နေ့စဉ် အယ်လ်မွန်စေ့လက်တစ်ဆုပ်စာစားသုံးပေးမှုက လေဖြတ်တာကနေ ကာကွယ်ပြီးသားဖြစ်မှာပါ။ သွေးတွင်းက အကျိုးမပြုကိုလက်စထရောတွေကို ကျဆင်းစေပြီး အကျိုးပြုကိုလက်စထရောတွေကို တိုးစေတာကြောင့် သွေးကြောထဲမှာ အဆီစုပုံတာနဲ့ သွေးကြောပိတ်တာတွေကြောင့်ဖြစ်တဲ့ လေဖြတ်ဝေဒနာကိုလျော့ကျစေနိုင်ပါတယ်။
ကြက်သွန်ဖြူထဲမှာ သွေးတွင်းအဆီစုပုံမှုကိုလျော့ကျစေနိုင်တဲ့ ajoene molecules တွေပါဝင်နေပြီး သွေးခဲတာမျိုး မဖြစ်အောင်ကာကွယ်ပေးပါတယ်။ သွေးမခဲအောင်ကာကွယ်ပေးမှုကြောင့် သွေးကြောထဲမှာ သွေးခဲပိတ်ဆို့ တာကြောင့်ဖြစ်တဲ့ လေဖြတ်နိုင်ခြေကို လျော့ကျစေနိုင်ပါတယ်။ ကြက်သွန်ဖြူနေ့တိုင်းတို့စားပေးပါ။ သွေးခဲတာကိုကာကွယ် ပေးနိုင်မှာပါ။
အနက်ရောင်ချောကလက်က လေဖြတ်တာကိုကာကွယ်နိုင်တာ ဟုတ်ပါ့မလား။ အနက်ရောက်ချောကလက်မှာပါတဲ့ ဖလေဗာနွိုက်က လေဖြတ်တာကို ကာကွယ်ပေးနိုင်ပါတယ်။ နို့နဲ့ အချိုကဲတဲ့ ချောကလက်ကတော့ လေဖြတ်တာကို မကာကွယ်ပေးနိုင်ပါဘူး။
လေဖြတ်တာကို ကာကွယ်ဖို့ ဒီအစားအစာတွေစားသုံးတဲ့အခါ မဖြစ်မနေသတိထားရမှာက “တန်ဆေး လွန်ဘေး“ဆိုတာပါ။ ဒါကြောင့် အလွန်အကျွံမဖြစ်စေဘဲ သင့်တော်တဲ့ ပမာဏတစ်ခုလောက်ပဲစားသုံးပေးဖို့ သတိရပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။