home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

ကိုယ်ဝန်ဆောင်မေမေ အချို လျှော့စားပါ

ကိုယ်ဝန်ဆောင်မေမေ အချို လျှော့စားပါ

သကြားလုံး၊ ချောကလက် ကစလို့ အချိုများတဲ့ အစားအစာတွေကို လူတိုင်းလိုလို ကြိုက်ကြမယ် ထင်ပါတယ်။ အချိုမစားဘဲ နေဖို့ ဆိုတာ လူတိုင်းအတွက် ခက်ခဲမယ်ထင်ပါတယ်။ ပုံမှန်ထက် အစားအစားတွေကို စားချင်စိတ်ဖြစ်တတ်တဲ့ ကိုယ်ဝန်ဆောင် ကာလမှာဆို ပိုဆိုးမယ်ထင်ပါတယ်။ ကိုယ်ဝန်ဆောင်ကာလမှာ စားချင်တာကို စားလိုက်ရမှာ အာသာပြေပြီး စိတ်ကျေနပ်တာကိုး။

ဒါပေမယ့် ကိုယ်ဝန်ဆောင်ကာလမှာ အစားအစာကို သေချာလေး ရွေးချယ်ဖို့ လိုပါမယ်။ အကြောင်းကတော့ ကိုယ်ဝန်ဆောင်ကာလမှာ စားသုံးလိုက်တဲ့ အစားအစားတွေက မိခင် ကျန်းမာရေးရော ဗိုက်ထဲက ဘေဘီလေးရဲ့ ကြီးထွားဖွံ့ဖြိုးမှု နဲ့ ကျန်းမာရေးကိုပါ ထိခိုက်စေနိုင်လို့ပါ။ ဒီတစ်ခေါက်တော့ ကိုယ်ဝန်ဆောင်ချိန်မှာအချိုမှ အချိုဆိုပြီး စားချင်စိတ်ဖြစ်ရင်တောင် အချိုလျှော့စားသင့်တဲ့ အကြောင်းအရင်းလေး ပြောပြပေးချင်ပါတယ်။

ကိုယ်ဝန်ဆောင်ချိန်မှာ အချို အများကြီး စားတဲ့အခါ

ကိုယ်ဝန်ဆောင်ချိန်မှာ မဟုတ်ပါဘူး ကျန်တဲ့ အချိန်တွေမှာလည်း အချိုကို လိုသလောက်ပဲ စားသင့်ပါတယ်။ အကြောင်းကတော့ အချိုများတာက ကျန်းမာရေးကို ထိခိုက်စေလို့ပါပဲ။ ကိုယ်ဝန်ဆောင် မေမေအနေနဲ့ အချို အများကြီး စားမယ်ဆိုရင်

ကိုယ်အလေးချိန် တိုးမယ်

အချို အများကြီးစားတာက မလိုအပ်ဘဲ ကိုယ်အလေးချိန်ကို တိုးစေနိုင်ပါတယ်။ အချို နဲ့ ကယ်လ်လိုရီ ပါဝင်မှုများတဲ့ ကွတ်ကီး၊ ချောကလက်၊ ထောပတ်ကိတ် စတာတွေကို စားသုံးတာက ကိုယ်ဝန်ဆောင်မေမေကို အဝလွန်စေနိုင်ပါတယ်။

ဒါတွေအပြင် အချိုရည် သောက်တာ၊ အချိုကဲတဲ့ သစ်သီးဖျော်ရည်တွေ သောက်တာကလည်း ကိုယ်ဝန်ဆောင်မေမေကို မလိုအပ်ဘဲ ကိုယ်အလေးချိန် တိုးစေနိုင် ပါတယ်။ ဒါတွေအပြင် နောက်ဆက်တွဲ ကျန်းမာရေး ပြဿနာတွေအနေနဲ့ ခါးနာတာ၊ သွားကိုက်သွားနာ၊ ကိုယ်ဝန်ဆောင် ဆီးချို စတာတွေကို ခံစားရ နိုင်ပါတယ်။

