နောက်တစ်ခုပြောပြချင်တာကတော့ သရက်ရွက်အကြောင်းပါ။ သရက်ရွက်ရဲ့ အမွှေးနံ့က ခပ်သင်းသင်းလေးရှိပြီး အရွက်နုလေးတွေကို တို့စားကြတာမျိုးလည်းရှိပါတယ်။ သရက်ကရွက်ကိုရေနွေးဆူဆူထဲထည့်ပြုတ်ပြီး ပြုတ်ရည်ကို တစ်ညသိပ် အရွက်ကို စစ်ပြီး အရည်ကို သုံးဆောင်ပေးမယ် ဆိုရင်လည်း သွေးတွင်းသကြားဓါတ်ကို ကျဆင်းစေတယ်လို့ ဆိုပါတယ်။
သရက်သီးမှာ အမျှင်ဓါတ် ကြွယ်ဝစွာ ပါဝင်တဲ့အတွက် အစာကြေချက်မှုကို ကောင်းမွန်စေတဲ့ အသီး တစ်မျိုးပါ။ ဒါတွေတင်လား ဆိုတော့ မဟုတ်ပါဘူး။ သရက်သီး အစိမ်းကို ဖျော်သောက်ပေးမယ် ဆိုရင်လည်း ရာသီဥတုပူပြင်းမှုကြောင့် ခန္ဓါကိုယ်မှာ ဖြစ်လာနိုင်တဲ့ အပူလျှပ်တာလိုမျိုး ဝေဒနာတွေ မဖြစ်အောင် ကာကွယ်ပေးပါတယ်။
နောက်ဆုံး တစ်ချက် အနေနဲ့ကတော့ သရက်သီးမှာ ဗီတာမင် C၊ ဗီတာမင် A နဲ့carotenoids ၂၅ မျိုးအထိ ပါဝင်တာကြောင့် ကိုယ်ခံအားကို ကောင်းမွန်စေပြီး အမြဲကျန်းမာနေစေမှာ အသေအချာပါ။ လတ်တလောမှာ လှိုင်လှိုင်ပေါနေတဲ့ သရက်သီးကို အရသာရှိရှိလေး စားသုံးရင်း အပေါ်မှာ ပြောခဲ့တဲ့ အာဟာရဓါတ်တွေနဲ့ ကျန်းမာရေး အကျိုးကျေးဇူးတွေကို လက်မလွှတ်တမ်း ရယူလိုက်ပါ။
ဘယ်သူတွေ မစားသင့်ဘူးလဲ
အရမ်းငယ်သေးတဲ့ ဘေဘီလေးတွေက လွဲရင် သရက်သီးကို လူတိုင်း စားပေးလို့ ရပါတယ်။ အလွန်အကျွံ မဖြစ်ဖို့တော့ လိုပါမယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။