ကိုယ်ဝန်ဆောင်ကာလ ၆ ပတ်လောက်မှာ ဘေဘီလေးက နှလုံးစခုန်နေပြီဖြစ်ပြီး ကိုယ်ဝန်ဆောင်ကာလ ၈ ပတ်နောက်ပိုင်း မှာ ဘေဘီလေးက တော်တော်လေးရုပ်လုံးပေါ်လာပါပြီ။
ကိုယ်ဝန် ၃ လ
ကိုယ်ဝန် ၃ လကိုရောက်လာချိန်မှာတော့ ဘေဘီလေးရဲ့ လက်မောင်း၊ လက်၊ ခြေချောင်း၊ လက်ချောင်းလေးတွေ၊ ခြေဖဝါးလေးတွေက ပြည့်ပြည့်ဝဝဖွံ့ဖြိုးလာပါပြီ။ ဘေဘီလေးက လက်သီးဆုပ်တတ်ပြီ။
ပါးစပ် ဖွင့်တတ်ပိတ်တတ်ပြီ။ လက်သည်းခြေသည်းလေးတွေ စဖြစ်ပေါ်လာပြီ။ နားရွက်လေးပြည့်ပြည့်စုံစုံဖွံ့ဖြိုးလာပါပြီ။ ဘေဘီလေးက သားသားလေးလားမီးမီးလေးလားဆိုတာကို သိစေနိုင်မယ့် အင်္ဂါလေးဖွံ့ဖြိုးလာပြီပေါ့။ဒါပေမယ့် အယ်လ်ထရာဆောင်းကနေ အတည်ပြုဖို့ကတော့ ခက်ခဲနေဦးမှာပါ။
ကိုယ်ဝန်ဆောင်ကာလ ၃ လပြီးတဲ့အခါ ဘေဘီလေးက အလုံးစုံဖွံ့ဖြိုးသွားပါပြီ။ အင်္ဂါအစိတ်အပိုင်းတွေအားလုံးက ဆက်လက်ကြီးထွားလာပြီး လှုပ်ရှားအသုံးပြုလို့ရနေပါပြီ။ သွေးလှည့်ပတ်မှုစနစ်၊ ဆီးစွန့်တဲ့စနစ်တွေ စတင်လုပ်ဆောင်နေပြီဖြစ်ဖြစ်သလို အသည်းကလည်း သည်းခြေရည်တွေကို စတင်ထုတ်လုပ်ပေးနေပါပြီ။
ကိုယ်ဝန်ဆောင် တတိယကာလပြီးတဲ့အခါ ဘေဘီလေးက ၄ လက်မလောက်အရွယ်အစားရှိမှာဖြစ်ပြီး ကိုယ်အလေးချိန်က ၁ အောင်စလောက်ရှိမှာပါ။ ဘေဘီလေးရဲ့ အရေးပါဆုံးကြီးထွားဖွံ့ဖြိုးမှုတွေတော်တေ်ာလေး ဖြစ်ပြီးနေချိန်ပေါ့။
ကိုယ်ဝန် ၄ လ
ဘေဘီလေးရဲ့ နှလုံးခုန်သံကို နားထောင်လို့ရနေပါပြီ။ လက်ချောင်း၊ခြေချောင်းလေတွေ ကောင်းစွာဖွံ့ဖြိုးနေပါပြီ။ မျက်ခွံ၊ မျက်တောင်၊ မျက်ခုံး၊ လက်သည်းခြေသည်းနဲ့ ဆံပင်တွေစဖြစ်နေပါပြီ။ သွားတွေနဲ့အရိုးတွေက ပိုကြံ့ခိုင်လာပါပြီ။ လက်မလေးကိုစုပ်တတ်ပြီ၊သမ်းတတ်ပြီ၊ အကြောဆန့်တတ်ပြီ၊ မျက်နှာအမူအရာလေးတွေလုပ်တတ်ပါပြီ။
အာရုံကြောစနစ်တွေ စတင်လုပ်ဆောင်နေပါပြီ။ မျိုးပွားအင်္ဂါတွေ ပြည့်ပြည့်ဝဝဖွံ့ဖြိုးလာပြီဖြစ်လို့ သားသားလေးလား၊ မီးမီးလေးလားဆိုတာကို သိနိုင်တော့မှာပါ။ ဘေဘီလေးအရွယ်အစားကတော့ ၆ လက်မလောက်ရှိပြီး ကိုယ်အလေးချိန်က ၄ အောင်စလောက်ရှိမှာဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။