သွေးပေါင်ကျတယ်ဆိုတာကသွေးလွှတ်ကြောတွေ၊သွေးပြန်ကြောတွေကနေတဆင့်သွေးတွေစီးဆင်းမှုနည်းသွားတာကြောင့်ဖြစ်လာတဲ့ သွေးပေါင်ချိန်နည်းလာတဲ့လက္ခဏာတစ်ရပ်ပါ။သွေးကြောတွေထဲမှာသွေးစီးဆင်းမှု အရမ်းနည်းသွားတဲ့အခါ ဦးနှောက်၊နှလုံး နဲ့ကျောက်ကပ်တို့လိုမျိုး ခန္ဓါကိုယ်အတွက် အရေးပါတဲ့ ကိုယ်အင်္ဂါအစိတ်အပိုင်းတွေဆီကိုအောက်ဆီဂျင်နဲ့အာဟာရဓါတ်တွေရောက်ရှိမှုနည်းသွားနိုင်ပါတယ်။ ဒီလိုမျိုးအခြေအနေက ကိုယ်အင်္ဂါအစိတ်အပိုင်းတွေကို ပုံမှန်အလုပ်မလုပ်နိုင်တဲ့ အခြေအနေကိုရောက်ရှိသွားစေနိုင်သလို ကိုယ်အင်္ဂါအစိတ်အပိုင်းတွေ ထိခိုက်ပျက်စီးတာမျိုးအထိတောင်ဖြစ်စေနိုင်ပါတယ်။
သွေးပေါင်ကျတာက အချို့သူတွေမှာပြဿနာကြီးကြီးမားမားမရှိပေမယ့် လူတော်တော်များများမှာတော့ ပုံမှန်မဟုတ်တဲ့သွေးပေါင်ကျတာကခေါင်းမူးတာ၊သတိလစ်တာတွေတောင်ဖြစ်နိုင်ပါတယ်။သွေးပေါင်ကျတာက အရမ်းပြင်း ထန်မယ်ဆိုရင်တော့ အသက်အန္တရာယ်တောင်ရှိနိုင်ပါတယ်။
သွေးပေါင်ချိန်တိုင်းလိုက်လို့ အပေါ်သွေးက ၉၀ mm Hg ထက်နည်းနေပြီးအောက်သွေးက ၆၀ mm Hg ထက် နည်းနေခဲ့ရင်သွေးပေါင်ကျနေတယ်၊ လို့ ယူဆရပါမယ်။
သွေးပေါင်ကျစေရတဲ့ အကြောင်းရင်းခံကတော့တော်တော်လေးများပါတယ်။ ခန္ဓါကိုယ်မှာရေဓါတ်မလုံလောက်တာကနေစလို့ ကျန်းမာရေးအခြေအနေနဲ့ ခွဲစိတ်ကုသမှုခံယူစဉ်အတွင်း မှားယွင်းမှုတစ်စုံတရာဖြစ်တာကြောင့် လည်းသွေးပေါင်ကျတာမျိုးဖြစ်နိုင်ပါတယ်။
ရုတ်တရက်သွေးပေါင်ကျသွားတဲ့အခါ –
ရုတ်တရက်သတိလစ်သွားခြင်း
သွေးပေါင်တအားကျသွားတဲ့အခါ အသက်အန္တရာယ်တောင်ဖြစ်နိုင်ပါတယ်။သွေးပေါင်တအားကျပြီး ရုတ်တရက် သတိလစ်မသွားခင်မှာ ဒီလိုတွေဖြစ်နိုင်ပါတယ်။
တကယ်လို့သွေးပေါင်ကျတာကြောင့် ရုတ်တရက်သတိလစ်နိုင်တဲ့ အခြေအနေမျိုးဖြစ်လာနိုင်တဲ့ လက္ခဏာတွေဖြစ်လာပြီဆိုရင်မြန်နိုင်သမျှမြန်မြန်ဆရာဝန်နဲ့သွားရောက်ပြသသင့်ပါတယ်။
တစ်ခါတလေခန္ဓါကိုယ်မှာရေဓါတ်ခမ်းခြောက်တဲ့အခါ မျိုးမှာလည်းခေါင်းမူးတာ၊ ညီးစီစီဖြစ်တာမျိုးတွေခံစားရနိုင် ပါတယ်။ ခန္ဓါကိုယ်ကအေးစက်လာပြီး ဘာမှမလုပ်နိုင်အောင် ကတုန်ကယင်ဖြစ်လာမယ်ဆိုရင်တော့ နီးစပ်ရာဆေးခန်းကို အမြန်ဆုံးသွားရောက်ပြသသင့်ပါတယ်။
