Corkwood ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. K Zin Thwe

အသုံးပြုပုံများ

Corkwood ကို ဘာအတွက်အသုံးပြုကြသလဲ

scopolamine (အမူးသက်သာစေသောဆေး) ကို စီးပွားဖြစ်မထုတ်လုပ်မီက corkwood အပင်ကို လှုပ်ရှာနေသောအရာကြောင့် (ကားမူးခြင်း စသည်) မူးခြင်း၊ ပျို့အန်ခြင်း များကို ကာကွယ်ရန် အသုံးပြုသည်။ အစာအိမ်အူလမ်းကြောင်းကျုံ့ခြင်းကို သက်သာစေရန်လည်း အသုံးပြုကြသည်။
ဘေးကင်းစိတ်ချရမှုကို မသေချာသော်လည်း corkwood ပင်ကို ဆေးရွက်ကြီးငုံသကဲ့သို့ ဆာလောင်ခြင်း၊ နာကျင်ခြင်း၊ နှင့် မောပန်းခြင်းများကို သက်သာစေရန် ဝါးစားကြသည်။

Corkwood ဘယ်လိုအလုပ်လုပ်လဲ

ဤဆေးပင်နှင့် ပတ်သတ်ပြီး လုံလောက်သော လေ့လာမှုများမရှိသော်လည်း ပိုမိုသိရှိနိုင်ရန် ဆေးပင်ကျွမ်းကျင်သူနှင့် တိုင်ပင်ဆွေးနွေးပါ။ သို့သော် ပင်တွင် ပင်မအာရုံကြောကို သက်ရောက်မှုရှိစေသော ဓါတုပစ္စည်းများပါဝင်ကြောင်း အချို့သော လေ့လာမှုများက တွေ့ရှိထားသည်။ ထိုအရာများထဲမှ တစ်ခုသည် လှုပ်ရှားမှုကြောင့် မူးဝေခြင်း၊ အန်ခြင်းကို သက်သာစေသော ဆေးတစ်မျိုးနှင့် ဆင်တူပြီး အိပ်ချင်စိတ်ကို ဖြစ်ပေါ်စေသည်။ အခြားသော ဓါတုပစ္စည်းသည် မျက်လုံးသူငယ်အိမ်ကို ကျယ်စေသော ဆေးနှင့်တူပြီး ကြွက်သားလှုပ်ခြင်းကို သက်သာစေသည်။

ကြိုတင်သတိပြုရန်များနှင့် အသိပေးချက်များ

Corkwood အသုံးမပြုခင် ဘာတွေသိသင့်သလဲ

ပင်မှ ထွက်ကုန်များကို အလင်းရောင်နှင့် စိုစွတ်သောနေရာတွင် မထားရပါ။
လူနာကို ပါးစပ်ခြောက်ခြင်း သက်သာစေရန် သကြားလုံးစားရန်၊ အရည်များသောက်ရန် နှင့် ပီကေစားရန် အကြံပေးပါ။
ဆေးပင်ကို အသုံးပြုနေစဉ် စောင့်ကြည့်ရမည်များမှာ
• ဓါတ်မတည့်သောတုံ့ပြန်မှုများ
• စိတ်ပိုင်းဆိုင်ရာလက္ခဏာများ (စိတ်ခံစားမှု၊ စိုးရိမ်ပူပန်ခြင်း၊ ဂနာမငြိမ်ဖြစ်ခြင်း)
ဆေးဘက်ဝင် အပင်များကို အသုံးပြုသည့် အခါတွင် ဓါတုဆေးဝါးများကို အသုံးပြုသည်ထက် လိုက်နာရမည့် စည်းမျဉ်းများ နည်းတတ်သည်။ ဘေးကင်းစွာ အသုံးပြုနိုင်ရန် လေ့လာမှုများကို ပိုမိုပြုလုပ်ရန်လိုသည်။ ဤဆေးပင်ကို အသုံးပြုရာတွင် အန္တရာယ်ရှိနိင်သည် ဆိုသည်ကို သတိပြုရမည်။ ပိုမိုသိရှိနိုင်ရန် သင်၏ ဆရာဝန် သို့မဟုတ် ဆေးပင်ကျွမ်းကျင်သူနှင့် တိုင်ပင်ဆွေးနွေးပါ။

Corkwood က ဘယ်လောက်စိတ်ချရလဲ

ဤဆေးပင်ကို ကိုယ်ဝန်ရှိနေချိန်နှင့် ကလေးနို့တိုက်နေချိန်တွင် အသုံးမပြုရပါ။ ကလေးများကိုလည်း မပေးရပါ။ ဆေးပင်ကို ဓါတ်မတည့်သူများနှင့် မျက်စိရေတိမ်ဖြစ်သူများ၊ ကြွက်သားရောဂါရှိသူများ၊ နှင့် အစာအိမ်လမ်းကြောင်းပိတ်သူများ၊ ဆီးလမ်းကြောင်းပိတ်သူများတွင် အသုံးမပြုရပါ။
နှလုံးရောင်ပြီး နှလုံးမကောင်းသူများ၊ ဆီးကျိတ်ကြီးသူများ၊ သွေးတိုးရောဂါရှိသူများ၊ နှလုံးတုန်ခြင်း၊ အစာအိမ်အနာရှိသူများတွင်လည်း အသုံးမပြုရပါ။

