားရမှာတစ်ခုကတော့ လူငယ်ပိုင်းတွေမှာ လိင်တံကောင်းစွာ မထောင်မတ်နိုင်ခြင်းဟာ စိတ်ဖိစီးမှု၊ စိုးရိမ်မှုလွန်ကဲခြင်း၊ စိတ်ကျရောဂါ အစရှိတဲ့ စိတ်ကျန်းမာရေးပြဿနာများကို ရင်ဆိုင်နေရခြင်းကြောင့်လည်း ဖြစ်နိုင်ပါတယ်။ စိတ်ရောဂါဆိုတာ လူ့ခန္ဓာကိုယ်ကို ဆိုးရွားတဲ့ သက်ရောက်မှုမျိုး ဖြစ်စေတဲ့အတွက် မိမိကိုယ်ကို ထိန်းချုပ်တာ သို့မဟုတ် နားလည်တတ်ကျွမ်းတဲ့ စိတ်ကျန်းမာရေး အထူးကုဆရာဝန်နဲ့ သွားရောက်ပြသပြီး စိတ်ကုထုံး ခံယူတာမျိုး လုပ်ဖို့ လိုအပ်ပါတယ်။
၇။ မကြာခဏ ရင်ပူခြင်း
ရင်ပူတယ်ဆိုတာ အစာအိမ်ကနေ စားချင့်ရည်ပြန်ကန်တက်ခြင်းကြောင့် ဖြစ်ရတာပါ။ ပုံမှန် အဆီအစိမ့်တွေ အလွန်အကျွံ စားပြီးရင် ရင်ပူတာဖြစ်တတ်ပေမယ့် အကြောင်းရင်းမရှိဘဲ မကြာခဏ ရင်ပူတာမျိုးဆိုရင်တော့ ကျန်းမာရေး ပြဿနာတစ်ခုခု ရှိနေတာဖြစ်နိုင်ပါတယ်။
GERD လို့ ခေါ်တဲ့ အစာအိမ်အူလမ်းကြောင်း စားချဉ့်ရည်ပြန်ကန်တက်တဲ့ ရောဂါသည် အကြောင်းရင်းမရှိဘဲ အစာအိမ်မှ စားချဉ်ရည်က လည်ချောင်းအထိ နောက်ပြန်စီးဆင်းတဲ့အတွက် ရင်ပူခြင်းကို ဖြစ်စေနိုင်ပါတယ်။ မကုသဘဲ ပစ်ထားမယ်ဆိုရင် စားချဉ်ရည်အက်စစ်ဟာ လည်ချောင်းမှာရှိတဲ့ တစ်ရှူးတွေကို ပျက်စီးစေပြီး ယားယံကာ အနာပေါက်စေနိုင်ပြီး ကင်ဆာ ဖြစ်စေနိုင်တဲ့အထိ အန္တရာယ်များပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။