သွေးတွင်းသကြားဓာတ် မြင့်မယ်

ကိုယ်ဆောင်ချိန်မှာ အချိုစာတွေ အစားများတာက မလိုအပ်ဘဲ သွေးတွင်း သကြားဓာတ် မြင့်တက်မှုကို ဖြစ်စေပါတယ်။ ဒီအခြေအနေက မိခင်ရော ကလေးရဲ့ ကျန်းမာရေးနဲ့ ကြီးထွားဖွံ့ဖြိုးမှုကိုပါ ထိခိုက်စေနိုင်ပါတယ်။

ဘေဘီလေးကို ကျန်းမာရေး ထိခိုက်စေတယ်

ကိုယ်ဝန်ဆောင်ချိန်မှာ အချို အစားများတာက ဗိုက်ထဲက ဘေဘီလေးရဲ့ ကျန်းမာရေးကို ထိခိုက်စေ နိုင်ပါတယ်။ ကိုယ်ဝန်ဆောင်ချိန်မှာ မေမေ က အချိုစာတွေ အများကြီး စားမယ်ဆိုရင် ဘေဘီလေးမှာ မွေးရာပါ ဆီးချိုရောဂါ (အမျိုးအစား-၁ ဆီးချို) ဖြစ်နိုင်ခြေ များပါတယ်။ ကိုယ်အလေးချိန်ကလည်း ရှိသင့်တာထက် များနေတာ။ လမစေ့ဘဲ မွေးဖွားတာ။ ပေါင်မပြည့်ဘဲ မွေးဖွားတာ။ ဓာတ်မတည့်မှု ပြဿနာ နဲ့ ဘေဘီလေးမှာ နှလုံးရောဂါ ခံစားရနိုင်ခြေကို မြင့်စေပါတယ်။

ဘေဘီလေးရဲ့ သိမြင်မှု စွမ်းရည်ကို ထိခိုက်စေတယ်

ကိုယ်ဝန်ဆောင်ချိန်မှာ မေမေက အချိုစာတွေ တအားစားမယ်ဆိုရင် ကလးရဲ့ သိမြင်မှု စွမ်းရည်ကို ထိခိုက်စေနိုင်ပါတယ်။ ကိုယ်ဝန်ဆောင် ကာလမှာ အချိုရည်သောက်တာ၊ အချိုကဲတဲ့ စားစရာတွေ စားသုံးတာက ဘေဘီလေးရဲက သင်ယူနိုင်စွမ်းနဲ့ မှတ်မိနိုင်စွမ်း တွေအပေါ် သက်ရောက်မှု ရှိပါတယ်။

ဒါတွေအပြင် ကိုယ်ဝန်ဆောင်ချိန်မှာ အချိုစားများတာက မေမေ့မှာ ကိုယ်ဝန်ဆောင် သွေးတိုးဖြစ်တာ၊ ဘေဘီလေးမှာ ပန်းနာရင်ကျပ်ဖြစ်တာနဲ့ အဝလွန်တာလိုမျိုး ကျန်းမာရေး ပြဿနာတွေကို ဖြစ်စေနိုင်ပါတယ်။ မေမေတို့မှာလည်း မအီမသာ ဖြစ်တာမျိုး ခံစားရနိုင်လို့ ကိုယ်ဝန်ဆောင်ချိန်မှာ အချို လျှော့စားပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Is it Safe to Eat Sweets Excessively During Pregnancy? https://parenting.firstcry.com/articles/is-eating-excessive-sweets-during-pregnancy-safe/ Accessed Date 21 July 2020

Sugar in pregnancy https://www.aptaclub.co.uk/pregnancy/diet-and-nutrition/understanding-food-groups/the-role-of-sugar-in-pregnancy.html Accessed Date 21 July 2020

10 reasons to avoid excess sugar during pregnancy https://www.healthymummy.com/10-reasons-avoid-much-sugar-pregnancy/ Accessed Date 21 July 2020

Here’s Another Good Reason to Limit Your Sugar Intake During Pregnancy https://www.whattoexpect.com/news/pregnancy/can-too-much-sugar-affect-babys-cognitive-abilities/ Accessed Date 21 July 2020

စာရေးသူ ဓာတ်ပုံbadge
Aye Thi Mon မှ ရေးသားသည်။ 21/07/2020 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။