ဘေးထွက်ဆိုးကျိုးများ

Corkwood ကနေ ဘယ်လိုဘေးထွက်ဆိုးကျိုးမျိုးတွေကို ခံစားရနိုင်မလဲ

ဤဆေးပင်တွင် ဘေးထွက်ဆိုးကျိုးများစွာရှိသည်။
• စိတ်ရှုပ်ခြင်း၊ စိုးရိမ်ပူပန်ခြင်း၊ ဂနာမငြိမ်ခြင်း၊ စိတ်တိုစိတ်ဆတ်ခြင်း၊ ခေါင်းကိုက်ခြင်း၊ ခေါင်းမူးခြင်း၊ မျက်နှာနီခြင်း၊ ထင်ယောင်ထင်မှားဖြစ်ခြင်း။
• ရင်တုန်ခြင်း၊နှလုံးခုန်မြန်ခြင်း၊ ထလိုက်လျှင် မူးခြင်း။
• မျက်လုံးဝါးခြင်း၊ အမြှေးပါးများခြောက်ခြင်း။
• ပျို့အန်ခြင်း၊ အစားပျက်ခြင်း၊ ပါးစပ်ခြောက်ခြင်း၊ ဝမ်းချုပ်ခြင်း၊ ဗိုက်နာခြင်း။
• ဆီးမထွက်ခြင်း၊ ဆီးကျန်ခြင်း။
• အသက်ရှူမမှန်ခြင်း
ဆေးပင်ကိုအသုံးပြုသော လူတိုင်း ထိုဘေးထွက်ဆိုးကျိုးများရှိမည်ဟု မဆိုလိုပါ။ သို့သော် အခြားသော ဆိုးကျိုးများလည်း ရှိနေနိင်သည်။ အကယ်၍ အခြားသော ဘေးထွက်ဆိုးကျိုးများကို စိတ်ပူပါက သင်၏ ဆရာဝန် သို့မဟုတ် ဆေးပင်ကျွမ်းကျင်သူနှင့် တိုင်ပင်ဆွေးနွေးပါ။

အကယ်၍သင်သည် ဘေးထွက်ဆိုးကျိုးများနှင့်ပတ်သက်၍ စိုးရိမ်မှုရှိနေပါက ဆရာဝန် သို့မဟုတ် ကျွမ်းကျင်သူနှင့် တိုင်ပင်ပါရန်

ဆေးဓါတ်ပြုမှုများ

Corkwood ကိုအသုံးပြုခြင်းကနေ ဘယ်လိုဓါတ်ပြုမှုတွေရှိလာနိုင်သလဲ

ယခုဆေးဖက်ဝင်ဖြည့်စွက်စာသည်သင်၏လက်ရှိဆေးဝါးများနှင့် သို့မဟုတ် ကျန်းမာရေးအခြေအနေများနှင့် ဓါတ်ပြုနိုင်ခြေရှိပါသည်။ အသုံးမပြုခင် ဆရာဝန်နှင့် တိုင်ပင်ပါရန်

ဤဆေးပင်သည် အောက်ပါတို့နှင့် ဓါတ်ပြုမှုများဖြစ်နိုင်သည်။
• အရက်၊ ယားယံမှုကို သက်သာစေသော ဆေးများ၊ မူးယစ်ဆေး၊ phenothiazines, tricyclics;
• ပါကင်ဆန်ရောဂါကို ကုသောဆေးများ
• နှလုံးဆေးများ Beta-blockers, cardiac glycosides

သောက်သုံးရန်အညွှန်း

ယခုဖော်ပြထားသောအချက်များသည် ဆေးပညာအကြံပြုချက်များကို အစားထိုးရန်အတွက်မဟုတ်ပါ။ အသုံးမပြုခင်တွင် ဆရာဝန်နှင့်တိုင်ပင်ပါရန်

Corkwood အတွက် ပုံမှန်သောက်သုံးရန်အညွှန်းက ဘယ်လောက်လဲ

ဤဆေးပင်ကို အသုံးပြုလေ့ရှိသော ပမာဏမှာ လူနာတစ်ယောက်ချင်းစီတွင် ကွာခြားနိုင်ပါသည်။ သောက်ရမည့် ပမာဏသည် လူနာ၏ အသက်၊ ကျန်းမာရေး၊ နှင့် အခြားသော အခြေအနေများတွင် မူတည်ပါသည်။ ဘယဆေးပင်များသည် အမြဲတမ်း စိတ်မချရပါ။ ထို့ကြောင့် ဆေးပင်ကျွမ်းကျင်သူ သို့မဟုတ် ဆရာဝန်နှင့် သင့်တော်သောပမာဏကို ဆွေးနွေးပါ။

Corkwood က ဘယ်လိုပုံစံမျိုးတွေနဲ့လာလဲ

ဤဘယဆေးပင်ကို အောက်ပါ ပုံစံများနှင့် ရနိုင်သည်။
• အရည်
• ဆေးပြား
• ဆေးရွက်

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ ဇူလိုင် 3, 2017 | နောက်ဆုံးတည်းဖြတ်ခြင်း ဇူလိုင် 10, 2017

ရင်းမြစ်များ
သင်ဒါလည်း နှစ်သက်နိုင်ပါတယ်။