သွေးပေါင်ကျတာကရောဂါအခြေအနေကြောင့်ဖြစ်နိုင်သလိုသောက်သုံးနေတဲ့ဆေးဝါးတွေကြောင့်လည်းဖြစ်နိုင် ပါတယ်။ ဒါပေမယ့်သွေးပေါင်ကျတာကိုဖြစ်စေနိုင်တဲ့ အခြားအကြောင်းအရင်းတွေလည်း ရှိပါသေးတယ်။
သွေးပေါင်ကျတာကို အသက်အရွယ်မရွေး၊ ကျား၊မမရွေးကြုံတွေ့ရနိုင်ပါတယ်။ ဒါပေမယ့် ဒီအချက်တွေကတော့သွေးပေါင်ကျနိုင်ခြေကိုမြင့်တက်စေနိုင်ပါတယ်။
သွေးပေါင်ကျတာကို ဘယ်လိုကုသမလဲဆိုတာကဖြစ်ရတဲ့အကြောင်းရင်းခံပေါ်မှာ မူတည်နေပါတယ်။သွေးပေါင်ကျတာကို ကုသတဲ့အခါ နှလုံးရောဂါ၊ဆီးချိုနဲ့ အခြားရောဂါအခြေအနေတွေအတွက် ကုသမှုခံယူနေရတာတွေကိုပါထည့်တွက်ဖို့လိုပါမယ်။
တကယ်လို့အော့အန်တာ နဲ့ ဝမ်းသွားတာတွေကြောင့်သွေးပေါင်ကျတာမျိုးဖြစ်မယ်ဆိုရင်တော့ရေဓါတ်ဆုံးရှုံးတာကြောင့်ဖြစ်ရတဲ့သွေးပေါင်ကျတာပါ။ရေအလုံအလောက်သောက်ပေးဖို့လိုပါမယ်။ရေဓါတ်ပြည့်ဝအောင်နေတာကသွေးပေါင်ကျတာမျိုးမဖြစ်အောင်ကာကွယ်ပေးနိုင်ပါတယ်။ အချိန်အကြာကြီး မတ်တတ်ရပ်နေရတာကလည်းသွေးပေါင်ကျတာကိုဖြစ်စေနိုင်တာကြောင့် အချိန်အကြာကြီးမတ်တတ်ရပ်တာမျိုးမလုပ်ပါနဲ့။ ခန္ဓါကိုယ်ကို သက်တောင့်သက်သာဖြစ်အောင်ထားပေးပါ။ စိတ်ဖိစီးစေမယ့်အကြောင်းအရာတွေကိုလည်း သိပ်မတွေးမိအောင်နေပေးဖို့လိုပါမယ်။
ရုတ်တရက်သတိလစ်တာမျိုးအထိသွေးပေါင်ကျတာက ဆိုးလာမယ်ဆိုရင်တော့ ဆရာဝန်နဲ့ချက်ချင်းပြသဖို့လိုပါမယ်။
သွေးပေါင်ကျတာ သိပ်မပြင်းထန်ရင်တော့ခေါင်းမူးတာ၊ အားမရှိသလိုဖြစ်တာ၊ မိုက်ခနဲမူးပြီး ရုတ်တရက် လဲကျတာမျိုးဖြစ်နိုင်ပါတယ်။ လဲကျတာကြောင့် မတော်တဆထိခိုက်တာမျိုးလည်းဖြစ်နိုင်ပါတယ်။
သွေးပေါင်ကျတာက အရမ်းပြင်းထန်မယ်ဆိုရင်တော့ ခန္ဓါကိုယ်အစိတ်အပိုင်းတွေကအောက်ဆီဂျင်ကို အလုံအလောက်မရရှိတော့ဘဲ ပုံမှန်လုပ်ငန်းဆောင်တာတွေကို မလုပ်ဆောင်နိင်တာမျိုးဖြစ်နိုင်သလို နှလုံးနဲ့ ဦးနှောက်ကို ထိခိုက်ပျက်စီးတာမျိုးတွေအထိဖြစ်စေနိုင်ပါတယ်။
Hello Health Group သည် ဆေးပညာ အကြံပြုချက်များ၊ ရောဂါရှာဖွေ အတည်ပြုချက်များနှင့် ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။